Njwele 2:5 - Livulu lya Shukulu Kalunga

⁵ Omo vajombozoka akamwa ya minkinda, misindo yavo yoya ngwe matemba, cililimo cavo cinapu ngwe musindo wa tuhya twa likuna tuje twenyeka mwila wakuma. Venda mu mikana ngwe vaka-nzita vaje vanalivwaesela kulwa.

Njwele 2:5 Iomraidhean Croise

Yombi 39:20

Yove wavashambesele ngwe vimbambi, nakutewesa vanu nakufwembula kwavo ndi?

Kutuuka 5:12

Ngecivene, vanu vaile nakushakezeka vishoni mu Ingito mwoshe kupwisa ngwe mwila.

Isaya 30:30

Munu woshe akaziva lijwi lyakukomokesa lya Shukulu Kalunga, nakuziva nzili ya vukalu vwendi. Co kukakala milangi ya tuhya, na kankumba, na nyonzi ya mamanya, na mita yakama.

Isaya 5:24

Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Njelemiya 50:42

Vanambata mata avo a lusipa na mikwale yavo, vanu vakukaluka mema ku mbunge. Omo valonda a tuvalu twavo, co vimbemba vya tuvalu twavo vicuma ngwe mema a kalunga. Valivwaesela cimweja kulwa nzita, kulwisa yeni vanu va Mbambilone.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Kujombolola 9:9

A vinulo vyavo akele vyakulifwika ngwe vintelo vya vikuvo, co cililimo cakutunda ku mambava avo omo vapulula cafwile ngwe muyoyo wa tuvalu vavangi omo vashatuka na matemba kuya ku nzita.