Tito 3:11 - Livulu lya Shukulu Kalunga

¹¹ Unazivuka ngeci munu wa cifwa cangacije wamuvi, co vivi vyendi vilinakumusholola ngeci naviisa.

Tito 3:11 Iomraidhean Croise

Luka 19:22

Co Shukulu yendi wamulekele ngwendi, ‘Ove ngamba wamuvi! Njikakuhisa na majwi akutunda mu kanwa kove! Ngwange wanjizivukile ngwove yange nji munu wa mukalu, njikanono cije kesi cange, nakuteja cije kunjakuvile.

Luka 7:30

Oloni vaFaliseo na valongisi va majwi a Lishiko vavyanene vutumbe vwa Njambi vwa ali vakevo, co vavyanene kuvambwitika kuli Yowano.

Yowano 3:18

Uje akulaela kuli Mwana kuvakamuhisa embwe, oloni uje kakulaelele vanamuhisa laja, omwo kakulaelele kuli Muna Njambi umolika.

Vilinga vya Miluwa 13:46

Oloni Paulu na Mbanambase vendekele nakusimpa ngwavo, “Cinapande ngeci lijwi lya Njambi valyendeke kuli yeni akulivanga. Oloni omwo mwalivyanene, co munaliyongola yeni vavenya ngweni kumwapandele kutambula mwonyo wa myaka yoshe, co tumiseza nakuya kuli vaje kesi vaYunda.

Vilinga vya Miluwa 15:24

Tunazivi ngwavo vamo vanalume va ku mbunga yetu vanaija nakumipesa nakumitanganesa na vije vanendeka, vakevo kuvatambwile vilongesa vyakutunda kuli yetu embwe.

Vilinga vya Miluwa 23:25

Co uje muka-kushika mashwalale wasonekele mukanda muje mwakele majwi awa,

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

2 Timateo 2:14

Anukisa vanu vove a vyuma evi, vendekele nakuvanangula ku mesho a Njambi ngeci kesi valilwise a majwi. Kucikwasa, oloni civiisa lika vanu vaje vazivilila.

Tito 1:11

Cinapande vene kuvindika vyendeka vyavo, omwo vakevo valinakutanganesa naanga yoshe yamutunu nakulongesa vije kuvyavapandele, nevi vivalinakulinga a vutumbe vwavo vwa shwamwa vwakunganyala vimbongo.

Tito 1:14

ngeci kesi vakatolilile ku visimo vya vaYunda na ku mashiko akutunda kuli vanu vaje vanavyana vushunga.

VaHevelu 10:26

Omwo nga tulinga vuvi na cizango omo tunazivuka laja vushunga, co kukwesi lalo n̄ombelo yeka yakutundisa vivi.