Njwele 2:20 - Livulu lya Shukulu Kalunga

²⁰ Yange njikatundisa vinjame vya vimbimba vaje vatundile ku kunto, njikashekela vamo mu mambo. Co njame yavo ya kulutwe njikaishekela ku Lishali lya Kutsa, co njame yavo ya munima njikaishekela ku Lishali lya Menditelenyani. Mivila yavo ya kutsa ikanika, njikavanyongesa omwo vyoshe vije vivalingile kuli yeni.

Njwele 2:20 Iomraidhean Croise

2 Vimyene 8:13

Co Hazayele wehwile ngwendi, “Vatijo njikasa kuwana nzili ya cifwa oco? Yange nji munu wangoco!” Elisha wamukumbulwile ngwendi, “Shukulu Kalunga nanjimwesa ngeci yove ukapwa mwene wa Silya.”

Myaso 126:3

Mwa vushunga vene Shukulu Kalunga watulingilile vyuma vyakukomokesa, co twavwaelelele manene!

Kutuuka 10:19

Co Shukulu Kalunga watengulwile lihunzi lya mu ngangela kupwa lihunzi lyakama manene lya mu kangombe ka yambi, co lyakupekumwine vimbimba mikumbi nakuvalundumwina mu Linema lya Suwezi. Co kukwasalele lalo mbimba mukumbi umo mu Ingito mwoshe.

Kutuuka 8:14

Co vaka-Ingito vakungulwile amo mambotwe voshe va kutsa, vavalundikile vinumbo vyakama manene, ngeci mu lifuti mwoshe mwanikile helele.

Isaya 34:3

Mivila yavo kuvakaitsindi, oloni ikavolela nakunikila kuje vene, co minkinda ikavenga na maninga.

Ezekiyele 47:18

“Nginga ya mu ngangela yeta mukati ka Haulane na Ndamasiku, co Ndonga ya Yondau yapwa nginga ya mukati ka lifuti lya Isalele mu kangombe ka yambi na lifuti lya Ngilyande, mu ngangela na ku Tamale ku Lishali lya Kutsa.

Amose 4:10

“Njatumine mushongo wakulitambwisa ali yeni ngwe uje lalo njatumine a Ingito. Njatsiile vakwenje veni mu nzita, njambatele tuvalu tweni. Co njamizivisile kunika kwa mivila ya vanu vaje vatsililile mu vilombo vyeni. Oloni nameme ngoco kumwelukile kuli yange.

Zakaliya 14:8

Omo litangwa lije likaija, mema akutonola njenje akatuuka kutunda mu Yelusalema, co litambelo lyawo limo likaya ku Lishali lya Kutsa, co litambelo likwavo lalo likaya ku Lishali lya Menditelenyani. Co akaita myaka yoshe, cisika na ndombo akakalako simbu yoshe.

Malakiya 3:11

Njikavindika vimbimba kulya vimbuto vyeni, co mikolovozi yeni ya vushuka vwa vinyu ikaima vushuka vwavungi.

Kwituluka mu Mashiko 11:24

A livu lyoshe aje mukalyata likapwa lyeni. Co lifuti lyeni likaama kutunda ku mambo ya mu mbwela nakweta ku kunto ku Minkinda ya Lembanone, nakutunda ku Ndonga ya Yufuleti mu ngangela nakweta ku Lishali lya Menditelenyani mu kangombe ka yambi.