Tito 3:5 - Livulu lya Shukulu Kalunga

⁵ ikeye watwovwele. Kesi ngwe ku vilinga vyetu vavenya vyakushungama vitwalingile embwe, oloni omwo ku kutetela kwendi vavenya ngeci watwovwele, ali Munzinzime Wakujela uje natwana kusemuka kwakuhwa na mwonyo wauha akutukusha.

Tito 3:5 Iomraidhean Croise

Yombi 15:14

“Kuma munu asa kupwa wakujela ndi? Kuma munu asa kupwa muka-vushunga ku mesho a Njambi ndi?

Yombi 25:4

Kuma munu asa kupwa muka-vushunga, nambe kupwa wakujela ku mesho a Njambi ndi?

Yombi 9:20

Nameme nji muka-kujeneka mulonga na munu wakukulaela, oloni kanwa kange kanjihisa, co vyuma vyoshe njilinakwendeka, vilinakusholoka kunjihisa.

Myaso 130:7

Kulaela kuli Shukulu Kalunga yove Isalele, omwo ya cizemo cendi cije kucesi kutenguluka, co lalo ali na nzili yakukwamena.

Myaso 143:2

Kesi usompese yange ngamba yove, omwo kukwesi umo wa kulongwa kuli yove.

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Myaso 62:12

co njakala na cizemo cije kucesi kutenguluka.” Shukulu Kalunga, yove vavenya ukafwete munu na munu ngwe ku vipangi vyendi.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Isaya 57:12

Mulinakuyongola ngweni evi mulinakulinga vinapu vyavivwa, oloni yange njikamizivisa shwamwa a vilinga vyeni, co tumponya tweni kuvakamikwasa.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Mateo 3:11

Njimimbwitika mu mema mukumwesa kutenguluka kwa vimbunge vyeni, oloni owo akaija munima yange akamimbwitika na Munzinzime Wakujela na mu tuhya. Ikeye wakama kutuvakana yange, nameme vin̄aku vyendi kunjivyasa kuvyambata.

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.

Luka 1:54

Ikeye nanyungu cikulaeso cije calingile kuli vakukulwila vetu, co naija nakukwasa ngamba yendi Isalele.

Luka 1:72

Wendekele ngwendi akamwesa mema ku mbunge kuli vakukulwila vetu nakwanuka cikumiiyo cendi cakujela.

Luka 1:78

Njambi yetu wakala na mema ku mbunge. Akatuwisa ceke cakutwamena a mungulungengu ngeci citwe ali yetu,

Loma 11:14

Amo njasa kulingisa vanu va ku muyati wange lifuwa, ngeci njase kwamenako vamo.

Loma 11:6

Kwangula kwendi kunajendamena a kutetela kwendi, kesi ngwe a vije vivanalingi embwe. Omwo nga kwangula kwa Njambi kwapwa kwa a vije vivalinga vanu, nga kutetela kwendi kukwapwile kutetela kwa vushunga.

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 3:20

Omwo munu naumo wai napu muka-vushunga ku mesho a Njambi navilinga vya majwi a Lishiko, omwo majwi a Lishiko akewo anaija ngeci munu azivuke ngwendi nalingi vuvi.

Loma 3:28

Omwo twayongola ngeci munu vamupwisa muka-vushunga ku mesho a Njambi akukulaela lika, kesi ku vilinga vya majwi a Lishiko.

Loma 4:5

Oloni munu uje nemana lika akukulaela kwendi, kesi a vilinga vyendi, co uje akulaela kuli Njambi muka-kusambesa muka-kapayo kupwa wakujeneka mulonga, kunapu kukulaela kwendi kuje Njambi ayongola ngeci amupwise muka-vushunga ku mesho endi.

Loma 9:11

Omo kanda vasemuke nambe omo kanda valinge vyavivwa nambe vyavivi, ngeci cizango ca Njambi cakwangula citwaleleleo, kesi omwo vilinga embwe, oloni omwo kusana kwendi

Loma 9:16

Ngecivene, vyuma vyoshe vyakundama, kesi ku vije vyashaka munu nambe vije vyalinga embwe, oloni a mema ku mbunge ya Njambi lika.

Loma 9:30

Ngecivene, twendeka ngwetu vaje kesi vaYunda, vaje kuvalipwisile vakevo vavenya vaka-vushunga ku mesho a Njambi, vavapwisile vaka-vushunga ku mesho endi akukulaela,

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

Ngalatiya 2:16

Oloni twazivuka ngeci munu apwa muka-vushunga ku mesho a Njambi akukulaela lika kuli Yesu Kilistu, kesi ngwe mukulinga vije vishakiwa ku Majwi a Lishiko embwe. Netu lalo tunakulaela kuli Kilistu vatupwise vaka-vushunga ku mesho a Njambi akukulaela kuli Kilistu, kesi ngwe mukulinga vije vishakiwa ku Majwi a Lishiko embwe. Omwo ku vilinga vya mashiko munu naumo wai akovoka.

Efeso 2:4

Oloni Njambi wapwa muka-mema ku mbunge, co na cizemo cendi kuli yetu capwa cakama manene

Efeso 4:23

Vimbunge vyeni na mana eni vinapande kupwa vyaviha,

Efeso 5:26

Walingile eci mukukundika cikungulukilo kuli Njambi na lijwi lyendi, anima yakucijelesa akucijwelesa mu mema,

Kwituluka mu Mashiko 9:5

Kesi omwo kushungama kweni nambe vushunga vwa vimbunge vyeni amukakovelela nakushwana lifuti lyavo embwe, Shukulu Kalunga alinakumishekela vanu ava omwo ya vuvi vwavo, ngeci akolese lijwi lije lyakulaesele kuli vakukulwila veni, va Avilahama, na Isake, na Yakomba.

Kolose 3:10

co munazala vunu vwavuhwa. Ovu vunapu vunu vwavuhwa vuje Njambi, Ishamatanga wavwo alinakuvutungulula mu cifwa cendi vavenya, ngeci amishwenyese kukushula kwa mana akumuzivuka.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

Tito 3:4

Oloni omo ngozi na cizemo ca Njambi Muyoyesi wetu vyasholokele,

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 4:16

Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.

VaHevelu 6:6

Co nga vaje vombilile kukulaela kwavo! Kucitava kuvelwisa ngeci vatenguluke lalo, omwo vakevo valinakushukika Muna Njambi lalo nakumushawisa ku mesho a mbunga.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

1 Petulu 2:10

A simbu imo kumwapwile vanu va Njambi, oloni ololo munapu mu vanu vendi, a simbu imo kumwazivukile mema ku mbunge ya Njambi, oloni ololo munawana kumizivila mema ku mbunge.

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,