Njwele 3:21 - Livulu lya Shukulu Kalunga

²¹ Njikalingilako sambandinga vaje vavatsiile, nakuhisa vaka-vuvi. Yange Kalunga, njikakala a Munkinda wa Siyone.”

Njwele 3:21 Iomraidhean Croise

Isaya 4:4

A nzili yendi, Shukulu Kalunga akasompa nakujelesa lifuti nakukusha mulonga wa Yelusalema na maninga aje etikilile muje.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Ezekiyele 36:29

Njikamyamena ku vyuma vyoshe vije vikamijwalesa. Njikamenesa vimbuto ngeci vikapwe vyavingi, ngeci kesi mukakale lalo na njala ya lyangengela.

Ezekiyele 48:35

Co vulaja vwoshe vwa civumbe mu mitambela iwana ya nganda yapwile mamita 900. Co lizina lya ije nganda kutunda lelo na kulutwe likapwa “Shukulu Kalunga ali Kuno!”

Njwele 2:27

Asinoni, Isalele, mukazivuka ngeci yange njili akati keni, ngeci yange Kalunga, njapwa Njambi yeni, co kukwesi weka lalo. Naumo wai akayeluwisa vanu vange lalo.

Njwele 3:17

“Asinoni, Isalele mukazivuka ngeci yange njapwa Kalunga Njambi yeni. Yange njakala a Siyone, lilundu lyange lyakujela. Yelusalema ikapwa nganda yakujela, vaka-kwija kuvakaifungulula lalo.

Mateo 27:25

Co voshe vamukumbulwile ngwavo, “Maninga endi aije ali yetu na ali vana vetu!”

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.