Tito 2:11 - Livulu lya Shukulu Kalunga

¹¹ Omwo Njambi nasholola kutetela kwendi mukwamena vanu voshe.

Tito 2:11 Iomraidhean Croise

Myaso 67:2

ngeci vanu voshe va asi vazivuke cizango cove, co lalo miyati yoshe vazivuke kwamena kwove.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 96:10

Endekeni kuli vanu voshe ngweni, “Shukulu Kalunga ikeye mwene! Kaye anga vakemikilile mu mwela wako kukesi kushwenya embwe, ikeye akasompa vanu voshe mu vushunga.”

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Zakaliya 4:7

Minkinda yakama kuyikasa kwimana ku mesho ove. Ukatungulula Njuvo yange, co omo ukaka limanya lyakumanesela mu mutambela walyo, co vanu vakatambeke ngwavo, ‘Kuvwaha, kuvwaha!’ ”

Mateo 28:19

Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela.

Mako 16:15

Co wendekele kuli vakevo ngwendi, “Yeni ku mafuti oshe a ano a kaye nakwambulula Vin̄anda Vyavivwa kuli vanu voshe.

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Luka 3:6

Vanu voshe vakamona kwamena kwa Njambi.’ ”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:9

Eci cikeco capwile ceke ca vushunga, ceke cije cilinakwija mu kaye nakutwila ali vanu voshe.

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Vilinga vya Miluwa 13:43

Omo vanu vatundile kuje ku sinangonge, vaYunda vavangi na vaje kesi vaYunda vavangi vaje vapwile va kulongwa ku futisi ya vaYunda vakavele Paulu na Mbanambase. Vaje miluwa vendekele kuli vakevo nakuvatakamesa kukakateya akuyoyela mu kutetela kwa Njambi.

Vilinga vya Miluwa 13:47

Omwo eli likelyo lishiko lyanatwana Mwene ngwendi, ‘Njinamipwisa ceke kuli vaje kesi vaYunda, ngeci vaka-kaye voshe vovoke.’ ”

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Loma 10:18

Oloni njihula ngwange, mwa vushunga kuma kuvazivile lijwi ndi? Valizivile, omwo visoneka vyendeka ngwavyo, “Omo mutambi wa lijwi lyavo washandokelele mu kaye mwoshe, majwi avo etele na ku shongo ya asi oshe.”

Loma 5:15

Oloni vwana vuje kuvwafwile ngwe kuvulumuna, omwo vwana vwa Njambi kuvwalifwile ngwe vuvi vwa Andama embwe. Mwa vushunga vene vanu vavangi vanatsi omwo vuvi vwa munu umolika. Oloni kutetela kwa Njambi kwakama manene, co na vwana vwendi vwakujeneka kupangela vuje vwanaana kuli vanu vavangi mu kutetela kwa munu uje umolika, ikeye Yesu Kilistu vunapu lalo vwakama manene.

Loma 5:2

Ali ikeye natulingisa ngeci tuzivuke kutetela kwa Njambi, kuje tulinakuyoyela ololo. Co tulinakulishasha mu cinyangavili tulinaco cakutambula vumpau vwa Njambi!

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

Ngalatiya 2:21

Kunjombwanesa kutetela kwa Njambi. Oloni nga munu vamupwisa muka-vushunga ku mesho a Njambi akunyunga Majwi a Lishiko, co cinalumbunuka ngeci Kilistu nevi vyatsililile vyai!

Efeso 2:5

ngeci nambe omo twatsile ku munzinzime akujeneka kwononoka kwetu, watuyoyesele amo na Kilistu. Akutetela kwa Njambi ngeci munovoka.

Efeso 2:8

Omwo a kutetela munovoka akukulaela. Eci kesi ngwe a vilinga vyeni embwe, oloni cinapu vwana vwa Njambi,

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kolose 1:6

Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

1 Timateo 2:4

uje ashaka ngeci vanu voshe vovoke nakweta kukuzivuka vushunga.

2 Timateo 1:10

oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.

VaHevelu 12:15

Nyanyameni kutewa umo akeluka munima kutunda ku mema ku mbunge ya Njambi. Nyanyameni akati keni kesi umo apwe ngwe muti wakulula uje umena nakunena tuyando twatungi na vushungu vwawo.

VaHevelu 2:9

Oloni tunamono Yesu, uje ivanapwisa kasimbu kakandondo lika mwisi ya tungelo, ngecivene, mu kutetela kwa Njambi napande kutsila vanu voshe. Ololo tunamumono vanamuziki cilongo ca vumpau na kasingimiko omwo a kutsa kuje kwayandele.