VaHevelu 10:10 - Livulu lya Shukulu Kalunga

¹⁰ Omwo Yesu Kilistu walingile vije vyashakele Njambi ngeci avilinge, yetu voshe tunajele ku vuvi a n̄ombelo ije yalingile ya muvila wendi vavenya, wailingile lumo lika.

VaHevelu 10:10 Iomraidhean Croise

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Yowano 17:19

Co omo ali vakevo njilikundika yange vavenya kuli yove, ngeci na vakevo lalo valikundike mu vushunga kuli yove.

Yowano 19:34

Umo wa vaje mashwalale, wativile Yesu likunga ku vimati, co aje vene maninga na mema vyetikile. (

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Efeso 5:26

Walingile eci mukukundika cikungulukilo kuli Njambi na lijwi lyendi, anima yakucijelesa akucijwelesa mu mema,

VaHevelu 10:12

Oloni Kilistu wakombelelele n̄ombelo imo a vivi, co yapwile n̄ombelo ya ku myaka yoshe, asinoni watumbamene ku livoko lya cilyo lya Njambi.

VaHevelu 10:14

Ngecivene, a n̄ombelo imo, najelesa voshe vaje vanajele ku vuvi.

VaHevelu 10:20

Ikeye natushokolwela ngila yaiha yakuyoya, yakutuvakana livamba lije, likelyo muvila wendi.

VaHevelu 10:29

Ngecivene, cikafwa vatijo kuli munu uje ashaula Muna Njambi? Nga apopolola maninga a cikumiiyo ca Njambi ngwe cuma cangoco aje anamujelesa ku vuvi? Co ashaula Munzinzime wa mema ku mbunge? Co cihiso ca munu wangacije cikapwa cakama manene!

VaHevelu 10:5

A cuma eci, omo Kilistu wezile a kaye, wendekele kuli Njambi ngwendi, “Yove kuushaka vin̄ombelo na milambu ya tusitu, oloni unanjivwaesela muvila.

VaHevelu 13:12

Mu cifwa cije vene lalo Yesu watsililile anja ya cikolo ca nganda, mukusambesa vuvi vwa vanu na maninga endi.

VaHevelu 2:11

Ikeye ajelesa vanu ku vuvi vwavo, co ikeye na vaje vanajelesa voshe vali na lshavo umolika. Ngeci Yesu kesi na shwamwa yakuvatumbula ngwendi vasamba vendi.

VaHevelu 2:14

Ngecivene, omo vana vanatambula ku situ na maninga, Yesu nendi lalo walipwisile ngwe vakevo watambwile cisemwa cavo ca vunu vwa ano asi. Ikeye walingile eci ngeci a kutsa anyongese uje wakele na nzili ya kutsa, ikeye vene Liyavola.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

VaHevelu 9:12

Omo Kilistu wakovelele mu mbalaka, co wakovelelemo lumo ku myaka yoshe mu Mwela Wakujela Manene, kambatele maninga a vimembe na vana va vingombe mukukombelela ngwe n̄ombelo embwe, oloni wambatele maninga endi vavenya mukututambwila kwovoka kuje kwa myaka yoshe.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

VaHevelu 9:26

nga ngoco ni, nga wapandele kuyanda visimbu vyavingi tunde aje vatangelele kaye. Oloni ku shongo ya myaka, washolokele lumolika kuli voshe, mukutundisa vuvi mukulikombelela ikeye vavenya.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Yowano 5:6

Yesu Kilistu ikeye wezile na mema akumbwitika kwendi na maninga a kutsa kwendi. Kezile lika na mema, oloni wezile na vyoshe vivali mema na maninga.