Tito 3:2 - Livulu lya Shukulu Kalunga

² Valeke kesi vakashaule munu naumo wai, oloni vapwe vaka-kwoloka nakulizema, co simbu yoshe vasholole vuvwa vunapandemo ku mesho a vanu voshe.

Tito 3:2 Iomraidhean Croise

2 Samwele 22:36

Yove Shukulu Kalunga, u muka-kunjinyunga nakunjamena, kunyunga kwove kunanjitsimanesa.

Myaso 140:11

Vaje vaka-kuvangeya vakwavo kesi vahyane embwe, vuvi vukayomba vaka-muuka nakuvanyongesa.

Visimo 19:19

Munu wakuluvala-luvala manene wakala mu vukalu vwakama, munu wa cifwa cangacije vanapande kumukwasa simbu yoshe.

Visimo 25:24

Mwamuvwa kukala mu cimbimbi ca njuvo yove, kutuvakana kukala mu njuvo amo na munakazi wa kanwa.

Visimo 6:19

vukaleo vwa makuli ali mukwavo, na munu uje muka-kushangumuna vukalu akati ka vakwavo.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Mateo 11:29

Lilemekeni mandauluwa yange, co lilongeseni kuli yange, omwo yange njimukalyovwa-ovwa na kulikeesa mu mbunge, co mukawana kuhwima ku myonyo yeni.

Vilinga vya Miluwa 23:5

Co Paulu wakumbulwile ngwendi, “Vavushoko vwange vaIsalele, kunjazivukile ngwange ou ikeye Muka-kukombelela Wakama. Omwo visoneka vinendeka ngwavyo, ‘Kesi wendeke cuma cacivi ali uje alinakushwana vanu vove.’ ”

1 Kolinte 6:10

nambe vaka-kwiva nambe vaka-cipululu nambe vaka-kupenda nambe vaka-kushaula nambe vezi, kuvakashwana Vumwene vwa Njambi.

1 Kolinte 9:19

Omwo nameme njinapu munu wakupatuka, kunjapwile nji ndungo ya munu naumo wai, oloni njalipwisa yange vavenya ndungo ya voshe ngeci njiwane vanu vavangi nga citava.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 12:20

Njili na lyova ngeci omo njakweta okwo kuli yeni, njakumiwana muli mweka kutunda mu cifwa cije njayongwele ngeci njakumiwanemo, co lalo amo mwakunjimona lalo njatundu mu cifwa cije mwayongola ngeci mwakunjimone naco. Njili na lyova amo njakuwana vimata vya mafuwa na vukalu nakulyamesa nakulishaula nakulifweya na kulyalesa na kapopolwezi.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Ngalatiya 6:1

Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.

Ngalatiya 6:10

Ngecivene, ngwe omo tuli na simbu, tunapande kulingila vuvwa kuli munu na munu, vunene vene kuli vaje vanakundama ku naanga yetu mukukulaela.

Efeso 4:2

Simbu yoshe pweni vaka-kulilumbilisa, vaka-kulikeesa na vaka-lukakateya. Shololeni cizemo ceni mukuliyandela umo na mukwavo.

Efeso 4:31

Tundiseni kulula kwoshe na mashungu na vukalu. Kesi kukale lalo kulijokota nambe kulishaula, kesi kukale lalo matumbe amavi akati keni.

Filipu 4:5

Mweseni kalemeso kuli vanu voshe. Mwene alinakwija ololo.

1 Tesalonika 2:7

nambe ngwe miluwa va Kilistu twasele kumyana citele. Oloni twapwile tu vaka-lyovwa-ovwa omo twakele neni amo, ngwe lyovwa-ovwa lya cisemi wa munakazi omo alinakulela vana vendi vene.

1 Timateo 3:11

Vanakazi vavo vanapande kupwa va futisi yaivwa, kesi vaka-lufwe, kesi vapwe vaka-kunwa vyakupendesa, oloni vapwe vaka-vushunga mu vyuma vyoshe.

1 Timateo 3:3

kapandele kupwa muka-kupenda nambe kupwa munu muka-lwozi, oloni apwe muka-lyovwa-ovwa na kwoloka, kapandele kupwa muka-kuzema vimbongo,

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

Yakomba 4:11

Vasamba vange, kesi mulizungise umo na mukwavo. Woshe uje afweya nambe asompa mukwavo muka-Yesu alinakuzungisa Lishiko nakulisompa. Nga usompa Lishiko, co yove lalo kuwapwile u munu muka-kwononoka Lishiko, oloni unapu u muka-kulisompa.

1 Petulu 2:1

Ngecivene, umbileni kuti vyuma vyoshe vyavivi, kesi mwendeke makuli lalo, nambe kulinga civembulu, nambe lifuwa, nambe vyendeka vyakushaula.

1 Petulu 3:10

Ngwe muvyendeka visoneka ngwavyo, “Nga munu ashaka mwonyo nakushaka kumona vyavivwa, kapandele kwendeka vyavivi co alikele kwendeka makuli.

1 Petulu 3:8

Akukotoka, yeni voshe munapande kukala na kulitombola kumo na viyongola vimo, lizemeni umo na mukwavo, co kaleni na ngozi na kulikeesa ku umo na mukwavo.

1 Petulu 4:4

Co ololo vaka-kujeneka kukulaela vanalikomokela omo kumwesi nakulipandakana navo mukuyoya kwa muuka na vunyengwe, co valinakumishaula.

2 Petulu 2:10

vunene kuli vaje valinakukavangeya mashungu amavi a muvila nakushaula moko ya Njambi. Ava valongisi va makuli vapwa vakwamuka nakujeneka lyova, kuvesi kusholola kasingimiko kuli vaka-vumpau vaje vali akamwa, oloni vakevo valinakuvashaula.

Yunda 1:10

Oloni vanu ava vakalwisa na majwi akushaula vyuma vije kuvazivuka, co vyuma vije vavizivuka na citaku-taku ngwe tusitu, vikevyo vije vivanyongesa.

Yunda 1:8

Mu ngila eyi vene lalo, vanu ava vakala na vimona vije vikavatwamenena ngeci valinge vuvi ku mivila yavo vavenya, vakayengula moko ya Njambi, co vakashaula vaje vaka-vumpau vali akamwa.