Njwele 2:18 - Livulu lya Shukulu Kalunga

¹⁸ Asinoni Shukulu Kalunga wazivilile ngozi lifuti lyendi, co wazivile mema ku mbunge ali vanu vendi.

Njwele 2:18 Iomraidhean Croise

2 Vimyene 19:31

Mu Yelusalema mukakala vanu, co a Munkinda wa Siyone akakala vaje vanovoka, omwo Shukulu Kalunga nayongola vyuma evi ngeci visholoke.”

Myaso 103:13

Ngwe ishe ya munu atetela vana vendi, mukemwo lalo Shukulu Kalunga mwakatetela vaje vamukomoka.

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Isaya 37:32

Mu Yelusalema mukakala vanu, co a Munkinda wa Siyone akakala vaje vanovoka, omwo Shukulu Kalunga Muka-nzili yoshe nayongola vyuma evi ngeci visholoke.

Isaya 42:13

Shukulu Kalunga aya mukulwa, ngwe lishwalale wa vukalu alinakutambeka na nzili yendi yoshe, omo alinakulwisa vitozi vendi.

Isaya 60:10

Shukulu Kalunga alinakwendeka ku Yelusalema ngwendi, “Yelusalema, vaka-kwija vakatungulula vivumbe vyove, co vimyene vavo vakakupangela. Njakuhisile omwo vukalu vwange, oloni ololo njikakumwesa kutetela kwange, na mema ku mbunge ange.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Mbimbi 3:22

Cizemo ca Shukulu Kalunga cije kucesi kutenguluka na mema ku mbunge yendi, kuvyesi kuhwa embwe,

Zakaliya 1:14

co kangelo wanjilekele ngeci njambulule vije vyendekele Shukulu Kalunga Muka-nzili yoshe ngwange Shukulu Kalunga nendeka ngwendi, “Njili na cizemo cakama manene a Yelusalema, nganda yange yakujela

Zakaliya 8:2

“Njishungwiya kukwasa Yelusalema omwo cizemo cange cakama manene ali vanu vaje valimo, cizemo cije canjiluvalesele na vitozi vendi.

Luka 15:20

Ngecivene, wakatukile welukile kuli ishe. “Oloni omo wakele kulyala na kwimbo, co ishe wamumwene wamuzivilile mema ku mbunge, co washatukile lumbisi wamuvumbatelele nakumutsemba.

Kwituluka mu Mashiko 32:16

Vashangumwine lifuwa lya Shukulu Kalunga akulemesa tumponya, co vamuluvalesele na vilinga vyavo vya vunyengwe.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

Kwituluka mu Mashiko 32:43

“Yeni miyati munapande kushangazala vanu va Shukulu Kalunga. Ikeye akahisa voshe vaje vakatsiya vanu vendi, omwo ikeye akalinga shambandinga ali vitozi vendi, nakwamena vuvi vwa vanu vendi.”

Yakomba 5:11

Tulinakuvatumbula vaka-kuvwaelela omwo vakevo vakele na lukakateya. Mwaziva laja akusimpa kwa Yombi, co mwazivuka vika Mwene waanene kuli Yombi akukotoka. Omwo Mwene muka-kutetela na mema ku mbunge.

Maako 10:16

Ngecivene, vatundisile vinjambi vavo veka, co valemesele Shukulu Kalunga, co ikeye wazivile ku mbunge kuvavala a tuyando twa vaIsalele.