Tito 2:2 - Livulu lya Shukulu Kalunga

² Longesa vakulunu ngeci vapwe vaka-kulikongomeka, vaka-mana, vaka-kulinyunga vakevo vavenya, vaka-kushungama mukukulaela kwavo, mu cizemo, na mu lukakateya.

Tito 2:2 Iomraidhean Croise

Yombi 12:12

“Tukulukazi vakala na mana, oloni Njambi wakala na mana na nzili.

Myaso 92:14

nakwima vushuka a simbu yayo, co simbu yoshe izivuluka nakukala na nzili.

Visimo 16:31

Vwele vunapu cilongo ca vumpau, cije vanazala vanu vaje vanakala nakuyoya mu vushunga.

Isaya 65:20

Vimbututu kuvakatsi mu vwanike vwavo embwe, vanu voshe vakayoya simbu yakama. Vaje vakayoya myaka 100 vakasholoka anga vene ngwe vanike. Kutsa omo kanda simbu ije icete cikapwa cimweso ngeci yange njinavahisa.

VaLevi 19:32

“Mukamwese kasingimiko kuli tukulukazi nakuvalemesa. Co mukanjononoka nakunjisingimika. Yange njapwa Kalunga.

Mako 5:15

co omo vezile kuli Yesu, co vamwene munalume uje wakele na mbunga ya minzinzime yakujwala natumbama kuje, nazala mwamuvwa nalikongomeka, co voshe vakele na lyova.

Luka 8:35

Co vanu vaileko nakukamona vije vyalingiwile, omo vezile kuli Yesu, co vawanene munalume uje wakele na minzinzime yakujwala natumbama ku mendi a Yesu, nazala mwamuvwa, nalikongomeka, co voshe vakele na lyova.

Vilinga vya Miluwa 24:25

Oloni omo Paulu wakele nakusimutwiya a vuvwa na akulinyunga na akwija kwa Litangwa Lyakusompa, Felikisi wazivile lyova wendekele ngwendi, “Ololo wasa kuya. Njikusana lalo omo njiwana simbu.”

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

1 Kolinte 9:25

Munu woshe mu vyakweha alilongesa kulyononwesa, alinga ngacije ngeci atambule cilongo cije casa kuvola, oloni yetu tulinakulinga eci ngeci tukatambule cilongo cije cikakala simbu yoshe.

2 Kolinte 5:13

Kuma mwa vushunga vene yetu tunazaluka ndi? Eci cili kuli Njambi. Nambe nga kutwazalukile, eci cili kukushaka kweni.

Ngalatiya 5:23

kulikeesa nakulinyunga. Kukwesi lishiko livindika vyuma vya cifwa eci.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

1 Tesalonika 5:6

Ngecivene, kutwapandele kulala tulo ngwe veka, tunapande kutona nakulikongomeka.

1 Tesalonika 5:8

Oloni yetu twakundama ku mutanya, co tunapande kulikongomeka. Tunapande kuzala kukulaela na cizemo ngwe ntelo ya a nulo, nakuzala cinyangavili cakwovoka kwetu ngwe tepa.

1 Timateo 1:10

na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga.

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

1 Timateo 1:2

Kuli Timateo, munange wa vushunga mukukulaela. Njambi Tate na Kilistu Yesu Mwene yetu vakwane kutetela na mema ku mbunge na kwoloka.

1 Timateo 1:5

Vutumbe vwa lishiko eli vutunda ku cizemo cakutuuka mu mbunge yakujela, na mu citaku-taku cakutungukwa,nakukukulaela kwa vushunga.

1 Timateo 3:11

Vanakazi vavo vanapande kupwa va futisi yaivwa, kesi vaka-lufwe, kesi vapwe vaka-kunwa vyakupendesa, oloni vapwe vaka-vushunga mu vyuma vyoshe.

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 3:4

ikeye napande kupwa muka-kunyunga naanga yendi mwamuvwa na vana vendi vapwe vaka-kumwononoka na kasingimiko koshe.

1 Timateo 3:8

Vakwasi va mu cikungulukilo lalo vanapande kupwa va futisi yaivwa na kasingimiko, kuvapandele kupwa vaka-kunwa manene vinyu nambe vapwe vaka-cipululu ca vimbongo,

1 Timateo 5:1

Kesi uluvalese mukulunu, oloni munangule ngwe isho. Pangesa vakwenje ngwe vishongo vyove,

Tito 1:13

Vije vyendekele vyapwile vya vushunga. Ngecivene, vendekele na majwi akuvambuka ngwe moko, ngeci vakele nakukulaela kwamutunu,

Tito 1:8

oloni apwe muka-kujumbula vangenzi na muka-kuzema vyavivwa. Napande kupwa muka-kulinyunga, muka-kushungama, muka-kujela na muka-kwononoka.

Tito 2:7

Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa.

Filimoni 1:9

Oloni omwo cizemo cange kuli yove, njilinakukulambelela. Njilinakulinga evi nambe yange Paulu vene, katumwa wa Kilistu Yesu na simbu ino vene njinapu cinzinda cendi omwo lizina lyendi.

1 Petulu 1:13

Ngecivene, livwaeseleni cimweja mu viyongola vyeni. Kengeleleni, co akeni cinyangavili ceni a vivezikiso vije vivakamyana omo Yesu Kilistu akasholoka.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

2 Petulu 1:6

co ku mana eni wezeleleniko kulinyunga, co ku kulinyunga kweni wezeleleniko lukakateya, co ku lukakateya lweni wezeleleniko vuNjambi,