Njwele 2:17 - Livulu lya Shukulu Kalunga

¹⁷ Vaka-kukombelela, vaje vakapangela Shukulu Kalunga akati ka mutula na ku cikolo ca Njuvo ya Shukulu Kalunga, vanapande kulila nakulombela ngwavo, “Shukulu Kalunga, zivilako ngozi vanu vove. Kesi utave miyati ya vanu veka vatuyeluwise nakutushendumuna nakwendeka ngwavo, ‘Njambi yeni ali kulijo?’ ”

Njwele 2:17 Iomraidhean Croise

1 Vimyene 6:3

Co cimbimbi ca ku cikolo ca Njuvo ya Shukulu Kalunga capwile mamita 4.5 mu kulova, co mu vulaja capwile mamita 9, mu vwihi lalo capwile cakama ngwe Njuvo ya Shukulu Kalunga vene.

1 Vimyene 9:7

co njikatundisa vanu vange va Isalele ku lifuti lije njavanene. Co lalo njikatunda mu Njuvo eyi injinajelesa kupwa mwela wakunjilemesela. Co vanu voshe kuli na kuli vakajola Isalele nakuvashendumuna.

2 Mizimbu 7:20

co njikamitundisa mu lifuti lyange lije linjamyanene, co lalo njikavyana Njuvo eyi injinajelesa kupwa mwela wakunjilemesela. Co vanu voshe vakaisimutwiya nakushendumuna Isalele.”

2 Mizimbu 8:12

Co Solomoni wakombelelele vin̄ombelo kuli Shukulu Kalunga a mutula uje watungile kulutwe lya Njuvo ya Shukulu Kalunga.

Nehemiya 9:36

Co ololo tu vinzinda mu lifuti lije liwatwanene, lifuti lya vwilo muje tulinakuwana kulya.

Myaso 115:2

Omwo vikajo vanu vatwihula ngwavo, “Njambi yeni ali kulijo?”

Myaso 42:10

Muvila wange unavupuka na kashaundu kavo, omo valinakunjihozola ngwavo “Njambi yove ali kulijo?”

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 42:3

Mutanya na vutsiki njilinakulila, tuyando nakukemanga vinapu ngwe vyakulya vyange, visimbu vyoshe vitozi vange vanjishendumuna ngwavo, “Njambi yove ali kulijo?”

Myaso 42:4

Mbunge yange ipokoka omo njanuka vya kunima, omo njaile na mbunga ya vanu ku Njuvo ya Shukulu Kalunga, co njavatwamenenene omo vakele nakunjikava munima, yapwile mbunga yakuvwaelela, vembile nakutambeka nakushangazala Njambi.

Myaso 74:10

Yove Njambi visimbu vingaijo, vitozi vetu vakakujola? Kuma vakatwalao kushaula lizina lyove ku myaka yoshe ndi?

Myaso 79:10

Omwo vikajo miyati vatwihula ngwavo, “Njambi yeni ali kulijo?” Linga shambandinga miyati akutsiya vangamba vove.

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Myaso 89:41

Voshe vaje vaita mu ngila vapukula vivala vyendi, na miyati ije ili kwoshe-ikwoshe valinakumushendumuna.

Myaso 89:51

Yove Shukulu Kalunga, vitozi vove valinakushaula mwene uje iwunaangula! Valinakumushaula kwoshe kuje kwaya.

Kutuuka 34:9

Ikeye wendekele ngwendi, “Shukulu Kalunga, nga mwa vushunga yove ulinakuvwaelela nange, njilomba ngeci uye amo netu. Nameme vanu ava vapwa vakukaluwa vimbunge, oloni tusambese kukukaluwa kwetu na ku vuvi vwetu, tutambule nakutupwisa vanu vove.”

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Ezekiyele 20:9

Oloni kunjalingilemo, nga njalingilemo, nga lizina lyange lyashaukile, omwo ku mesho a vanu vaje vakele nakukala amo kuje, njambulwile ngwange njikatundisa Isalele mu Ingito.

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Njwele 1:9

Kukwesi vimbuto nambe vinyu vyakulambula mu Njuvo ya Shukulu Kalunga, vaka-kukombelela valinakulila omwo kukwesi vin̄ombelo vyakukombelela kuli Shukulu Kalunga.

Amose 7:2

Mu cimona cange njamwene vimbimba valya vimena vyoshe mu lifuti, co njendekele ngwange, “Shukulu Kalunga wa Akamwa ya Vyoshe sambesa vanu vove! Vatijo vayoya? Omwo vakevo vapwa vavandondo, vakuzeya!”

Amose 7:5

Asinoni njendekele ngwange, “Likele, Shukulu Kalunga wa Akamwa ya Vyoshe! Vatijo vanu vove vasa kuyoya? Omwo vakevo vapwa vavandondo, vakuzeya!”

Mika 7:10

Asinoni vitozi vetu vakacimona, co vakashaula vitozi vaje vene vatuyandesele kutwihula ngwavo, “ali kulijo Shukulu Kalunga Njambi yeni?” Tukavamona vavafungulula nakuvalyatangela asi ngwe vutome mu vitapalo.

Malakiya 1:9

Co ololo, yeni vaka-kukombelela, lambeleleni Njambi ngeci atuzivileko mema ku mbunge. Na vin̄ombelo vyangacije vyakutunda kuli yeni vakamitambula ndi?

Kulava 25:6

Co kengeni, umo kaIsalele wanenele munakazi wa kaMindyani mu mbalaka yendi ku mesho a Mosesa na mbunga yoshe, simbu vakevo vacikele nakulilila ku cikolo ca Mbalaka Mwakuliwanena.

Mateo 23:35

Ngwe a fweto yakutsiya vanu voshe vaje vakujeneka mulonga, cihiso cikaija ali yeni, kutunda akutsiya Avele wakujeneka mulonga kweta akutsiya Zakaliya muna Mbelekiya, uje imwatsiilile mukati ka Njuvo ya Shukulu Kalunga na mutula.

Mateo 27:43

Wakulaelele muli Njambi, co wendekele ngwendi, ‘Nji Muna Njambi.’ Asinoni tumoneni nga Njambi amwamena.”

Kwituluka mu Mashiko 28:37

Ku mafuti kuje kwakamishandwela Shukulu Kalunga, vanu vakalisimoka akumona vije vyalingiwa kuli yeni, co vakamishendumuna nakumijola.

Kwituluka mu Mashiko 32:27

Oloni kunjikecela vitozi vavo valishashe ngeci vanafungulula vanu vange, omwo yange vavenya njavatsene.’ ”

Yoshwa 7:9

Omo vaKanana na vanu veka va mu lifuti vakaziva vyuma evi, co vakatuzengeleka nakutunyongesa. Cooni yove Shukulu Kalunga cuma mukajo ukalinga mukunyunga lizina lyove lyakama?”