Tito 1:16 - Livulu lya Shukulu Kalunga

¹⁶ Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Tito 1:16 Iomraidhean Croise

Yombi 15:16

Munu akanu vuvi ngwe mema, eyo, munu wapwa wa vunyengwe, lalo wapwa wakuviya.

Visimo 30:12

Kuli vanu vamo vakaliyongola ngeci vanapu vakujela, oloni kuvalijelesele ku mazilo avo.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Isaya 58:2

Vakanjilemesa a litangwa na litangwa, vendeka ngwavo valinakushungwiya kuzivuka vingila vyange nakwononoka mashiko ange. Vendeka ngwavo vashaka njivane mashiko a vushunga, ngeci vavwaelele mukunjilemesa.”

Isaya 59:13

Twakutengulukila, nakuvyana kukukava. Twayandesele vakwetu nakutunda kuli yove. Viyongola vyetu vinapu vya makuli, na majwi etu anapu a makuli.

Njelemiya 12:2

Unavakunu ngwe miti, vanamene mizi, vanakolo nakwima vushuka. Nameme vene vakevo valinakukushangazala, oloni vimbunge vyavo vili kulyala nove.

Njelemiya 5:2

Nameme mulemesa Shukulu Kalunga, oloni kumwesi kulinga vije mwendeka.

Njelemiya 6:30

Vakavatumbula vinyanya vyangoco, omwo yange Kalunga njinavavyana.”

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

Kulava 24:16

Uje asa kuziva majwi a Njambi, nakuzivuka mana aje akutunda kuli Njambi wa Akamwa ya Akamwa, uje amona nakutungukwa cimona ca Njambi Muka-nzili yoshe, uje awila asi ngwe, natsi kavela-vela, oloni mesho endi natono amona vyoshe.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

1 Timateo 1:9

Mwa vushunga vene, tunapande kwanuka ngwetu, mashiko vawapangele, kesi ku vanu vavavwa embwe, oloni kuli vipapoki na kuli vaka-kuvulumuna na kuli vaje kuvalemesa Njambi na vaka-kulinga vuvi na kuli vaje kuvesi kulinga vushunga nambe kuli vaka-kujwala na kuli vanu vaje vaka-kutsiya vaishavo nambe vainavo, na kuli vaka-kutsiya vanu

1 Timateo 5:8

Oloni nga umo kasa kunyunga vavushoko vwendi, vunene kuli vanu vaka-naanga yendi, navyana kukulaela, navihya kutuvakana uje kesi muka-kukulaela.

2 Timateo 3:17

ngeci munu uje apangela Njambi apwe wamutunu nakushula kwakuvwa mukupanga vipangi vyoshe vyavivwa.

Tito 3:1

Anukisa vanu vove vapwe vaka-kulikeesa kuli vaka-kushwana na vaje vali na moko yakushwana, ngeci vavononoke, nakulivwaesela mukulinga mwamuvwa mu vyuma vyoshe.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

1 Yowano 2:4

Nga twendeka ngwetu tumuzivuka oloni kutwononoka mashiko endi, tunapu tu vaka-makuli, co kumwesi vushunga muli yetu.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.

1 Samwele 15:24

Co Saulu wamukumbulwile ngwendi, “Eyo, njinalingi vuvi. Kunjononokele lishiko lya Shukulu Kalunga na majwi ove. Omwo njakele na lyova na vanu vange, co njalingile vije vivashakele.