VaHevelu 1:11 - Livulu lya Shukulu Kalunga

¹¹ Vikevyo vyoshe vikaita, oloni yove ukakala, vikevyo vyoshe vikakuluvala ngwe vuzalo vwalaja.

VaHevelu 1:11 Iomraidhean Croise

Myaso 10:16

Shukulu Kalunga ikeye wapwa mwene wa ku myaka yoshe, vaje valemesa vinjambi veka vakanyonga mu lifuti lyendi.

Myaso 102:26

Vyoshe evi vikahwa, oloni yove kuuli, vikevyo lalo vikakula ngwe vuzalo. Yove ukavitengulula ngwe muukatengulula vuzalo, co vyoshe vikanyonga.

Myaso 29:10

Shukulu Kalunga ashwana akamwa ya mema akulova, ikeye ashwana ngwe mwene ku myaka yoshe.

Myaso 90:2

Simbu kanda utange malundu, simbu kanda utange kaye, yove wapwa u Njambi ku myaka yoshe.

Isaya 34:4

Litangwa, na ngonde, na vingongonosi vikanyongolokota. Lilu vakalizenga ngwe livulu, co vingongonosi vikawa ngwe maputa atotomoka ku mukolovozi wa vushuka vwa vinyu nambe ku muti wa mukuyu.

Isaya 41:4

Iyajo akalingisa vyuma evi? Iyajo akendesa vyuma tunde ku san̄ulu? Yange Shukulu Kalunga, njakeleko avushangumukilo, co lalo njikakalako a mamaneselelo.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 50:9

Shukulu Kalunga wa Akamwa ya Vyoshe ikeye muka-kunjimanena, iyajo anjana mulonga? Vaka-kunjivangeya voshe vakahwa njwa, vakanyonga ngwe nanga yakuliwa ku tunembulu.

Isaya 51:6

Kengeni kwilu, co kengeni lalo asi, lilu likahwa vwasi ngwe vwisi, na lifuti likasanyozoka ngwe vuzalo vwalaja, co vanu vamwo voshe vakatsa ngwe vinzinzi. Oloni kwamena kwange kukapwa kwa myaka yoshe, kuhyana kwange kukapwa kwa myaka yoshe.

Isaya 51:8

vakahwa njwa ngwe vuzalo vwakuliwa ku tunembulu! Oloni kwamena kwange kukapwa kwa myaka yoshe, kuhyana kwange kukakala visimbu vyoshe.”

Isaya 65:17

Shukulu Kalunga alinakwendeka ngwendi, “Njitanga kaye kakaha na melu amaha. Vyuma vyalaja vikahwa, co vakavivala.

Mateo 24:35

Lilu na asi vikaita, oloni majwi ange kuwakaiti embwe.

Mako 13:31

Lilu na asi vikaita, oloni majwi ange kuwakaiti embwe.

Luka 21:33

Lilu na asi vikaita, oloni majwi ange kuwakaiti.

VaHevelu 12:27

Lijwi eli, “lalo” litumwesa mwamuvwa ngeci vyuma vyakutanga vakavijajesa nakuvishandola, ngeci vyuma vije kuvikajaja vikevyo vikasalao.

VaHevelu 8:13

Akwendeka a cikumiiyo caciha, Njambi napwisa cije cakulivanga kupwa calaja, co cuma coshe calaja cikuluvala, co vwasi-vwasi cizimangana.

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.

Kujombolola 20:11

Co njamwene litanda lyakama lyakutoka na uje watumbameneo. Kaye na lilu vyatewele ku mesho endi, co kuvavimwene lalo.

Kujombolola 21:1

Asinoni njamwene lilu lyaliha na kaye kakaha. Lilu lyakulivanga na kaye kakulivanga vyahwile, co mema a kalunga kuwakeleko lalo.