Ovandiya 1:21 - Livulu lya Shukulu Kalunga

²¹ Vanalume vaka-kuhyana va mu Yelusalema, vakashwana Endome. Shukulu Kalunga vavenya akapwa Mwene.”

Ovandiya 1:21 Iomraidhean Croise

Kushangumuka 25:23

Co Shukulu Kalunga wamukumbulwile ngwendi, “Miyati ivali ili mwimo lyove, ukakita vanu vavali vaje vakalizunga. Umo akakala na nzili kuhyana mukwavo, mukulunu ikeye akapangela shongo yendi.”

2 Vimyene 13:5

Shukulu Kalunga watuminine Isalele ntwama uje wavapatwile kuli vaSilya, co vaIsalele vakele mu kwoloka, ngwe muje muvakele myaka ya kunima.

Nehemiya 9:27

ngecivene, wavakundikile mu mavoko a vitozi vavo ngeci vavafungulule nakuvashwana. Mu tuyando twavo vatambekele kuli yove ngeci uvakwase, co wavakumbulwile oku uli mwilu. Mukutetela kwove kwakama wavatuminine vantwama, vaje vavaamenene kuli vitozi vavo.

Myaso 102:15

Ngecivene, miyati yoshe vakasingimika Shukulu Kalunga, co vimyene voshe va ano asi vakashangazala vumpau vwove.

Myaso 22:28

Omwo vumwene vwapwa vwa Shukulu Kalunga, ikeye akashwana miyati yoshe.

Myaso 22:29

Vaka-kulyalesa voshe vakalya nakumulemesa, na voshe vaje vashelumukila mu vukalo vwa vatsi vakamulemesa, co na woshe uje kasa kwamena mwonyo wendi ku kutsa akamulemesa.

Myaso 47:7

Njambi ikeye mwene wa ano asi oshe, mulemeseni na myaso!

Myaso 67:4

Vanu vajolele, co vaimbe nakuvwaelela, omwo yove ukasompo vanu mu vushunga, nakutwamenena miyati yoshe ya asi.

Isaya 19:20

Vyuma evi vikapwa vimweso kuli vanu va mu Ingito ngeci Shukulu Kalunga Muka-nzili yoshe ali amo navo. Omo vanu vaIngito vakakala mu vukalu, co vakatambeka kuli Shukulu Kalunga ngeci avakwase, co ikeye akatuma umo mukuvapatula ku vitozi vavo.

Isaya 24:23

Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Ndanyele 12:3

Co vaje vantwama va mana vakavyazima na ceke ca lilu. Co vaje valongesele vanu vavangi kulinga vya vushunga vakavyazima ku myaka yoshe ngwe vingongonosi.”

Ndanyele 2:35

A simbu imolika cije cikuvo, na vuma, na vunengu, na siliva, na ngolinde, vyoshe vyavujukile. Co vyapwile ngwe lijungu lya a lijungwilo lya tiliku a simbu yakumanesa kuteja vimbuto. Co lihunzi lyavipekumwine vyoshe, co naa avyakele ai. Oloni lije limanya lyapupile kamponya lyapwile munkinda wakama uje wafwikile kaye koshe.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Njwele 2:32

Co cikapwa ngeci woshe akatambakana lizina lya Shukulu Kalunga akovoka. Ngeci mwendekele Shukulu Kalunga ngwendi, ‘Kukakala vamo vakaputumuka mu Yelusalema, vaje vanjaangwile vakovoka.’ ”

Mika 4:7

Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Mateo 6:10

Vumwene vwove vwije, cizango cove vacilinge ano asi, ngwe omwo vakacilingi mwilu.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Luka 22:30

Yeni mukalya nakunwa nange mu Vumwene vwange, co mukatumbama a matanda nakusompa miyati likumi na ivali ya Isalele.

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.

Yakomba 5:20

anukeni cuma eci ngweni, woshe uje elwisa muka-vuvi ku kupenga-penga kwendi novola mwonyo wa uje muka-vuvi kutunda ku kutsa, co vuvi vwavungi vakavusambesa omwo ikeye.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Maako 2:16

Asinoni Shukulu Kalunga waanene vaIsalele maako vaje vavamenene ku vezi vaje vevile vyavo.

Maako 3:9

Asinoni vaIsalele valililile kuli Shukulu Kalunga, co Shukulu Kalunga wavatuminine muyoyesi uje wavayoyesele. Lizina lyendi Otenyele, muna Kenaze shongo ya Kalembi.