Ovandiya 1:19 - Livulu lya Shukulu Kalunga

¹⁹ “Vanu va ku Nengeve, vakatambula Lilundu lya Isau, vanu va ku Shefela, vakatambula lifuti lya Filisitiya, vakakala mu lifuti lya Efalime, na mu lifuti lya Samaliya, vaMbenjemani vakatambula lifuti lya Ngilyande.

Ovandiya 1:19 Iomraidhean Croise

2 Vimyene 17:24

Mwene wa Asilya wambatele vanu vaje vakele mu vinganda vya Mbambilone na Kute na Ivaha na Hamate na Sefalevaime, co wavaakele mu vinganda vya Samaliya kwinga muli vaIsalele vaje vavatwalele ku vunzinda. Co vambatele vinganda evi nakutungamo.

1 Mizimbu 5:26

Ngecivene, Njambi wasingile mwene Pule wa Asilya (uje lalo ivatumbwile Tingelate Pilesele) kulwisa lifuti lyavo. Ikeye washekele miyati ya Luvena, na Ngande, na Manase wa mu ngangela, nakuvaka mu Halahe, na mu Hambole, na mu Hala, na ku ngenge ya Ndonga ya Ngozane.

Ezela 4:17

Co mwene wavakumbulwile ngwendi, “Kuli nguvulu Lehume, na kuli Shimeshai muka-kusoneka wa lifuti, amo na vimbunga vyeni vaje vali mu Samaliya na mu lifuti lya mu Kangombe ka Yambi ka Yufuleti, ngwange ciindu ceni.

Ezela 4:2

ngecivene, vaile kuli Zelumbambele na kuli vakulunu va vikota vendekele ngwavo, “Tutaveni tulipandakane neni kutunga Njuvo ya Shukulu Kalunga. Yetu tukalemesa Njambi wa cifwa cimo ngwe ou imukalemesa yeni, twakele nakukombelela vin̄ombelo kuli ikeye tunde aje Mwene Esalehandone wa Asilya watunenele kuno.”

Myaso 69:35

Omwo Njambi akamena Siyone, nakutungulula vinganda vya Yunda, co vangamba vendi vakakala muje, co lifuti likapwa vushwana vwavo,

Njelemiya 32:44

Vanu vakalanda, co vakasoneka vukaleo vwa vikumiiyo, nakuvisatesa. Evi vakavilingila mu mutambela wa lifuti lya Mbenjemani, mu membo akuzengeleka ku Yelusalema, mu vinganda vya mu Yunda, na mu vinganda vya mu lifuti lya malundu, na mu membo a mu lifuti lya ku vushelumukilo vwa malundu, na mu mbwela ya mutambela wa lifuti lya Yunda. Co njikelwisila vanu mu lifuti lyavo. Yange Kalunga, njinendekamo.”

Njelemiya 49:1

Evi vikevyo vyendekele Shukulu Kalunga ali Amoni ngwendi, “Vali kulijo vanalume va Isalele? Kukwesi umo wa ali vakevo wakwimanena lifuti lyavo ndi? Omwo vikajo vatava vanu vaje vaka-kulemesa Moleki kutambula lifuti lya muyati wa Ngande nakutungamo?

Ezekiyele 25:16

Ngecivene, njilinakwendeka ngwange njikalwisa vaFilisitiya nakuvanyongesa. Njikanyongesa voshe vaje vanasala mu cana ca Filisitiya.

Ezekiyele 36:28

Asinoni mukakala mu lifuti lije linjanene vakukulwila veni. Mukapwa vanu vange, nange njikapwa Njambi yeni.

Amose 1:13

Shukulu Kalunga alinakwendeka ngwendi, “Vanu va ku Amoni vanalingi vuvi kushwakumo, omwo cuma eci mwa vushunga njikavanyanyamesa. Mu vinzita vyavo vyakulwisa mafuti amangi, vakevo vatavwile vanakazi va ku Ngilyande vaje vakele na memo.

Amose 1:8

Njikatundisa vaka-kushwana va mu vinganda vya Ashendonde, na Ashekelone. Njikanyanyamesa nganda ya Ekelone, co vaFilisitiya voshe vaje vanasalao vakatsa.” Tile

Amose 9:12

Co vanu va mu Isalele vakafungulula vije vyasalele mu lifuti lya Endome na miyati yoshe vaje vapwile vange laja.” Mukemwo mwalinakwendeka Shukulu Kalunga, uje akatava evi ngeci vilingiwe.

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Kulava 1:32

Vana va Yosefa va vanalume, ku cikota ca Efalime, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo.

Yoshwa 13:25

Co nginga yapwile Njazele na vinganda vyoshe vya Ngilyande, na litambelo lya lifuti lya vaAmoni kweta na ku Aloele, ije yakala mu ngangela ya Lamba.

Yoshwa 13:31

Kukumbasanako litambelo lya Ngilyande, amo na Ashetalote, na Endeleyi, mitwe ya vinganda vya vumwene vwa Onge wa ku Mbashane. Vyoshe evi Mosesa wavyanene ku naanga ya Makile muna Manase.

Yoshwa 15:21

Vinganda vya ku shongo ya lifuti lya vatekulwila va Yunda vyakele kuyehi na nginga ya Endome mu mbwela, mazina avyo, Kambezele, na Endele, na Njangule,

Yoshwa 15:33

Vinganda vyakele mu lifuti lya kushelama mazina avyo, Eshetawole, na Zola, na Ashena,