Ovandiya 1:7 - Livulu lya Shukulu Kalunga

⁷ Vanu vaje mwalizivasanene navo, vanamisheke mu lifuti lyeni. Vanu vaje vakele mu kwoloka neni, ololo vanamifungulula. Vasamba veni va a mbunge vanamitela mweto, co vendeka ali yeni ngwavo, ‘Kuje kunyanyama kwavo vakelenakwo kuli kulijo?’

Ovandiya 1:7 Iomraidhean Croise

Myaso 41:10

Oloni yove Shukulu Kalunga, njizivileko mema ku mbunge nakunjikangwisa, ngeci njikavelwisile vuvwa ku vuvi.

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Njelemiya 20:10

Njinazivi vanu vavangi vanjifweya ngwavo, “Kwoshe-ikwoshe kuli munjunju! Tumwambululeni ku vaka-kushwana!” Nameme vene vasamba vange va a mbunge vanavandamena ngeci njiwe. Vendeka ngwavo, “Amo twasa kumukwisa ngeci tumukwate tumulinge shambandinga.”

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Njelemiya 38:22

Mu cimona eci, njinamwene vanakazi voshe vaje vasalele mu lipela lya vumwene vwa Yunda, valinakuvatwala kuli vamyata va mwene wa Mbambilone. Omo vaile vakele nakwendeka ngwavo, ‘Vasamba va mwene va a mbunge vaje vakulaelele vanamukwisa nakumufungulula. Ololo myanja yendi omo inakovela mu mandova, vanamuseze endi lika.’ ”

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Njelemiya 49:7

Evi vikevyo vyendekele Shukulu Kalunga Muka-nzili yoshe ali Endome ngwendi, “Kuma vaka-Endome vanazimbalesa kusompa kwavo kwakuvwa ndi? Kuma vaka-kuvanangula vavo kuvasa kuvaleka vije vivanapande kulinga ndi? Kuma mana avo oshe anahu ndi?

Mbimbi 1:19

“Njasanene vasamba vange, oloni vavyanene kunjikwasa. Vaka-kukombelela amo na vantwama vatsililile mu vitapalo vya mu nganda, mukushakezeka vyakulya ngeci vivayoyese.

Hoziya 13:13

Co Isalele ali na simbu yakuyoya, oloni akuyimona cinapu ca vulema manene, cinapu ngwe mbututu uje ali muyehi nakusemuka, oloni kashaka kutunda mwimo!

Hoziya 7:11

Isalele alinakupulula ngoco ngwe liyembe wakujeneka mana, vanu vendi akulivanga valinakusana Ingito mukuvakwasa, co lalo vatewela ku Asilya!

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’