Ovandiya 1:17 - Livulu lya Shukulu Kalunga

¹⁷ “Oloni a Munkinda wa Siyone, vamo vakavomboloka, co ukapwa mutambela wakujela. Vanu va Yakomba, vakashwana lifuti lyavushwana vwavo.

Ovandiya 1:17 Iomraidhean Croise

Myaso 69:35

Omwo Njambi akamena Siyone, nakutungulula vinganda vya Yunda, co vangamba vendi vakakala muje, co lifuti likapwa vushwana vwavo,

Isaya 1:27

Omwo Shukulu Kalunga wapwa wa vushunga, akamena Yelusalema na vanu voshe vaje valimo vaje vatenguluka.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 46:13

Litangwa lyakumyamena lili muyehi, kulyesi kulyala embwe. Kwamena kwange kucikeshwala embwe. Njikaamena Yelusalema, nakunena kasingimiko ku Isalele.’ ”

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 65:9

Njikavezikisa vanu va Isalele va ku muyati wa Yunda, co vatekulwila vavo, vakafuka lifuti lyange lya minkinda. Vanu vange vakwangula, vaje vanjipangela, vakakala mu lifuti muje.

Njelemiya 31:23

Shukulu Kalunga Muka-nzili yoshe, Njambi ya Isalele, alinakwendeka ngwendi, “Omo njikelwisila vanu mu lifuti lyavo, vakendeka lalo mu lifuti lya mu Yunda na mu vinganda vyamwo ngwavo, ‘Shukulu Kalunga avezikise lilundu lyakujela lya Yelusalema, mwela wakujela kuje kwakala.’

Njelemiya 44:14

Naumo wai wa ali vanu va mu Yunda vaje vasaleleo vaile kukakala ku Ingito vakayoya nambe kwiluka ku Yunda, kuje valinakushaka ngeci vakakaleko lalo simbu yakama. Naumo wai akelukako kuvanga vavandondo lika.”

Njelemiya 44:28

Oloni vavandondo lika vakaputumuka ku kutsa, vakatunda ku Ingito nakwiluka ku Yunda. Asinoni vaje vakayoyao vakazivuka ngwavo majwi eyajo anapu a vushunga, ange ndi avo?

Njelemiya 46:28

Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Ezekiyele 36:12

Yeni vanu vange va Isalele, njikamiilwisa ngeci mukayoye lalo mu lifuti lyeni. Likelyo likapwa lifuti lyeni, nalumo lwai lalo vana veni vakalanduka ku njala ya lyangengela.

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Ndanyele 7:18

Oloni vanu va Njambi wa Akamwa ya Akamwa vakatambula vumwene nakuvunyunga ku myaka yoshe.”

Njwele 2:32

Co cikapwa ngeci woshe akatambakana lizina lya Shukulu Kalunga akovoka. Ngeci mwendekele Shukulu Kalunga ngwendi, ‘Kukakala vamo vakaputumuka mu Yelusalema, vaje vanjaangwile vakovoka.’ ”

Njwele 3:17

“Asinoni, Isalele mukazivuka ngeci yange njapwa Kalunga Njambi yeni. Yange njakala a Siyone, lilundu lyange lyakujela. Yelusalema ikapwa nganda yakujela, vaka-kwija kuvakaifungulula lalo.

Njwele 3:5

Munambata siliva yange na ngolinde, co munatwala vufuko vwange mu vinjuvo vya vinjambi veni.

Amose 9:8

Yange Kalunga wa Akamwa ya Vyoshe, njilinakukenga a vumwene vwa Isalele ovu vwavuvi, co njikavunyongesa kuvutundisa ano asi. Oloni kunjikanyongesa vatekulwila voshe va Yakomba.

Zakaliya 8:12

Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao.

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.