Tito 2:14 - Livulu lya Shukulu Kalunga

¹⁴ Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Tito 2:14 Iomraidhean Croise

Kushangumuka 48:16

Kangelo, uje wanjipatwile kukuvulumuka kwoshe, avavezikise! Lizina lyange na lizina lya tate Avilahama na Isake liyoye ali vanike ava! Vakale na vana vavangi na vatekulwila vavangi!”

Myaso 130:8

Shukulu Kalunga akamena vanu vendi va Isalele ku milonga yavo yoshe.

Myaso 135:4

Omwo Shukulu Kalunga waangwile Yakomba, kupwa wendi, waangwile lalo vanu va Isalele kupwa vufuko vwendi.

Kutuuka 15:16

Lyova lyakama na munjunju vyawililile ali vakevo omwo vanamono nzili yove, Yove Shukulu Kalunga, co vakevo vemanene na lyova noo vanu vove vetile, vanu vove vaje vaunafuku.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Ezekiyele 37:23

Kuvakalijwalesa lalo na tumponya twa vunyengwe, nambe kuliviisa na vuvi. Njikavapatula ku vingila vyavo vyoshe vivakalingila vuvi nakunjenda vungungu. Njikavajelesa, co vakapwa vanu vange, nange njikapwa Njambi yavo.

VaLevi 25:41

Co a simbu ije, ikeye na vana vendi vakatunda kuli yeni nakwiluka ku naanga yendi na ku vufuko vwa vakukulwila vendi.

Malakiya 3:3

Akaija nakusompa ngwe n̄ulungu muka-kufula vikuvo nakujelesa siliva. Akajelesa vaLevi ngwe muka-kufula vikuvo mwakajelesa siliva na ngolinde, ngeci vakanene vin̄ombelo vya vushunga kuli Shukulu Kalunga.

Kulava 25:13

Ikeye na vatekulwila vendi vakapwa vaka-kukombelela simbu yoshe, omwo ikeye katavele ngeci valemese vinjambi veka kuvanga yange lika, co mu ngila eyi naambesa vuvi vwa vanu va Isalele.’ ”

Kulava 7:15

Walambwile lalo muna ngombe wa nkomba umo, na lijamba lya manga umo, na muna manga umo wa mwaka umo kupwa mulambu wa kwenyeka.

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Yowano 10:15

Ngwe amo Tate anjizivuka, co nange lalo njizivuka Tate, mu ngila imo vene njizivuka vimanga vange navo lalo vanjizivuka. Co njitula mwonyo wange omwo vimanga vange.

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

Vilinga vya Miluwa 15:14

Simoni ololo natulumbunwina vati Njambi akulivanga wezile nakusholola cizemo cendi kuli vaje kesi vaYunda mukwangulao vamo akati kavo ngeci vapwe vanu vendi.

Vilinga vya Miluwa 15:9

Co kamwesele kaangu akati ketu na vakevo, oloni wavasambesele ku vivi vyavo omwo vakulaelele.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Vilinga vya Miluwa 9:36

Mu Yopa mwakele munakazi umo lizina lyendi Tambita, uje wapwile muka-kukulaela. (Lizina lyendi mu ciNgiliki ikeye Ndokasi, kulumbunuka ngwavo “shonge.”) Simbu yendi yoshe wakele nakulinga vyavivwa nakukwasa tuutu.

Ngalatiya 1:4

Uje walyecele ikeye vavenya omwo vuvi vwetu, ngeci atwamene ku simbu ino yaivi, ngwe ku cizango ca Njambi Tatetu,

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

Ngalatiya 3:13

Oloni omwo Kilistu vamupwisile cisingo omwo watupatwile ku cisingo cije majwi a Lishiko acinenele, omwo visoneka vyendeka ngwavyo, “Munu woshe uje vashukika a muti ali mwisi ya cisingo ca Njambi.”

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Kwituluka mu Mashiko 14:2

Omwo yeni mwapwa mu vanu va Shukulu Kalunga Njambi yeni, ikeye wamyangwile ngeci mupwe vanu vendi, akati ka miyati yoshe eyi yakala ano asi.

Kwituluka mu Mashiko 26:18

Co lalo litangwa lya lelo Shukulu Kalunga nendeka ali yeni ngeci munapu mu vanu vendi, ngwe muje wamikulaesele. Co lalo munapande kunyunga mashiko endi oshe,

Kwituluka mu Mashiko 4:20

Oloni yeni mwapwa mu vanu vaje vapatwile Shukulu Kalunga mu Ingito, muje mwakele mu tuyando ngwe tuhya twa lutengo twakushukuma. Ikeye wamitundisile muje nakumipwisa vanu vendi, ngwe mumunafu lelo.

Kwituluka mu Mashiko 7:6

Shukulu Kalunga Njambi yeni wamyangwile kupwa vushwana vwendi kutuvakana vanu voshe vali ano asi ngeci mukapwe vanu vendi vakujela.

1 Timateo 1:15

Lijwi eli linapu lya vushunga, ngeci valitambule nakulikulaela, Kilistu Yesu wezile mu kaye mukwovola vaka-vivi. Kuli voshe ava yange njinahyana manene.

1 Timateo 2:10

oloni na vilinga vyavivwa, ngwe mucinapande kuli vanakazi vaje vanapu vaka-kukulaela.

1 Timateo 2:6

uje walyanene ikeye vavenya kupwa ndando yakupatula vanu voshe. Vuje vwapwile vukaleo a simbu yaivwa ngeci Njambi washakele vanu voshe vovoke,

1 Timateo 6:18

Vashike kulinga mwamuvwa, kupwa vaka-kufuka mu vipangi vyavivwa, vapwe vaka-kushemutuka nakulivwaesela kwanako vakwavo veka lalo.

Tito 2:7

Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 10:24

Ngecivene, tuliyongoleni umo na mukwavo nakulikwasa umo na umo nakumwesa cizemo nakulinga mwamuvwa.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Petulu 1:18

Omwo mwazivuka ndando ije ivamipatwile nayo mukumitundisa ku mwonyo wangoco uje mwatambwile kuli vakukulwila veni. Kucapwile cuma cije casa kunyonga ngwe siliva nambe ngolinde,

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.