Tito 2:8 - Livulu lya Shukulu Kalunga

⁸ Pangesa majwi akushungama aje kuwesi na kapenga, ngeci vitozi vove vakale na shwamwa,co vonwe kwendeka vyavivi ali yetu.

Tito 2:8 Iomraidhean Croise

Nehemiya 5:9

Asinoni njendekele ngwange, “Evi mulinakulinga kuvyavwaele! Munapande kwononoka Njambi nakulinga vya vushunga. Co kesi mwane vitozi vetu, ava kesi vaYunda, ngila yakutuyeluwisa.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Mako 12:17

Ngecivene, Yesu wendekele kuli vakevo ngwendi, “Mwamuvwa, asinoni aneni kuli Sezale vije vinakundama kuli Sezale, co aneni kuli Njambi vije vinakundama kuli Njambi.” Co valikomokelele manene kuli Yesu.

Mako 12:28

Co mulongisi wa majwi a Lishiko wakele kuje omo wazivile vimata vije. Co wamwene ngeci Yesu nakumbulula vaSanduki mu ngila yaivwa, ngecivene, wezile kuli Yesu nakumwihula ngwendi, “Lishiko muka lyakama ku Mashiko a Njambi?”

Mako 12:32

Co uje mulongisi wa majwi a Lishiko wendekele kuli Yesu ngwendi, “Unakumbulula mwamuvwa, Mulongisi! Mwa vushunga, ngwe omo unendeka, ngeci Shukulu Kalunga ikeye lika Njambi, co kukwesi njambi weka lalo wai kuvanga ikeye lika.

Mako 12:34

Co Yesu wanangukile kukumbulula kwendi kwa mana, co wamulekele ngwendi, “Yove kuwesi kulyala na Vumwene vwa Njambi.” Munima yevi munu naumo wai wehwile lalo Yesu vihula vikwavo.

Luka 13:17

Kukumbulula kwendi kwazivisile vitozi vendi voshe shwamwa, co vanu voshe vajolelelele a vyuma vyakukomokesa vije vyalingile.

2 Tesalonika 3:14

Amo kuli umo uje kashaka kwononoka lijwi lyetu lije twatumu kuli yeni mu mukanda ou. Nga ngoconi, mukengeni, co mushondolokeni, ngeci shwamwa imukole.

1 Timateo 5:14

Ngecivene, njishaka ava vifwile vacili vambanda vashomboke, ngeci vakele na vana, nakunyunga vinjuvo vyavo, ngeci kesi twane mwela kuli vitozi vetu a kwendeka vyuma vyavivi ali yetu.

1 Timateo 6:3

Nga woshe alongesa vilongesa vyeka, co kalitombola na vushunga vwa lijwi lya Mwene yetu Yesu Kilistu na vilongesa vya vu Njambi vwetu

Tito 3:14

Vanu vetu vanapande kulilongesa kukala na simbu yakulinga vipangi vyavivwa, ngeci kesi vajeneke cuma cimo, co kuvapandele kuyoya mu vyuma vyangoco-ngoco.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 2:15

Omwo Njambi ashaka ngeci muvindike nzimba ya vanu vakweva a vyuma vyavivwa vije mulinakulinga.

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.