Njwele 2:23 - Livulu lya Shukulu Kalunga

²³ “Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

Njwele 2:23 Iomraidhean Croise

1 Vimyene 8:36

co vatolilile omo mwilu muwakala. Sambesa vuvi vwa mwene na vwa vanu vendi va Isalele. Valongese kulinga vije vyavivwa. Cooni, Shukulu Kalunga, nyokesa nyonzi mu lifuti lyove, eli waanene kuli vanu vove kupwa vufuko vwa myaka yoshe.

Yombi 33:23

“Amo kangelo akaija mukumukwasa, umo wa ali tungelo twa Njambi vakupwa 1,000, uje muka-kwanukisa vanu vipangi vyavo.

Yombi 37:13

Njambi akatumu nyonzi kunyokela ano asi, ikeye asa kuyituma mukunyanyamesa vanu, nambe mukuvamwesa vuvwa vwendi.

Myaso 104:34

Shukulu Kalunga avwaelele na visinganyeka vyange, omwo njijolela muli ikeye.

Myaso 147:8

Ikeye wafwika melu na mashelwa, nakunyokesa nyonzi ano asi, ngeci a malundu amene mwila.

Myaso 149:2

Vwaelela Isalele omwo Ishamatanga wove, joleleni, yeni vanu va ku Siyone, omwo ali mwene yeni!

Myaso 28:7

Shukulu Kalunga akanjinyungu nakunjamena, njinakulaela kuli ikeye. Ikeye anjikwasa nakunjivwaelelesa, co njikaimba mwaso wakumushangazala.

Myaso 32:11

Vwaeleleni nakujolela yeni vaka-vushunga, omwo vije vyanalingi Shukulu Kalunga! Tambekeni nakujolela yeni vaka-kumwononoka!

Myaso 84:6

Akwita mu Cimbongo ca Mbaka, capwile mutambela wa masima a tuvwelu-vwelu, co nyonzi ya musanda yashulisile vingunja vyamwo.

Visimo 16:15

Omo mwene ajolela nakuvwaelela nove, cinapu ngwe mashelwa a nyonzi ya nyangao, co uyoya.

Isaya 30:21

Nga mutengulukila ku cilyo nambe ku cimoshwe, co mukaziva lijwi lyendi ngwalyo, “Ngila eyi yenimo.”

Isaya 30:23

Omo mukuva vimbuto vyeni, Shukulu Kalunga akanyokesa nyonzi yakuvikulisa, co mukateja vimbuto vyavingi, vimuna vyeni vakakala na mwila waungi.

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Njelemiya 3:3

Evi vikevyo viyalikelele nyonzi kunyoka, na nyonzi ya vusuku-mbundu kuyanyokele. Unapu ngwe cikwizi, kuwesi na shwamwa.

Njelemiya 5:24

Kumwesi kuyongola mu vimbunge ngweni tukomokeni Shukulu Kalunga nameme ikeye kanyokesa nyonzi a nyangao na a ndombo, nakutwana visimbu vya kuteja vimbuto vyavingi a mwaka na mwaka.

Mbimbi 4:2

Vakwenje va Siyone vapwile va seo yakama kuli yetu ngwe ngolinde, oloni ololo valinakuvapangesa ngwe vindeo vyangoco vya vuma.

Ezekiyele 34:26

“Njikavavezikisa nakuvezikisa mitambela ije inazengeleka lilundu lyange lyakujela. Njikatuma nyonzi ya vusuku-mbundu kupwa vivezikiso vyavo.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

VaLevi 26:4

co njikanyokesa nyonzi a simbu yayo yaivwa, co livu likamenesa vimbuto, na miti lalo ikaima vushuka vwavungi.

Amose 4:7

Yange kunjanyokesele nyonzi omo vimbuto vyeni vyashakele nyonzi. Co njanyokesele nyonzi ku nganda imo, oloni kunjainyokesele ku nganda ikwavo. Ku lihya limo kwanyokele nyonzi, oloni ku lihya likwavo kwomine cau.

Zakaliya 10:1

Lombeni nyonzi kuli Shukulu Kalunga a simbu ya nyangao. Ikeye Shukulu Kalunga muka-kutuma mashelwa a nyonzi ya vusuku-mbundu, mukuzivalesa vimbuto vya mu mahya a munu na munu.

Zakaliya 10:7

Vanu va mu Isalele vakapwa vaka-nzili ngwe mashwalale, vakavwaelela ngwe vanu vananu vinyu. Vatekulwila vavo vakanuka kuhyana oku, co vakavwaelela omwo a vije vyanalingi Shukulu Kalunga.

Zakaliya 9:13

Njikapangesa Yunda kupwa vuta vwange vwa lusipa, co Isalele njikavapwisa mikili yange. Njikapangesa vanalume va ku Siyone kupwa mukwale, mukulwisa vanalume va ku Ngelese.”

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Vilinga vya Miluwa 14:17

Oloni visimbu vyoshe waanene vukaleo vwakukala kwendi vavenya a vyuma vyavivwa vije vyakalingi, co akamyana nyonzi yakutunda mwilu na vimbuto a simbu yaivwa, akamyana vyakulya nakushulisa vimbunge vyeni nakuvwaelela.”

Kwituluka mu Mashiko 11:14

Nga mulingamo, co akanyokesa nyonzi mu lifuti lyeni a simbu yayo, nyonzi ya musanda na ya likuvula-shoke, ngeci mukateje vimbuto vyeni, co mukakala na vinyu vyaviha, na mazi a olive.

Kwituluka mu Mashiko 28:12

Co Shukulu Kalunga akanyokesa nyonzi a simbu ya ndombo, co akavezikisa vipangi vyeni vyoshe, ngecivene, mukakumwisa miyati yaingi, oloni yeni kumukakumuna ku muyati umo.

Kwituluka mu Mashiko 32:2

Vilongesa vyange vipwe ngwe mambase a nyonzi ije indwekela asi ngwe mume. Majwi ange akapwe ngwe nyonzi ije isukwila a vimbuto vya njovolwezi, ngwe kusukula kwa nyonzi ilinakunyokela a mwila wauvwa.

Filipu 3:1

Mukumanesela, vasamba vange, joleleni mu kulitombola kweni muli Mwene. Kunjesi na shwamwa akwilukilamo vije vinjasonekele laja, co eci cimikwasa nga njilingamo.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Filipu 4:4

Joleleni muli Mwene simbu yoshe, njicendekamo lalo ngwange, joleleni!