Tito 1:12 - Livulu lya Shukulu Kalunga

¹² Co umo wavo, umo wa vaka-kwimanena wavo wendekele ngwendi, “Vaka-Kelete simbu yoshe vapwa vaka-makuli, vikashama vya vuvi, volwa vakulakama.”

Tito 1:12 Iomraidhean Croise

Vilinga vya Miluwa 17:28

ngwe umo wendekele ngwendi, ‘Muli ikeye mukemwo mutwayoyela, mukemwo mutwendela mukemwo mutuli.’ “Ngwe muyinendeka myaso yeni ngwayo, ‘Netu lalo tunapu tu vana vendi.’

Vilinga vya Miluwa 2:11

vaYunda na ava kesi vaYunda vaje vakakava futisi ya vaYunda, co vamo vetu vatunda ku Kelete na ku Alambiya, yetu tuvavoshe tulinakuziva vendeka mu vindaka vyetu vyuma vyakukomokesa vije vyanalingi Njambi!”

Vilinga vya Miluwa 27:12

Co cije cikuma kucapwile cacivwa kukalamo simbu ya cisika, ngecivene, vanalume vavangi vakele na cizango cakusununa vwato nakweseka kweta ku Fonikisi, nga citava, ngeci tukakaleko a simbu ya cisika. Fonikisi capwile cikuma ca mu Kelete cije cakenga mu mbwela ya mu kangombe ka yambi na mu kunto ya mu ngangela.

Vilinga vya Miluwa 27:13

Co lihunzi lyalindondo lyatundile mu mbwela lyashangumukile kuhuwa, co vaje vanalume vayongwele ngwavo vasa kutwalao na vutumbe vwavo, ngecivene, vakokele n̄ove ya vwato nakujavuka kwita kuyehi na cikuma ca Kelete.

Vilinga vya Miluwa 27:7

Twendele matangwa amangi kamandondo-kamandondo nakukaluwa kwakama manene, co akukotoka twetele kuyehi na nganda ya Sinindase. Co lihunzi lyatuvindikile kuya kulutwe, twasunwine vwato nakushwangesa lin̄anda lya Kelete kuje lihunzi kulyakele nakuhuwa manene nakushungama Cikuma ca Salemone.

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

1 Timateo 4:2

Vilongesa evi vilinakutunda kuli vanu vaka-kuseveleka na vaka-makuli, vaje vitaku-taku vyavo vinatsi, ngwe vyakwenyeka na cikuvo ca tuhya.

Tito 1:5

Evi vikevyo njakusezelele mu Kelete ngeci uvwaese vyuma vyasaleleko, nakwimika vakulunu va vikungulukilo ku nganda na nganda. Anuka vilongesa vyange,

2 Petulu 2:12

Oloni vanu ava valinakupanga na mana ngwe a tusitu, vasemukilile mu shwata nakuvakwata na mukuvatsiya, vakevo valinakulwisa na kashaundu vyuma vije kuvazivisisa. Vakavanyongesa ngwe tusitu,

2 Petulu 2:15

Vanaseza ngila yakushungama, co vanazimbalesa ngila yavo, vanakavangeya ngila yakavele Mbalame muna Mbeole, uje wazemene vimbongo vije vyakawana a vilinga vyavivi,