Tito 1:3 - Livulu lya Shukulu Kalunga

³ co wausholwele a simbu yaivwa mu lijwi lyendi. Eci vanjikundikileco yange, co njicambulula akushika kwa Njambi Muyosesi wetu.

Tito 1:3 Iomraidhean Croise

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 45:15

Mwa vushunga yove wapwa u Njambi, yove muka-kulishweka, Njambi ya Isalele muka-kwamena.

Isaya 45:21

Ambululeni vin̄anda vyeni ku mbanja, vaje vashaka kulyamena valihule umo na mukwavo. Iya wambulwile vyuma vya ku san̄ulu ngeci vikalingiwe? Kuma kesi yange Kalunga, Njambi muka-kwamena vanu vendi ndi? Kukwesi njambi weka lalo wai.

Ndanyele 11:27

Asinoni vimyene vaje vavali vakatumbama amolika nakulya ku mesa imo, oloni viyongola vyavo vikapwa vyavivi, co vakendeka makuli kuli umo na mukwavo. Vyoshe vivakayongola kuvikavakwasa embwe, omwo Njambi ikeye naaka simbu yakuvanyongesa.

Ndanyele 8:23

“Omo vuje vumwene vuwana vukahwa, co vukapwa vwavuvi ngeci vavunyanyamese, co kukakala mwene wa mbunge yakukaluwa na muuka na makuli.

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Mako 1:15

Wendekele ngwendi, “Simbu yaivwa ineete, co Vumwene vwa Njambi vuli muyehi! Tengulukeni mu vimbunge vyeni ngeci mutunde ku vuvi, co kulaeleni ku Vin̄anda Vyavivwa!”

Mako 13:10

Oloni omo simbu kanda yete, Vin̄anda Vyavivwa vakavyambulula kuli vanu voshe.

Mako 16:15

Co wendekele kuli vakevo ngwendi, “Yeni ku mafuti oshe a ano a kaye nakwambulula Vin̄anda Vyavivwa kuli vanu voshe.

Luka 1:47

mwonyo wange uvwaelela omwo Njambi Muyoyesi wange,

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

Vilinga vya Miluwa 17:26

Co watangele miyati yoshe kutunda kuli munalume umo ngeci vakale asi oshe. Ikeye vavenya wavwaeselele cimweja visimbu na vinginga vya mitambela kuje vayoyela.

Loma 15:19

na nzili ya vizivukiso na vikomokeso, na nzili ya Munzinzime wa Njambi. Ngecivene, mukwenda kutunda ku Yelusalema nakweta ku Ilikyume, njinamanesa kwambulula Vin̄anda Vyaviwa vya Kilistu.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

Loma 5:6

Omwo a simbu ije twapwile tuvakuzeya, Kilistu watsililile vaka-vuvi a simbu ije yaangwile Njambi.

1 Kolinte 9:17

Omwo nga njilinga vipangi vyange ngwe akwangula kwange vavenya, nga njasa kutambula fweto, oloni njilinakupanga ngwe vipangi vyange vije vinanjipande, omwo Njambi nanjikundika cipangi eci.

Ngalatiya 4:4

Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,

Efeso 1:10

Vutumbe ovu, vuje Njambi akavumanesa omo simbu inapumo, vukakungulwila vyakutanga vyoshe amolika, vyuma vyoshe vya mwilu nevi vya asi, Kilistu akapwa mutwe wavyo.

Efeso 2:17

Ngecivene, Kilistu wezile nakwambulula Vin̄anda Vyavivwa vya kwoloka kuli voshe, kuli yeni kesi vaYunda, vaje vakele kulyala na Njambi na kuli vaYunda vaje vakele muyehi nendi.

Filipu 1:13

A cuma eci, vaka-kunyunga lipela voshe na voshe veka lalo kuno vazivuka ngwavo yange njili mu kamenga omwo njapwa nji ngamba ya Kilistu.

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kolose 1:6

Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

1 Tesalonika 2:4

Oloni visimbu vyoshe tulinakwendeka ngwe muje Njambi ashaka ngeci tulinge, omwo natusompela yetu ngeci twafwilamo kwambulula Vin̄anda Vyavivwa. Kutushaka kweseka kuvwaelelesa vanu, oloni kuvwaelelesa Njambi, uje muka-kweseka vimbunge vyetu.

1 Timateo 1:1

Mukanda wakutunda kuli yange Paulu muluwa wa Kilistu Yesu ku lishiko lya Njambi Muyoyesi wetu na Kilistu Yesu ikeye cinyangavili cetu.

1 Timateo 1:11

Kulongesa oku tuciwana mu lijwi lije livanjikundikile mukulyambulula, Vin̄anda Vyavivwa vyakutunda kuli Njambi wa vumpau nakuvezika.

1 Timateo 2:3

Evi vinapu vyavivwa, co vivwaelelesa Njambi Muyoyesi wetu,

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.

Tito 2:10

nambe kuvevila embwe. Oloni vanapande kumwesa ngeci simbu yoshe vakevo vapwa vavavwa va kulongwa, ngeci vamwese vuvwa vwa vilongesa vya Njambi Muyoyesi wetu mu vyuma vyoshe vije valinakulinga.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

Kujombolola 14:16

Ngecivene, uje kangelo watumbamene a lishelwa watengulwisilile moko yendi yakutejesa asi, co vimbuto vya asi vavitejele.