Njwele 2:28 - Livulu lya Shukulu Kalunga

²⁸ “Munima yevi njiketila munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co tukulukazi veni vakalota vinjozi, vakwenje veni vakamona vimona.

Njwele 2:28 Iomraidhean Croise

Visimo 1:23

Tolilileni omo njimyendekela, njimyana kunangula kwakuvwa.

Isaya 32:15

Oloni Njambi lalo akatutumina munzinzime wendi. Lifuti lya vwilo likakala na vwilo, co mu mahya mukamena vimbuto vyavivwa.

Isaya 40:5

Asinoni vumpau vwa Shukulu Kalunga vukasholoka, co vanu voshe vakavumona. Shukulu Kalunga ikeye vavenya nakulaesa evi.”

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 54:13

“Yange vene njikalongesa vanu vove, nakuvavezikisa na kwoloka.

Njelemiya 23:25

Yange njazivuka vivanendeka vaje vaka-kwimanena vaje vambulula vya makuli mu lizina lyange, nakwendeka ngwavo njavaleke majwi mu vinjozi vyavo.

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

Ezekiyele 37:14

Yange njikaka muku wange muli vakevo, co vakayoya nakukala mu lifuti lyavo vene. Asinoni vakazivuka ngeci yange njapwa Kalunga. Yange njakulaesa ngwange njikalinga vyuma evi, co njikalingamo vene. Munjinendeka yange Kalunga.”

Ezekiyele 39:29

Njikamwanyena munzinzime wange ali vanu va Isalele, co kuukatundu lalo ali vakevo. Munjinendeka yange Kalunga wa Akamwa ya Vyoshe.”

Ndanyele 7:1

Mu mwaka wakulivanga omo Mbeleshazale wapwile mwene wa Mbambilone, njalotele njozi, co njamwene cimona ku vutsiki vuje. Njasonekele ije njozi, co ovu vukevwo vukaleo

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Kulava 11:17

Co njikashelumuka nakwendeka nove kuje vene, njikavana moko ngeci mukalikwase kwendesa vanu vange kuukavanyungu ove lika embwe.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

Luka 1:67

Ishe ya Yowano, Zakaliya, washulile na Munzinzime Wakujela, co wendekele vin̄anda vya Njambi ngwendi,

Luka 3:6

Vanu voshe vakamona kwamena kwa Njambi.’ ”

Yowano 7:39

Yesu wendekele evi ali Munzinzime Wakujela uje uvakatambula vaje vanakulaela kuli ikeye. A simbu ije Munzinzime Wakujela te kanda vacimutambule, omwo Yesu te kanda asanguke ku vumpau.

Vilinga vya Miluwa 2:33

Ikeye namusangwila ku livoko lya cilyo lya Njambi, Ishe, co natambula Munzinzime Wakujela kuli ikeye, ngwe muje mwakulaesele. Vije mulinakumona ololo nakuziva vinapu vwana vwendi vuje netila ali yetu.

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Vilinga vya Miluwa 21:9

Co wakele na vana vendi vawana va vanakazi vazike vaje vakele nakwambulula muzimbu wa Njambi.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

1 Samwele 19:20

Ngecivene, watumineko vamo vanalume vakamukwate. Co vamwene mbunga ya vaka-kwimanena valinakwambulula vuka-kwimanena, amo na Samwele ntwama yavo. Co Munzinzime wa Njambi wakovelele muli vanu va Saulu, co na vakevo lalo vashangumukile kwambulula vuka-kwimanena.

1 Samwele 19:21

Omo Saulu wazivileko, watumineko tunganda lalo, co na vakevo lalo vashangumukile kwambulula vuka-kwimanena. Co lalo watumine tunganda vamucitatu, anga cuma cimo vene calingiwile kuli vakevo.

1 Samwele 28:6

ngecivene, Saulu wehwile kuli Shukulu Kalunga vije vyanapande kulinga. Oloni Shukulu Kalunga kamukumbulwile, nambe mu vinjozi, nambe kupangesa Ulime na Tumime, nambe a vaka-kwimanena.