Tito 1:2 - Livulu lya Shukulu Kalunga

² vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

Tito 1:2 Iomraidhean Croise

Isaya 1:20

Oloni nga munjivyana nakunjikengesa nima, co vitozi vakaminyongesa. Yange Kalunga, njinendekamo.”

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Mako 10:17

Co omo Yesu washangumukile lalo vungenzi vwendi, co munalume umo wamushatukilile, watsikamene a mavuli ku mesho endi, co wamwihwile ngwendi, “Mulongisi wamuvwa, vika njinapande kulinga ngeci njitambule mwonyo wa myaka yoshe?”

Mako 10:30

akatambula vyavingi manene a simbu eyi vene. Akatambula kutuvakana 100 vinjuvo, na vandolome, na vandokazi, na vaina, na vana, na mahya, na tuyando, co a simbu ije ikaija akatambula mwonyo wa myaka yoshe.

Yowano 10:28

Njivana mwonyo wa myaka yoshe, co kuvakatsi embwe. Co naumo wai akavacakununa mu livoko lyange.

Yowano 17:2

Omwo wamwanene moko yakushwana vanu voshe, ngeci aane mwonyo wa myaka yoshe kuli vaje voshe vawamwanene.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Yowano 5:39

Mulinakulilongesa Visoneka, omwo muyongola ngweni mu vikevyo muwanamo mwonyo wa myaka yoshe. Co visoneka evi vyambulula vukaleo vwange!

Yowano 6:54

Woshe alya muvila wange nakunwa maninga ange ali na mwonyo wa myaka yoshe, co njikamusangwila ku mwonyo a litangwa lyakukotoka.

Yowano 6:68

Simoni Petulu wamukumbulwile ngwendi, “Mwene, tuya kuli iyajo lalo? Yove uli na majwi aje aana mwonyo wa myaka yoshe.

Vilinga vya Miluwa 15:18

Mukemwo mwalinakwendeka Shukulu Kalunga, uje washolwele vyuma evi ku san̄ulu.’ ”

Loma 1:2

Vin̄anda Vyavivwa vavikulaesele ku san̄ulu kuli Njambi muli vaka-kwimanena vendi, ngwe muvanasoneka mu Visoneka Vyakujela.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

Loma 5:2

Ali ikeye natulingisa ngeci tuzivuke kutetela kwa Njambi, kuje tulinakuyoyela ololo. Co tulinakulishasha mu cinyangavili tulinaco cakutambula vumpau vwa Njambi!

Loma 5:21

Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

Loma 5:4

co lukakateya lulingisa ngeci Njambi atutambule, co eci kutambula ca Njambi cinena cinyangavili.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

1 Tesalonika 2:15

vaje vatsiile Mwene Yesu na vaka-kwimanena, nakutupakesa yetu. Vakevo kuvesi nakuvwaelelesa Njambi! Vapwa vitozi kuli vanu voshe!

1 Tesalonika 5:8

Oloni yetu twakundama ku mutanya, co tunapande kulikongomeka. Tunapande kuzala kukulaela na cizemo ngwe ntelo ya a nulo, nakuzala cinyangavili cakwovoka kwetu ngwe tepa.

1 Timateo 6:12

Lwa nzita yaivwa yakukulaela, nganyala mwonyo wa myaka yoshe, uje wakusanenene Njambi omo walitavelele ku mesho a vakaleo vavangi.

1 Timateo 6:19

Mu ngila eyi vene vakalitulikila vakevo vavenya vufuko vuje vukapwa luvula lwakukola lwa kulutwe. Co asinoni vakasa kuwana mwonyo, mwonyo uje unapu wa vushunga.

2 Timateo 1:1

Mukanda wakutunda kuli yange Paulu, muluwa wa Kilistu Yesu ku cizango ca Njambi, uje wanjitumine mukwambulula mwonyo wa cikulaeso uje tulinawo muli Kilistu Yesu.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.

2 Timateo 2:13

Nga kutupu va kulongwa, Ikeye anga wapwa wa kulongwa, omwo kasa kulivyana ikeye vavenya.”

2 Timateo 2:15

Panga mwamuvwa ngeci utambule vukaleo vwavuvwa ku mesho a Njambi, ngwe muka-vipangi uje kesi na shwamwa ku vipangi vyendi, uje akalongesa mwamuvwa lijwi lya vushunga lya Njambi.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

Tito 2:7

Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa.

Tito 3:7

ngeci a kutetela kwendi vatupwise vaka-vushunga ku mesho a Njambi nakutwana mwonyo wa myaka yoshe uje tulinakukengezeka.

1 Yowano 2:25

Co eci cikeco watukulaesele Kilistu vavenya kutwanaco, cikeco mwonyo wa myaka yoshe.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

Yunda 1:21

kaleni mu cizemo ca Njambi, omo muvandamena kwija kwa Mwene yetu Yesu Kilistu a mema ku mbunge endi mukumyana mwonyo wa myaka yoshe.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 17:8

Uje cikashama iwunamono wakele nakuyoya akulivanga, oloni ololo kesi nakuyoya, ololo atuuka mu mbulu kuyesi naa masima, co vakamunyongesa. Co vanu vaje vali ano asi, vaje mazina avo kuvawasonekele mu livulu lya mwonyo tunde akutanga kwa kaye, voshe vakalikomokela akumona uje cikashama, omwo wayoyele, co kesi nakuyoya, oloni akasholoka lalo.

1 Samwele 15:29

Njambi ya Isalele Muka-nzili yoshe kesi kwendeka makuli nambe kesi kutengulula viyongola vyendi embwe. Omwo ikeye kesi munu, ngeci atenguluke embwe.”