Tito 2:12 - Livulu lya Shukulu Kalunga

¹² Kutetela oku kulinakutulongesa kuvyana yoyesi yakujeneka kulemesa Njambi na mashungu amavi, nakuyoya yoyesi yakulemesa Njambi ano a kaye mukulinyunga na mukushungama,

Tito 2:12 Iomraidhean Croise

Myaso 105:45

Njambi walingile vyuma evi ngeci vanu vendi vanyunge vizilika vyendi, nakwononoka lalo mashiko endi. Shangazaleni Shukulu Kalunga!

Myaso 4:3

Anukeni ngeci Shukulu Kalunga nalyangwila vaka-vushunga kupwa vendi, co alinakunjiziva omo njitambeka kuli ikeye.

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

Mateo 12:32

Co woshe uje endeka lijwi limo lyakushaula Muna Munu vakamusambesa, oloni uje ashaula Munzinzime Wakujela kuvakamusambesa, nambe simbu ino, nambe simbu ya kulutwe.

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Luka 1:75

ngeci tupwe vakujela na vaka-vushunga ku mesho endi, matangwa oshe akuyoya kwetu.

Yowano 14:30

Kunjesi na kwendeka neni vyavingi ololo, omwo muka-kushwana wa ano a kaye alinakwija. Kesi na nzili ali yange,

Yowano 6:25

Omo vanu vawanene Yesu musambwa ya lishali, vendekele kuli ikeye ngwavo, “Mulongisi, unetele kuno simbu ika?”

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

Vilinga vya Miluwa 24:25

Oloni omo Paulu wakele nakusimutwiya a vuvwa na akulinyunga na akwija kwa Litangwa Lyakusompa, Felikisi wazivile lyova wendekele ngwendi, “Ololo wasa kuya. Njikusana lalo omo njiwana simbu.”

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 6:12

Kesi mutave vuvi vushwane mu mivila yeni ije kuyesi kuyoya myaka yaingi, ngeci mwononoke mashungu avwo.

Loma 6:19

(Njilinakupangesa majwi aasi kuwakwata omwo kuzeya kwa vimbunge vyeni vya vunu.) A simbu imo mwalikundikile muvamutunu kupwa vindungo va vyuma vya mazilo na ku kupenga-penga ngeci mulinge vyuma vya kupenga-penga. Mu ngila eyi vene ololo munapande kulikundika muvamutunu kupwa vindungo va vushunga ngeci mulinge vyuma vya kujela.

Loma 8:13

Omwo nga muyoyela mu vusitu, co mukatsa vene, oloni nga ali Munzinzime mutsiya vilinga vyeni vyavivi, co mukayoya.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Ngalatiya 1:4

Uje walyecele ikeye vavenya omwo vuvi vwetu, ngeci atwamene ku simbu ino yaivi, ngwe ku cizango ca Njambi Tatetu,

Ngalatiya 5:24

Co voshe vaje vanakundama kuli Kilistu Yesu vanatsii cisemwa cavo ca vunu na mashungu aco oshe.

Efeso 1:4

Nambe te kaye kanda vakatange, Njambi watwangwile laja tupwe tu vendi muli Kilistu, ngeci tupweni vakujela nakujeneka mulonga ku mesho endi. Omwo cizemo cendi

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Kolose 1:22

Oloni ololo, a kutsa kwa Munendi, Njambi namipwisa mu vasamba vendi, ngeci aminene ku mesho endi kupwa vanu vakujela nakulambasa nakujeneka mulonga.

1 Tesalonika 4:7

Omwo Njambi katusanene ngeci tuyoye mu vupangala embwe, oloni mukujela.

1 Tesalonika 4:9

Kutwapandele kumisonekela a cizemo kuli umo na mukwavo. Omwo yeni vavenya Njambi wamilongesele vati munapande kulizema umo na mukwavo.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

1 Timateo 6:9

Oloni vaje vashaka kufuka vawila mu ceseko, co vanakwatiwa mu mweto wa mashungu amangi a vulema akuvulumuna, aje alinakuvakokela kukunyonga nakukuziluka.

2 Timateo 3:12

Woshe uje ashaka kuyoya vuyoye vwa vu Njambi vuje vuli muli Kilistu Yesu akamona mapakeso,

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

VaHevelu 8:11

Co naumo wai lalo wavo akalongesa mukwavo wa mu lifuti lyendi, naumo wai lalo akaleka mukwavo ngwendi, ‘Muzivuke Shukulu Kalunga.’ Omwo voshe vakanjizivuka, kutunda kuli uje wamundondo nakweta kuli mukulunu.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,

2 Petulu 3:11

Omwo vyuma vyoshe evi vikanyonga mu cifwa eci vene, co yeni munapande kukapwa vanu va muyati uka? Kuyoya kweni kunapande kupwa kwakujela nakulikundika kuli Njambi,

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.

1 Yowano 2:6

nga twendeka ngwetu simbu yoshe tulinakuyoya muli ikeye, tunapande kuyoya ngwe mwalingile Yesu Kilistu.

1 Yowano 5:19

Twazivuka ngwetu tunakundama kuli Njambi nambe kaye koshe kali mu nzili ya Uje Liyavola.

Yunda 1:18

Vendekele kuli yeni ngwavo, “A matangwa akukotoka, vanu vakasholoka vaje vakamishendumuna, vanu vaje vakakavangeya mashungu avo amavi.”

Kujombolola 14:12

Aa akeo vene ali lukakateya kuli vanu va Njambi, vaje vanyunga mashiko a Njambi nakupwa va kulongwa kuli Yesu.