Tito 1:10 - Livulu lya Shukulu Kalunga

¹⁰ Omwo kuvali vavangi vaka-kuumukwa na vaka-kulwisa vakwavo na vyuma vyavo vyangoco, manene vaje vaka-futisi ya vaYunda.

Tito 1:10 Iomraidhean Croise

Mateo 23:14

Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukakwisa vifwile nakuvevila vinjuvo vyavo, co mukalimwesa ku vanu akulombela malombelo amalaja. Omwo a vyoshe evi, cihiso ceni cikapwa cakama manene.

Vilinga vya Miluwa 11:2

Ngecivene, omo Petulu waile ku Yelusalema, vaka-kukulaela vaje vakutuuka vamujokotesele ngwavo,

Vilinga vya Miluwa 15:1

Oloni vanalume vamo vatundile ku Yundeya vaile ku Antyoke vashangumukile kulongesa vaka-kukulaela ngwavo, “Kumwasa kwovoka kuvanga mutuuke ngwe ku Lishiko lya Mosesa.”

Vilinga vya Miluwa 15:24

Tunazivi ngwavo vamo vanalume va ku mbunga yetu vanaija nakumipesa nakumitanganesa na vije vanendeka, vakevo kuvatambwile vilongesa vyakutunda kuli yetu embwe.

Vilinga vya Miluwa 20:29

Njazivuka ngwange omo njiya, tungunga va vukalu vakaija akati keni, co kuvakatetela vutanga.

Ngalatiya 2:4

nambe vamo vashakele ngeci cilingiwe. Akulikwisa kupwa ngwe vaka-kukulaela, vanu ava vamwengelele mu mbunga yetu ngwe tunenga, ngeci vawane kupatuka kutulinakwo muli Yesu Kilistu. Vashakele kutupwisa vindungo,

Ngalatiya 3:1

Eni vilema vaka-Ngalatiya! Iya namikasumuna? Mwalimwenenene mwamuvwa na mesho eni mukwalumbunukilile kutsa kwa Yesu Kilistu a cilindakano!

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

1 Timateo 1:4

Valeke ngwove vanapande kwecela visimutwiya vya visimo vya ku san̄ulu na vya mikana ya mazina a malaja a vakukulwila, vije visholola lika vimata, omwo kuvyesi nakukundama ku vutumbe vwa Njambi, vuje tunavuzivuka akukulaela.

1 Timateo 1:6

Vamo vanu vanaseza vyuma evi, co vanazimbalesa vingila vyavo mu vimata vya vulema.

1 Timateo 1:9

Mwa vushunga vene, tunapande kwanuka ngwetu, mashiko vawapangele, kesi ku vanu vavavwa embwe, oloni kuli vipapoki na kuli vaka-kuvulumuna na kuli vaje kuvalemesa Njambi na vaka-kulinga vuvi na kuli vaje kuvesi kulinga vushunga nambe kuli vaka-kujwala na kuli vanu vaje vaka-kutsiya vaishavo nambe vainavo, na kuli vaka-kutsiya vanu

2 Timateo 3:13

co vanu vaka-vuvi na vaka-manseno vakatwalelelao kulinga vuvi manene, nakukwisa vakwavo nakulikwisa vakevo vavenya.

2 Timateo 4:4

Kuvakatolilila ku vyuma vya vushunga, co vakatwala mana avo ku visimo vyangoco.

Tito 1:6

mukulunu wa cikungulukilo napande kupwa wakujeneka mulonga, napande kupwa munalume wa munakazi umolika, co vana vendi vanapande kupwa vaka-kukulaela, kesi vipapoki nambe vaka-kujeneka kwononoka embwe.

Yakomba 1:26

Nga munu umo ayongola ngwendi ikeye muka-kulemesa, co kononwesa ndaka yendi, kulemesa kwendi kunapu kwangoco, co alinakulikwisa ikeye vavenya.

1 Yowano 2:18

Vana vange vavandondo, eyi ikeyo simbu yakukotoka! Ngwe muvamilekele ngwavo Citozi ca Kilistu alinakwija, co ololo vitozi vavangi va Kilistu vanasholoka laja, co twazivuka ngwetu simbu yakukotoka ilimuyehi.

1 Yowano 2:4

Nga twendeka ngwetu tumuzivuka oloni kutwononoka mashiko endi, tunapu tu vaka-makuli, co kumwesi vushunga muli yetu.

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.

Kujombolola 2:14

Oloni kuli vyuma vyavindondo njalinyenge ali yove, kuvali vamo akati keni vaje vacikavangeya kulongesa kwa Mbalame, uje walongesele Mbalake kutwamenena vanu va Isalele kulinga vuvi akuvasindiya kulya vyakulya vije vanakombelela ku tumponya nakulinga vupangala.

Kujombolola 2:6

Oloni eci cikeco ulinaco, yove unazindi vije vivakalingi vaNikolau, ngwe muje munjavazinda yange lalo.