Njwele 2:16 - Livulu lya Shukulu Kalunga

¹⁶ Kungulwileni vanu amolika, vakungulwileni ku cikungulukilo cakujela, neneni tukulukazi, kungululeni vanike na vimbututu lalo. Nameme vaje vanashomboka ololo vaseze vinjuvo vyavo vaije.

Njwele 2:16 Iomraidhean Croise

2 Mizimbu 20:13

Vanalume voshe va mu Yunda, na vanakazi vavo, na vanike, vemanene ku Njuvo ya Shukulu Kalunga.

2 Mizimbu 29:5

wendekele kuli vakevo ngwendi, “Yeni vaLevi munapande kulijelesa ngeci mujelese Njuvo ya Shukulu Kalunga, Njambi ya vakukulwila veni. Tundiseni vyuma vyoshe vije vijwalesa ku Njuvo ya Shukulu Kalunga.

2 Mizimbu 30:17

Omwo vungi vwa vanu kuvajelele, co kuvatsiile vana va vimanga va Ciwano ca Pasovala, ngecivene, vaLevi vavalingilileko, co vakundikile vana va vimanga kuli Shukulu Kalunga.

2 Mizimbu 30:19

“Yove Shukulu Kalunga, Njambi ya vakukulwila vetu, vasambese vaje valinakukulemesa na vimbunge vyavo vyoshe, nameme kuvajelele.”

2 Mizimbu 35:6

Munapande kutsiya vana va vimanga na vimembe va a Ciwano ca Pasovala. Lijeleseni nakuvwaesa vyakukombelela ngeci vavushoko vweni vaIsalele vakakave vilongesa vije vyaanene Shukulu Kalunga kuli Mosesa.”

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Myaso 19:5

omo litangwa lituuka mutondo linapu ngwe shombolwa, uje atuuka mu njuvo yendi, linapu lalo ngwe muka-kushatuka, uje ali na cizango cakuhyana.

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Kutuuka 19:15

co Mosesa wendekele kuli vakevo ngwendi, “Livwaeseleni cimweja ku litangwa lya indele, umo kesi akalimone na munakazi a simbu eyi.”

Kutuuka 19:22

Nameme vaka-kukombelela ava vaija kuyehi nange, vanapande kulijelesa vakevo vavenya kutewa njikavahisa.”

Njwele 1:14

Shikeni lishiko lyakulikela kulya, co saneni mbunga yoshe ya vanu! Kungulwileni vantwama na vanu voshe va mu Yunda mu Njuvo ya Shukulu Kalunga Njambi yeni nakulilila kuli ikeye!

Mateo 21:16

Ngecivene, vehwile Yesu ngwavo, “Unazivi evi valinakwendeka ava ndi?” Yesu wavakumbulwile ngwendi, “Eyo njavizivi. Kuma kumwalavele mu visoneka ngwavo, ‘Mutunwa twa vanike na vimbututu mukemwo mukatunda kushangazala kwa vushunga ndi?’ ”

Mateo 9:15

Yesu wavakumbulwile ngwendi, “Kuma yeni mukengelela vangenzi ku ciwano ca vulo ngeci vaye na njala ndi? Mwa vushunga vene embwe! Omo vavenya vulo acili navo kuvapandele kulinga ngacije. Oloni litangwa likaija omo vakatundisa vavenya vulo akati kavo, asinoni vakalikela kulya.

1 Kolinte 7:5

Kesi mulikanangane umo na mukwavo, kuvanga akulivanga mulizivasane akati keni a simbu imo ngeci mukale na simbu yakulombela, oloni mulikumbasane lalo mu vulo vweni, kutewa Satana amyeseka omwo kumwasa kulinyunga yeni vavenya.

Yoshwa 7:13

Katuka! Jelesa vanu va Isalele. Valeke vaije ku mesho ange, valeke valivwaesele litangwa lya imene, omwo yange Kalunga Njambi ya Isalele njili nevi vyakwendeka. Kuli vyuma vyakukundika vili akati keni yeni vaIsalele, vije vinjamishikile ngeci muvinyongese! Kumukasa kwimana ku mesho a vitozi veni kuvanga munatundisa vije vyakukundika vili akati keni.

Yoshwa 8:35

Mashiko oshe a Mosesa, Yoshwa waalavelele mbunga ya vaIsalele voshe amo na vanakazi, na vanike, na vaka-kwija vaje vakele akati kavo.

1 Samwele 16:5

Ikeye wavakumbulwile ngwendi, “Eyo, njinaija mu kwoloka, njinaija nakukombelela kuli Shukulu Kalunga. Lijeleseni ngeci tuye amo nange nakukombelela.” Walekele lalo Njesi na vana vendi ngeci valijelese, co wavalanyele kukukombelela.