Njwele 2:26 - Livulu lya Shukulu Kalunga

²⁶ Ololo mukakala oni na vyakulya vyavingi vimukalya, co mukakuta. Neni mukashangazala Shukulu Kalunga Njambi yeni, uje namilingila vyuma vyakukomokesa. Co naumo wai akashaula vanu vange lalo.

Njwele 2:26 Iomraidhean Croise

Kushangumuka 33:11

Mwane, tambuleni vwana ovu njinaminenela omwo Njambi nanjitetela, nakunjana vyuma vyoshe evi njilinavyo.” Co Yakomba wamusindiiye noo Isau wavutambwile.

Nehemiya 9:25

Vanu vove vafungulwile vinganda vya vimpaka, na lifuti lya vwilo, na vinjuvo vyakushula na vufuko, na masima aje vendilile cimweja, na miti ya olive, na miti ya vushuka, na vitungu vya mikolovozi ya vushuka vwa vinyu. Valile vyoshe vije vivashakele, co vanunile, vavwaelelele mu vyuma vyoshe vyavivwa vije viwavanene.

Myaso 103:5

ikeye anjana vyuma vyavivwa mukuyoya kwange, ngeci njipwe nji mukwenje njikole na nzili ngwe ngonga.

Myaso 116:7

Mbunge yange simpa, omwo Shukulu Kalunga napu wamuvwa kuli yange.

Myaso 13:6

Njikakwimbila yove Shukulu Kalunga, omwo unanjilingi mwamuvwa.

Myaso 22:26

Tuutu vakalya nakukuta, voshe vaje vaija kuli Shukulu Kalunga vakamushangazala, vapwe vakuvezika ku myaka yoshe.

Myaso 37:19

Vakevo kuvakayanda a simbu ya vukalu, co vakakala na vyakulya vyavingi a simbu ya njala ya lyangengela.

Myaso 67:5

Vanu voshe vakushangazale yove Njambi, vanu voshe vakushangazale!

Myaso 72:18

Shangazaleni Shukulu Kalunga, Njambi ya Isalele! Ikeye lika muka-kulinga vyuma vyakukomokesa!

Visimo 13:25

Vaka-vushunga vali na vyakulya vyavingi, oloni vaka-vuvi simbu yoshe vali na njala.

Myaso ya Solomoni 5:1

Njinaija mu citungu cange, ndokazi yange, shombolwa yange. Njilinakukungulula miila na malimangango, njinali vuki vwange, na ngenga yange ya vuki, njinanu vinyu vyange na mavele ange. Vaka-cizemo, lyeni nakunwa noo munapwisamo na cizemo!

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Isaya 29:22

Ngecivene, Shukulu Kalunga, Njambi ya Isalele, uje wapatwile Avilahama mu tuyando, nendeka ngwendi, “Vanu vange, kumukazivi lalo shwamwa.

Isaya 45:17

Oloni Shukulu Kalunga akamena Isalele, co akahyana ku myaka yoshe, vanu vendi kuvakazivi shwamwa.’ ”

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 54:4

Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

VaLevi 25:19

Livu likamenesa vimbuto, co mukakala na vyoshe vimukashaka kulya ngeci mukakale mwamuvwa.

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.

VaLevi 26:5

Ngecivene, vimbuto vyeni vikatuma manene, mukalya simbu yoshe nakukuta, noo a simbu yakuvuya vushuka, co mukavuya vushuka noo a simbu yakulima vimbuto, co mukakala mwamuvwa mu lifuti lyeni.

Mika 6:14

Mukalya, oloni kumukakuta. Co simbu yoshe mukakala na njala. Mukatulika vyuma, oloni kumukasa kuvinyunga, coshe cimukatulika njikacinyongesa mu nzita.

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Zakaliya 9:15

Shukulu Kalunga Muka-nzili yoshe akanyunga vanu vendi, co vakanyongesa vitozi vavo. Vakatambeka mu nzita ngwe vaka-kupenda, co vaketila maninga a vitozi vavo, maninga a vitozi vavo akasindumuka ngwe maninga a vin̄ombelo aje vaketila a mutula kutunda a lilonga!

Zakaliya 9:17

Lifuti lije likapwa lyakuvwaa manene! Vanike vakakola na nzili omwo vimbuto vyamwo na vinyu vyamwo.

Loma 10:11

Visoneka vyendeka ngwavyo, “Woshe uje akulaela kuli ikeye kakazivi shwamwa.”

Loma 5:5

Co cinyangavili eci kucasa kutuzivisa shwamwa, omwo Njambi netila cizemo cendi mu vimbunge vyetu ali Munzinzime Wakujela, ikeye napu vwana vwa Njambi kuli yetu.

Loma 9:33

ngwe muvyendeka visoneka ngwavyo, “Kenga, njikaka limanya mu Siyone lije likatanukisa vanu, limanya lije likavawisa. Oloni woshe uje akulaela kuli ikeye kakazivi shwamwa.”

Kwituluka mu Mashiko 11:15

Co ikeye akamenesa mwila wakulya vingombe veni. Co yeni mukakala na vyakulya vyavingi.

Kwituluka mu Mashiko 12:12

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje vali mu vinganda vyeni omwo vakevo kuvesi na mutambela nambe vushwana akati keni.

Kwituluka mu Mashiko 12:18

Oloni evi mukavilila ku mesho a Shukulu Kalunga Njambi yeni, ku mwela uje wakaangula Shukulu Kalunga Njambi yeni kumulemesela, yeni na vana veni va vanalume, na ava va vanakazi, na vangamba veni va vanalume na ava va vanakazi, na vaLevi vaje valinakuyoyela mu vinganda vyeni. Co mukajolela ku mesho a Shukulu Kalunga Njambi yeni a vyuma vyoshe vije vimukalinga.

Kwituluka mu Mashiko 12:7

Yeni na naanga yeni mukalya nakujolela mu vyoshe vimukalinga ku mesho a Shukulu Kalunga Njambi yeni uje namivezikisa.

Kwituluka mu Mashiko 8:10

Omo munali laja nakukuta, co mukashangazala Shukulu Kalunga Njambi yeni omwo ya lifuti lyalivwa lije lyanamyana.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

1 Yowano 2:28

Eyo, vana vange, kaleni muli ikeye, ngeci tukashule nakusimpa akajomboloka, kesi tukazive shwamwa ku mesho endi a Litangwa lije omo akaija.