Tito 2:10 - Livulu lya Shukulu Kalunga

¹⁰ nambe kuvevila embwe. Oloni vanapande kumwesa ngeci simbu yoshe vakevo vapwa vavavwa va kulongwa, ngeci vamwese vuvwa vwa vilongesa vya Njambi Muyoyesi wetu mu vyuma vyoshe vije valinakulinga.

Tito 2:10 Iomraidhean Croise

Myaso 101:6

Njikashakezeka vanu vaje va kulongwa kuli Njambi, njikavatava ngeci vakakale amo nange, voshe vaje venda mu ngila ya vushunga, vakapwa vanu vaka-kunjipangela.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Mateo 24:45

“Iyajo napu ngamba wa kulongwa nakunyanyama? Ikeye uje shukulu yendi namusezela kunyunga vakwavo vangamba nakuvana vyakulya a simbu yaivwa.

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Luka 1:47

mwonyo wange uvwaelela omwo Njambi Muyoyesi wange,

Luka 1:80

Mwana wakolele mu muvila na mu munzinzime. Wakele mu mambo noo litangwa lyendi lyetele lyakulisholola ku vanu va Isalele.

Luka 16:10

Woshe alongwa mu vyuma vyavindondo akapwa wa kulongwa mu vyuma vyakama lalo, uje kapu wa kulongwa mu vyuma vyavindondo kasa kupwa wa kulongwa mu vyuma vyakama.

Yowano 12:6

Ikeye wendekele ngeci, kesi ngwe omwo wazemene tuutu embwe, oloni omwo wapwile mwizi. Ikeye wanyungile cipau ca vimbongo, co wakele nakwiva-iva vije vyakelemo.

1 Kolinte 4:2

Cuma cishakiwako kuli vangamba vangacije cinapu eci, vakevo vanapande kupwa va kulongwa kuli shukulu yavo.

Efeso 4:1

Ngecivene, njilinakumisindiya, yange njinapu cinzinda omwo kupangela Mwene ngwange, yoyeleni a mwonyo uje unaliseteka na seteko ije yanamyakela Njambi omo wamisanene.

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

1 Timateo 1:1

Mukanda wakutunda kuli yange Paulu muluwa wa Kilistu Yesu ku lishiko lya Njambi Muyoyesi wetu na Kilistu Yesu ikeye cinyangavili cetu.

1 Timateo 5:17

Vakulunu vaje valinakupanga mwamuvwa ngwe vantwama vanapande kuvayongola na kasingimiko kakama, vunene kuli vaje valinakuundangana mukwambulula nakulongesa.

1 Timateo 6:1

Kuli voshe vaje vanapu vindungo vanapande kuyongola vashukulu yavo na kasingimiko koshe, ngeci naumo wai akendeka mwamuvi a lizina lya Njambi na a vilongesa vyetu.

1 Timateo 6:3

Nga woshe alongesa vilongesa vyeka, co kalitombola na vushunga vwa lijwi lya Mwene yetu Yesu Kilistu na vilongesa vya vu Njambi vwetu

Tito 1:3

co wausholwele a simbu yaivwa mu lijwi lyendi. Eci vanjikundikileco yange, co njicambulula akushika kwa Njambi Muyosesi wetu.

Tito 3:4

Oloni omo ngozi na cizemo ca Njambi Muyoyesi wetu vyasholokele,

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.

2 Yowano 1:9

Munu woshe uje kakala na vilongesa vya Kilistu, oloni avipulakana, ikeye kesi na Njambi. Woshe uje akala na vilongesa ali na vyoshe vivali, lshe na Mwana.

1 Samwele 22:14

Ahimeleki wamukumbulwile ngwendi, “Ndaviti napu ntwama wa kulongwa manene kuli vantwama vove voshe! Ikeye ishomweno, muka-kupangesa vaka-kukunyunga, co ikeye wakala na kasingimiko kakama manene kuli munu na munu wa mu mbanja yove ya vumwene.

1 Samwele 26:23

Shukulu Kalunga akana cikandelela kuli vaka-kulongwa na vaka-vushunga. Ku litangwa lya lelo, ikeye nakwakele mu mavoko ange, oloni kunjavulumwine uje Shukulu Kalunga yanapwisa mwene.