Tito 1:15 - Livulu lya Shukulu Kalunga

¹⁵ Vyuma vyoshe vinajele kuli vaje vanajele, oloni kukwesi cuma cakujela kuli vaje vanalijwalesa, co lalo kesi vaka-kukulaela, omwo mana avo na citaku-taku cavo vinajwala.

Tito 1:15 Iomraidhean Croise

Visimo 21:4

Vaka-vuvi valyalesa nakulyaka ku vukama, oloni evi vinapu vuvi.

Visimo 30:12

Kuli vanu vamo vakaliyongola ngeci vanapu vakujela, oloni kuvalijelesele ku mazilo avo.

Hangai 2:13

Asinoni Hangai wehwile ngwendi, “Nga munu umo nalijwalesa omo nakwatele a civimbi. Co nga akwata lalo a vyakulya, co vije vyakulya vikajwala ndi?” Co vaka-kukombelela vakumbulwile ngwavo, “Eyo.”

Mateo 15:18

Oloni vyuma vije vikatundu mu kanwa vikevyo vikatundu mu mbunge. Co evi vikevyo vene vikaviisa munu.

Vilinga vya Miluwa 10:15

Co lijwi lyendekele kuli ikeye lalo ngwalyo, “Vije vyanajelesa Njambi kesi uvitumbule ngwove vya mazilo.”

Loma 14:14

Kulitombola kwange muli Mwene Yesu mwa vushunga cinanjizivukisa ngeci kukwesi vyakulya avyo lika vyakujwala, oloni nga munu akulaela ngeci vyakulya vimo vinapu vyakujwala, ngecivene, vipwa vyakujwala kuli ikeye.

Loma 14:20

Kesi unyongese vije vyanalingi Njambi omwo akulya lika. Vyakulya vyoshe vasa kuvilya, oloni kesi mwamuvwa kulya cuma cimo cije casa kulingisa umo ngeci awile mu vuvi.

Loma 14:23

Oloni nga ikeye ali na vimata ali vije alya, co Njambi amuhisa omo avilya, omwo vilinga vyendi kuvyakundamene akukulaela. Omwo cuma coshe cije kucakundamene akukulaela cinapu vuvi.

1 Kolinte 10:23

Ngecivene, vendeka ngwavo, “Vanatutavesa kulinga coshe-icoshe.” Eyo, mwa vushunga vene, oloni kesi vyuma vyoshe vyavivwa. “Vanatutavesa kulinga vyuma vyoshe,” oloni kesi vyuma vyoshe vikwasa embwe.

1 Kolinte 10:25

Munapande kulya cuma coshe cakulandesa mu mwela wavulandeselo vwa situ, kesi mwihule vihula vimo omwo a citaku-taku ceni.

1 Kolinte 10:31

Ngecivene, vyoshe ulinga, nambe ulya nambe unwa, vilinge mukwana Njambi vumpau.

1 Kolinte 8:7

Oloni kesi ngwe vanu voshe vali na mana awa. Oloni vamo vanezilila tumponya nalelo lino omo valya vyakulya vyangacije vakayongola ngwe vyakundama ku kamponya, citaku-taku cavo cinazeye, co vayongola ngwe valinakulijwalesa omo valya vyakulya vyangacije.

1 Timateo 6:5

na vimata simbu yoshe kuli vanu vaje mana avo kuwesi kupanga, co kuvesi na vushunga. Vayongola ngwavo ngila ya vu Njambi ikeyo yapwa yakufukisa.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 12:15

Nyanyameni kutewa umo akeluka munima kutunda ku mema ku mbunge ya Njambi. Nyanyameni akati keni kesi umo apwe ngwe muti wakulula uje umena nakunena tuyando twatungi na vushungu vwawo.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.