Njwele 2:12 - Livulu lya Shukulu Kalunga

¹² Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Njwele 2:12 Iomraidhean Croise

2 Samwele 24:10

Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

2 Mizimbu 30:6

Co miluwa vaile mu Yunda mwoshe na mu Isalele mwoshe na mikanda yakutunda kuli mwene na vamyata vendi, co vendekele ngwe mwavashikile mwene ngwavo, “Eni vanu va Isalele, munovoka kuli vaAsilya vaje vafungulwile lifuti. Co ololo ilukeni kuli Shukulu Kalunga, Njambi ya Avilahama na Isake na Yakomba, co nendi lalo akeluka kuli yeni.

2 Mizimbu 6:27

yove Shukulu Kalunga, vatolilile omo mwilu muwakala, sambesa vivi vya vangamba vove vanu va Isalele, valongese kulinga vyavivwa. Cooni, Shukulu Kalunga, nyokesa nyonzi mu lifuti lyove, eli waanene kuli vanu vove kupwa vufuko vwa myaka yoshe.

Esita 4:16

“Kungulula vaYunda voshe amolika mu Susa, co likeleni kulya nakunjilombelelako. Kesi mulye nambe kunwa cuma cimo a matangwa atatu mutanya na vutsiki embwe. Co vangamba vange va vambanda amolika nange tukalinga cuma cimo. Co munima yevi, njikaya kuli mwene, nameme kesi mukemwo munayi mashiko. Nga njikatsa akulinga cuma eci, co njinapande kutsa vene.”

Kutuuka 33:5

Co Shukulu Kalunga washikile Mosesa kuleka vanu vaIsalele ngwendi, “Yeni mu vanu vakukaluwa vimbunge. Nga yange njiya neni, nameme kasimbu lika kakandondo, njikaminyongesa njwa. Ngecivene, ololo tundiseni vya senga, ngeci njiyongole vatijo njilinga neni.”

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Isaya 58:4

Kulikela kulya kweni kulinakumilwisa, co mulikanangana nakulinga lwozi. Kuma muyongola ngweni kulikela kulya kwa muyati ou kunjilingisa ngeci njitolilile ku malombelo eni ndi?

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Njelemiya 4:1

Shukulu Kalunga alinakwendeka ngwendi, “Vanu va Isalele, nga mushaka kutenguluka, tengulukileni kuli yange. Nga munjikulaela nakutundisa tumponya tuje tunjazinda,

Njelemiya 4:2

cikapwa ca vushunga kulisinga mu lizina lyange. Asinoni miyati ya vanu voshe vakanjilomba ngeci njivavezikise, co vakanjishangazala.”

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ndanyele 9:3

Co njalombelele manene kuli Shukulu Kalunga Njambi, nakulambelela kuli ikeye, nakulikela kulya, co njazalele cikeleya, nakutumbama mu lito.

Hoziya 12:6

Ngecivene, ololo yeni vatekulwila va Yakomba, kulaeleni kuli Njambi yeni nakwiluka kuli ikeye. Pweni vaka-kulongwa nakupwa vanu va vushunga, co vandameneni nakusimpa ngeci Njambi yeni apange.

Hoziya 12:7

Shukulu Kalunga alinakwendeka ngwendi, “Vanu va mu Isalele vanapu ngwe vaka-Kanana vakujeneka kwononoka, vazema kukwisa vanu vaje vaija mukulanda kuli vakevo na vipeseleso vya makuli.

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Zakaliya 7:3

nakwihula cihula eci kuli vaka-kukombelela na kuli vaka-kwimanena ngwavo, “Kuma tunapande kutwalao kulila nakulikela kulya ku ngonde yamucitanu ngwe mutwakele nakulinga myaka yaingi omwo Njuvo ya Shukulu Kalunga inanyongo ndi?”

Zakaliya 7:5

Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe.

Malakiya 1:9

Co ololo, yeni vaka-kukombelela, lambeleleni Njambi ngeci atuzivileko mema ku mbunge. Na vin̄ombelo vyangacije vyakutunda kuli yeni vakamitambula ndi?

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Maako 2:4

Omo kangelo ka Shukulu Kalunga wendekele majwi awa kuli vakevo, co vanu va Isalele voshe vashangumukile kulila nakutambakana manene,

Maako 20:26

Asinoni vanu voshe va Isalele valamatele ku Mbetele nakukalililako. Co kuje vakatumbamene ku mesho a Shukulu Kalunga, kujeneka kulya a litangwa lije noo ku cingwezi. Co vakombelelele vin̄ombelo vya kulitombola, na vin̄ombelo vimo vya kwenyeka vyamutunu vyoshe ku mesho a Shukulu Kalunga.

1 Samwele 7:3

Samwele wendekele kuli vanu va Isalele ngwendi, “Nga mwiluka kuli Shukulu Kalunga na vimbunge vyeni vyoshe, co munapande kutundisa vinjambi veka na vifwa vya Asitalete njambi wa munakazi. Likundikeni kuli Shukulu Kalunga nakulemesa ikeye lika, co akamyamena ku nzili ya vaFilisitiya.”

1 Samwele 7:6

Co voshe vakungulukilile ku Mizipa. Vatekwile mema nakuwetila kupwa n̄ombelo kuli Shukulu Kalunga, co valikelele kulya litangwa lyoshe lyamutunu. Co vendekele ngwavo, “Tunalingi vuvi ku mesho a Njambi.” Ngecivene, Samwele waakwilile vanu va Isalele ku Mizipa.