VaHevelu 10:11 - Livulu lya Shukulu Kalunga

¹¹ Vaka-kukombelela voshe vakemana a litangwa na litangwa mukupanga nakukombelela vin̄ombelo vya cifwa cimo visimbu vyavingi, oloni vin̄ombelo evi kuvyasa kutundisa vivi nalumo lwai.

VaHevelu 10:11 Iomraidhean Croise

Kutuuka 29:36

Co a litangwa na litangwa unapande kukombelela ngombe wa nkomba kupwa mulambu wa a vuvi mukwambesa vuvi. Co lalo ukajelesa mutula omo ukombelela, co ukauvwavesa mukuujelesa.

Isaya 1:11

Ikeye alinakwendeka ngwendi, “Kuma yeni munayongola ngweni njishaka vin̄ombelo vyoshe evi mulinakukombelela kuli yange ndi? Yange njinapwisamo na vin̄ombelo vya kwenyeka vya vimanga, na mazi a vimuna veni vakununa. Yange kunjivwaelela na maninga a vingombe va nkomba, na maninga a vimanga, naa a vimembe.

Ezekiyele 45:4

Ukapwa mutambela umo wakujela mu lifuti, uje vakangunwina vaka-kukombelela vaje vaka-kupangela Shukulu Kalunga mu Njuvo yendi. Mukakala lika vinjuvo vyavo na mutambela wa Njuvo ya Shukulu Kalunga.

Ndanyele 11:31

Mashwalale vendi vamo vakajwalesa Njuvo ya Shukulu Kalunga. Vakavindika kukombelela kwa a litangwa na litangwa, co vakemika Cimweso ca Vunyengwe.

Ndanyele 12:11

“Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe, kukaita matangwa akupwa 1,290.

Ndanyele 8:11

Yalyalesele lalo na kuli Ntwama wa nzita ya mwilu, nakuvindika vin̄ombelo vije vakele nakukombelela kuli ikeye, co yajwalesele Njuvo ya Shukulu Kalunga yakujela.

Ndanyele 9:21

Omo njakele nakulombela, Ngambiliyele uje injamwene mu cimona cakulivanga, wapulwile nakwija kuje kunjakele. Yapwile simbu yakukombelela vin̄ombelo vya cingwezi.

Ndanyele 9:27

Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”

Mika 6:6

Vikajo vinjikatwala kuli Shukulu Kalunga Njambi wa mwilu, omo njiya nakumulemesa? Kuma njasa kutwala vana va vingombe vavavwa manene mukwenyeka kupwa vin̄ombelo kuli ikeye ndi?

Kulava 28:24

Co mu ngila eyi lalo, matangwa atanu na avali mukakombelela kuli Shukulu Kalunga n̄ombelo ya vimbuto vya vunga vwakulola kupwa n̄ombelo ya vyakulya, co lwengo lwaluvwa lwa n̄ombelo eyi lukavwaelelesa Shukulu Kalunga. Co mukakombelela n̄ombelo eyi mukuwezelela ku n̄ombelo ya kwenyeka ya a litangwa na litangwa amo na n̄ombelo yayo ya vinyu.

Kulava 28:3

“Co ukavaleke ngwove, eyi ikeyo milambu ya vyakulya imukalambula kuli Shukulu Kalunga, majamba a vana va vimanga vavali va mwaka umo vakujeneka kapenga a litangwa na litangwa kupwa mulambu wa kwenyeka simbu yoshe.

Kulava 29:6

Mukakombelela vimuna ava, kuwezelela ku n̄ombelo ya kwenyeka ya a litangwa na litangwa, na a ngonde na ngonde, na vin̄ombelo vyavo vya vimbuto, na vin̄ombelo vyavo vya vinyu, ngwe ku lishiko lyavyo. Vikevyo vinapu vin̄ombelo vya vyakulya kuli Shukulu Kalunga, co lwengo lwaluvwa lwa vin̄ombelo evi lukavwaelelesa Shukulu Kalunga.

VaHevelu 10:1

Lishiko lya vaYunda kulyapwile kutembunwina mwamuvwa vyuma vya vushunga, likelyo lyapwa ngwe munzinze wakulitalanganya wa vyuma vyavivwa vije vilinakwija. Vin̄ombelo vije vakele nakukombelela simbu yoshe a mwaka na mwaka. Vatijo Lishiko a vin̄ombelo evi lyasa kujelesa vanu vaje valinakwija kuli Njambi?

VaHevelu 10:4

Omwo maninga a vingombe va nkomba na vimembe kuwasele kutundisa vivi vya vanu.

VaHevelu 5:1

Muka-kukombelela Wakama woshe wapwa wakwangula akati ka vanu nakumwimika ngeci apangele Njambi mukuvemanenako, kukombelela vin̄ombelo na milambu ya a vuvi.

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

VaHevelu 8:2

Alinakupanga ngwe Muka-kukombelela Wakama mu Mwela Wakujela Manene, muje munapu mu mbalaka vene ije yatungile Mwene, kesi vanu embwe.

VaHevelu 8:4

Ngeci nga wakele ano asi, nga kapandele lalo kupwa muka-kukombelela embwe, omwo kuli vakakukombelela vaje valinakukombelela vwana ngwe ku futisi ya Mashiko a vaYunda.