VaHevelu 10:22 - Livulu lya Shukulu Kalunga

²² Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 10:22 Iomraidhean Croise

1 Vimyene 15:3

Ikeye walingile vuvi ngwe mwalingile lalo ishe, co kapwile wa kulongwa kuli Shukulu Kalunga Njambi yendi, ngwe mwapwile kukulwila yendi Ndaviti.

1 Mizimbu 12:33

Kuli Zembuloni kwatundile vanu 50,000 va ku vumwene, vakunyanyama vaje valivwaeselele cimweja kulwa, vavalongesele kupangesa miyati yoshe ya vitwa.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

Myaso 111:1

Shangazaleni Shukulu Kalunga! Mu cikungulukilo ca vanu vendi, njikakandelela kuli Shukulu Kalunga na mbunge yange yoshe.

Myaso 119:10

Njikulemesa na mbunge yange yoshe, kesi unjitave kuseza mashiko ove.

Myaso 119:145

Njilombela kuli yove na mbunge yange yoshe, njikumbulule Shukulu Kalunga, co njikononoka mashiko ove.

Myaso 119:2

Vanavezika vanu vaje vanyunga vizilika vya Shukulu Kalunga, nakumwononoka na vimbunge vyavo vyoshe.

Myaso 119:34

Njane mana ngeci njinyunge mashiko ove, co njikawononoka na mbunge yange yoshe.

Myaso 119:58

Njikulomba na mbunge yange yoshe, ukale na mema ku mbunge ali yange, ngwe muje wanjikulaesele!

Myaso 119:69

Vaka-kulyalesa vendeka makuli ali yange, oloni yange njikononoka vilongesa vyove, na mbunge yange yoshe.

Myaso 119:7

Njikakushangazala na mbunge ya kulongwa, omo njililongesa mashiko ove akushungama.

Myaso 119:80

Mbunge yange ipwe ya vushunga ku mashiko ove, ngeci kesi njizive shwamwa.

Myaso 32:11

Vwaeleleni nakujolela yeni vaka-vushunga, omwo vije vyanalingi Shukulu Kalunga! Tambekeni nakujolela yeni vaka-kumwononoka!

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Myaso 73:28

Oloni ngeci mwange ni, mwamuvwa kukala kuyehi na Njambi! Shukulu Kalunga wa Akamwa ya Vyoshe, njinamupwisa cimpaka cange, co njikambulula vilinga vyendi vyoshe.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 9:1

Yove Shukulu Kalunga njikushangazala na mbunge yange yoshe, nakwambulula vyuma vyoshe vyakukomokesa vije viwunalingi.

Myaso 94:15

Vushunga vukeluka lalo ku vaka-kulongwa, co voshe vaje vaka-kupanga mwamuvwa vakavukavangeya.

Kutuuka 29:4

“Co nena Alone na vana vendi ku cikolo ca Mbalaka Mwakuliwanena, co vajwelese.

Visimo 23:26

Munange tolilila mwamuvwa, kuyoya kwange kupwe cimweso kuli yove.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Isaya 52:15

Oloni miyati ya vanu vavangi vakamukomoka, co vimyene kuvakasa kwendeka, vakalikomokela lika. Vakamona nakuzivisisa cuma cije kuvazivukile akulivanga.”

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 3:10

Munima ya vyoshe evi, Yunda ndokazi ya Isalele wakujeneka kulongwa, walikwisile kwiluka kuli yange, oloni kelukile na mbunge yendi yoshe. Yange Kalunga, njinendekamo.”

Njelemiya 30:21

Muka-kuvashwana akatunda ku muyati wavo vavenya, muna mwene yavo akatunda ku vanu vavo vavenya. Akaija kuli yange omo njikamusana, iyajo asa kwija kuli yange, kujeneka kumusana?

Ezekiyele 16:9

“Asinoni njambatele mema nakujwelesa maninga ove. Co njakuvwavesele mazi a olive a cikonde cove.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

VaLevi 14:7

Co akashamwine aje maninga visimbu vitanu na vivali ali uje munu ivanajelesa ku mushongo wendi wa a cikonde wakulitambwisa, asinoni akamutumbule ngwendi najele. Co ikeye akecela uje kazila wa mwonyo ngeci aliile mwoshe-imwoshe.

VaLevi 16:4

“Omo Alone kanda acikovele mu Mwela Wakujela Manene, napande kujwela a muvila wendi nakuzala vuzalo vwa vuka-kukombelela na cikoveyo cacilaja cakujela ca linyu na kaputula na mwiva na kalupusa.

VaLevi 8:6

Co Mosesa wasanene Alone na vana vendi, co wavajwelesele.

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Kulava 8:7

Akuvajelesa linga ngeci, vashamwine mema akuvajelesa, co vateule a mivila yavo yoshe, vakushe lalo vuzalo vwavo, co vakajela.

Mateo 3:11

Njimimbwitika mu mema mukumwesa kutenguluka kwa vimbunge vyeni, oloni owo akaija munima yange akamimbwitika na Munzinzime Wakujela na mu tuhya. Ikeye wakama kutuvakana yange, nameme vin̄aku vyendi kunjivyasa kuvyambata.

Luka 1:1

Kuli mukwetu Teofilo. Vanu vavangi vanasoneka vukaleo vwa vyuma vije vyalingiwile akati ketu.

Yowano 3:5

Yesu wamumbulwile ngwendi, “Mwa vushunga njikuleka ngwange, naumo wai asa kukovela mu Vumwene vwa Njambi kuvanga asemuke ku mema na ku Munzinzime Wakujela.

Yowano 8:9

Oloni omo vazivile ngeci, voshe vaile, umo na umo, kushangumukila kuli vakulunu. Co Yesu wasalele endi lika, na uje munakazi anga nemana lwii kuje.

Vilinga vya Miluwa 22:16

Co ololo, vikajo uvandamena? Katuka ngeci vakumbwitike, co vivi vyove vavikushe akulombela kuli ikeye.’

Vilinga vya Miluwa 8:21

Yove kuwesi na mutambela nambe mwela mu vipangi vyetu, omwo mbunge yove kuyesi mwamuvwa ku mesho a Njambi.

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Efeso 3:12

Akukala muli ikeye na akukulaela kwetu muli ikeye, twasa kuya ku mesho a Njambi nakusimpa kwoshe.

Efeso 5:26

Walingile eci mukukundika cikungulukilo kuli Njambi na lijwi lyendi, anima yakucijelesa akucijwelesa mu mema,

Efeso 6:5

Eni vindungo, ononokeni kuli vashukulu veni va ano asi na lyova nakujaja, co lingeni eci na mbunge ya lyovwa-ovwa, ngwe vene mulinakupangela Kilistu.

1 Timateo 4:2

Vilongesa evi vilinakutunda kuli vanu vaka-kuseveleka na vaka-makuli, vaje vitaku-taku vyavo vinatsi, ngwe vyakwenyeka na cikuvo ca tuhya.

Tito 3:5

ikeye watwovwele. Kesi ngwe ku vilinga vyetu vavenya vyakushungama vitwalingile embwe, oloni omwo ku kutetela kwendi vavenya ngeci watwovwele, ali Munzinzime Wakujela uje natwana kusemuka kwakuhwa na mwonyo wauha akutukusha.

VaHevelu 10:1

Lishiko lya vaYunda kulyapwile kutembunwina mwamuvwa vyuma vya vushunga, likelyo lyapwa ngwe munzinze wakulitalanganya wa vyuma vyavivwa vije vilinakwija. Vin̄ombelo vije vakele nakukombelela simbu yoshe a mwaka na mwaka. Vatijo Lishiko a vin̄ombelo evi lyasa kujelesa vanu vaje valinakwija kuli Njambi?

VaHevelu 10:19

Ngecivene, vakwetu, twasa kukovela nakusimpa mu Mwela Wakujela Manene omo a kutsa kwa Yesu.

VaHevelu 11:28

Akukulaela, washikile kunyunga Ciwano ca Pasovala, co washikile lishiko lyakushamwina maninga ku vikolo, ngeci uje Kangelo Muka-kutsiya kesi atsiye vana va vanalume va ntwatwa va vaIsalele.

VaHevelu 12:24

Yeni munaija kuli Yesu, uje navwaesa cikumiiyo caciha, nakukushamwina kwa maninga anatukulaesa vyuma kutuvakana maninga a Avele.

VaHevelu 4:16

Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.

VaHevelu 6:11

Sholovya yetu inapu yakama ngeci munu na munu akati keni acitwaleo na lukakateya noo na ashongo, ngeci vyuma vyoshe vimulinavyo na cinyangavili vikapwe vya vushunga.

VaHevelu 7:19

Omwo Lishiko lya Mosesa kulyasele kupanga cuma cacivwa. Co ololo tuli na cinyangavili cacivwa cije vanatunenelaco a cikeco twasa kushwenya kuyehi na Njambi.

VaHevelu 9:10

omwo vikevyo vinemanena lika ku vyakulya nakunwa, na vilika vyakuliseza-seza vyakulijelesa. Evi vyoshe vinapu mashiko a anja, evi vikalingiwa noo a simbu ije Njambi akatengulula vyuma vyoshe.

VaHevelu 9:19

Akulivanga, Mosesa walekele vanu mashiko a Njambi oshe, ngwe muvaemikile. Co wambatele maninga a vana va vingombe va nkomba na vimembe nakwawakumbasana amo lika na mema, co waashamwinine a livulu lya Lishiko na a vanu voshe na kacishamo ka hisope, co na a a vimanga akuvenga.

Yakomba 1:6

Oloni nga ulombela, unapande kukulaela kesi ushame-shame embwe. Omwo woshe uje ashama-shama napu ngwe linkimba lya mu mema a kalunga lije lipekumukila kwoshe kuje kuliya lihunzi.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,