Ovandiya 1:10 - Livulu lya Shukulu Kalunga

¹⁰ “Omwo mwevile nakutsiya vandolome veni, vatekulwila va Yakomba, co mukaziva shwamwa nakumiyengula ku myaka yoshe.

Ovandiya 1:10 Iomraidhean Croise

Kushangumuka 27:11

Oloni Yakomba wendekele kuli vaina ngwendi, “Mwazivuka ngweni Isau wakala na vukupa a muvila wendi, oloni yange kunjesi navwo.

Kushangumuka 27:41

Co Isau wazindile Yakomba, omwo ikeye Yakomba watambwile civezikiso cije capandele kupwa ca Isau. Co Isau wayongwele ngwendi, “Simbu yakulila tate ili muyehi, akeo anjikatsiila ndolome yange Yakomba.”

2 Mizimbu 28:17

Omwo vaEndome vashangumukile lalo kulwisa vaYunda nakufungulula vinzinda vavangi.

Myaso 109:29

Ngecivene, vitozi vange vazale likamba lyavo ngwe vuzalo, co shwamwa lalo ivakole.

Myaso 132:18

Njikazivisa vitozi vendi shwamwa, oloni cilongo cendi cikavyazima.”

Myaso 137:7

Shukulu Kalunga anuka vije vivalingile va Endome, a litangwa lije vafungulwile Yelusalema. Anuka muje muvendekele ngwavo, “Isiwuleni, amolika na luvula lwayo!”

Myaso 69:7

Omwo a lizina lyove vananjishaula, ngeci njili na shwamwa.

Myaso 89:45

Unakeesa matangwa a vukwenje vwendi, co unamuzivisa shwamwa.

Visimo 10:6

Muka-vushunga atambula vivezikiso, oloni vuvi vuvanda mu majwi a vaka-vuvi.

Visimo 17:5

Uje ashendumuna tuutu alinakushaula Njambi uje wavatangele, uje avwaelela a tuyando twa vakwavo vakamuhisa.

Njelemiya 12:14

Shukulu Kalunga alinakwendeka ngwendi, “Njili na vimo vyakwendeka ku miyati ya vanu veka vaje vanaviisa lifuti lije linjanene kuli vanu vange va Isalele. Njikatundisa vaka-vuvi mu mafuti avo vavenya, ngeci lalo munjikatundisa Yunda mu lifuti lyendi.

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 49:13

Yange njinalisingi ngwange nganda ya Mbozile ikemuka cimweso ca vunyengwe, nakupwa mambo, co vanu vakalishendumuna na kupwisa lizina lya nganda cisingo. Co mambweli oshe akapwa vingundu ku myaka yoshe. Yange Kalunga, njinendekamo.”

Njelemiya 51:51

Mwendeka ngweni, ‘Vanatuzivisa shwamwa nakutuviisa, mwa vushunga tunazivi shwamwa, omwo vaka-kwija vanambata mitambela yakujela ya mu Njuvo ya Shukulu Kalunga.’

Mbimbi 4:21

Yeni vanu va Endome na Uze, joleleni, vwaeleleni mwoshe mumunashakela. Neni lalo tuyando tweni tulinakwija, neni lalo mukapelyangela mushelengwa na shwamwa.

Mbimbi 4:22

Siyone natambula fweto yendi ya vuvi, co Shukulu Kalunga kakavatumbika lalo mu vunzinda embwe. Oloni Endome, Shukulu Kalunga akakunyanyamesa nakusholola milonga ya vilinga vyove.

Ezekiyele 35:9

Njikakupwisa ngundu ku myaka yoshe, co naumo wai lalo akakala mu vinganda vyove. Asinoni ukazivuka ngeci yange njapwa Kalunga.

Ezekiyele 7:18

Vakazala vikeleya, co mivila yoshe ikajaja. Mitwe yavo ikapwa yakuteula, co voshe vakaziva shwamwa.

Njwele 3:19

“Ingito ikapwa mambo, co Endome ikapwa ngundu, omwo valwisile lifuti lya Yunda nakutsiya vanu vamwo vakujeneka mulonga.

Amose 1:11

Shukulu Kalunga alinakwendeka ngwendi, “Vanu va ku Endome vanalingi vuvi kushwakumo, omwo cuma eci mwa vushunga njikavanyanyamesa. Omwo vakevo vatsiile vandolome vavo vaIsalele, co kuvavamwesele mema ku mbunge. Vukalu vwavo kuvwahwile, kuvavututumwisile.

Mika 7:10

Asinoni vitozi vetu vakacimona, co vakashaula vitozi vaje vene vatuyandesele kutwihula ngwavo, “ali kulijo Shukulu Kalunga Njambi yeni?” Tukavamona vavafungulula nakuvalyatangela asi ngwe vutome mu vitapalo.

Kwituluka mu Mashiko 23:7

“Kesi mukashaule vaEndome omwo vakevo vapwa vandolome veni. Co kesi mukashaule lalo vaka-Ingito embwe, omwo mwapwile mu vaka-kwija mu lifuti lyavo.

Kwituluka mu Mashiko 23:8

Vatekulwila vavo va mu cisemwa camucitatu vakasa kuvapandakana ku vanu va Shukulu Kalunga.