Njwele 2:1 - Livulu lya Shukulu Kalunga

¹ Imbeni lupembo, co imbeni mwondo a Siyone, lilundu lya Njambi lyakujela. Jajeni, yeni vanu va mu Yunda! Litangwa lya Shukulu Kalunga lili muyehi.

Njwele 2:1 Iomraidhean Croise

1 Mizimbu 15:28

Ngecivene, vaIsalele voshe vatwalele Cikasa ca Cikumiiyo ku Yelusalema na tuwelele twakuvwaelela, nakwoya kwa malupembo, na vimbinga, na vingenjo, na myaso ya a tulyalya.

Myaso 119:120

Njijaja manene omo njikuyongola, njili na lyova lya kusompa kwove.

Myaso 87:1

Shukulu Kalunga watungile nganda yendi a lilundu lyakujela.

Kutuuka 10:14

Co vezile mu vinjame valundamene mu lifuti lyoshe. Vyapwile vinjame vyakama manene vya vimbimba mikumbi ngeci naumo wai wavimwene ku simbu ya kunima nambe kuvikasholoka lalo ku simbu ya kulutwe.

Isaya 13:6

Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 13:9

Kenga, litangwa lya Shukulu Kalunga lilinakwija, litangwa lya vukalu vwendi vwakama nakuluvala kwendi. Mukuluvala kwendi Shukulu Kalunga akapwisa lifuti mupulungwa, nakunyongesa vaka-vuvi vamwo.

Isaya 2:12

A litangwa lije, Shukulu Kalunga Muka-nzili yoshe akakeesa munu woshe, munu woshe uje muka-kulyalesa nakulijundula.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Njelemiya 16:10

“Omo ukavaleka vyoshe evi vakakwihula ngwavo, ‘Omwo vikajo Shukulu Kalunga nayongola kutunyanyamesa? Vuvi mukajo tunalingi, nambe vikajo tunalingi ku mesho a Shukulu Kalunga Njambi yetu?’

Njelemiya 16:7

Naumo wai akalya nambe kunwa amo na munu umo mukumuzembeleka a vusiwa vwa ishe nambe vaina. Naumo wai akamwesa ngozi, nameme kuli uje natsisa ishe nambe vaina.

Njelemiya 4:5

Imbeni lupembo mu lifuti mwoshe! Tambekeni manene, ngeci vamizive! Lekeni vanu va mu Yunda na vanu va mu Yelusalema vashatukile ku vinganda vya mu cimpaka.

Njelemiya 5:22

Yange njapwa Kalunga, omwo vikajo kumunjilemesela? Omwo vikajo kumunjikomokela? Njaakele lishen̄avu kupwa nginga ya mema a kalunga, nginga yakutaluka ije kuvasa kujomboka. Mema a kalunga asa kungwanjanga, oloni kuwasa kujomboka nginga, mankimba asa kungwanjanga, oloni kuwasa kuyijomboka embwe.

Ezekiyele 12:23

Ololo valeke vije yange Kalunga wa Akamwa ya Vyoshe, njilinakwendeka a vyuma evi. Yange njikamanesa cisimo cije. Co kuvakaciilukila-ilukila lalo mu Isalele embwe. Valeke ngwove, ‘Simbu inete, co vuka-kwimanena vukapwa vwa vushunga!’

Ezekiyele 21:12

Muna munu, kemanga mu vusiwa, omwo mukwale ou vanaushomwena vanu vange, na vantwama voshe va Isalele. Vakavatsiya amolika na vanu vange voshe. Cinyangavili cove coshe cinapande kuhwa.

Ezekiyele 30:3

Litangwa lili muyehi, omo Shukulu Kalunga akapanga, likapwa litangwa lya mashelwa nakunyonga kwa miyati.

Ezekiyele 33:3

Omo amona citozi alinakushwenya, co aimba lupembo mukunangula vanu.

Ezekiyele 33:6

Ngecivene, nga muka-kunyunga amona citozi alinakwija, co kaimbi lupembo, co citozi aija nakutsiya vaje vaka-vuvi, oloni njikana uje muka-kunyunga mulonga a kutsa kwavo.

Ezekiyele 7:10

Litangwa lya tuyando twakama lilinakwija ali Isalele. Mbweti yakukupupisa ilinakujovelela. Kulyalesa kunaama manene.

Ezekiyele 7:12

Simbu ilinakwija. Litangwa lili muyehi, omo kulanda nakulandulula kuvikakala lalo na seo, omwo Njambi akanyanyamesa vanu voshe mu cifwa cimo.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Ndanyele 9:16

Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

Ndanyele 9:20

Njakele nakulombela, nakulitavela vuvi vwange na vuvi vwa vanu vange va Isalele, nakulambelela kuli Shukulu Kalunga Njambi yange ngeci elwise Njuvo yendi yakujela.

Hoziya 5:8

Imbeni malupembo a nzita mu Ngimbeya! Imbeni mwondo wa nzita mu Lama! Tambekeni mutambi wa nzita mu Mbetele! Koveleni mu nzita yeni vanalume va Mbenjemani!

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Njwele 1:15

Litangwa lya Shukulu Kalunga lili muyehi, litangwa lije omo Muka-nzili yoshe akanena kunyonga. Litangwa lije likapwa lyakujujwisa!

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Njwele 2:15

Imbeni lupembo a Munkinda wa Siyone, shikeni lishiko lyakulikela kulya, co saneni mbunga!

Njwele 2:31

Litangwa likazivala, na ngonde ikavenga ngengu ngwe maninga, omo litangwa lyakama lyakukomokesa lya Shukulu Kalunga kanda lyete.

Njwele 3:14

Vanu vavangi-vangi vali mu Cana Cakusompela, omwo litangwa lya Shukulu Kalunga lili muyehi.

Njwele 3:17

“Asinoni, Isalele mukazivuka ngeci yange njapwa Kalunga Njambi yeni. Yange njakala a Siyone, lilundu lyange lyakujela. Yelusalema ikapwa nganda yakujela, vaka-kwija kuvakaifungulula lalo.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

Amose 5:18

Luvinda lweni yeni mwavandamena litangwa lya Shukulu Kalunga! Vuvwa mukajo vukalingiwa ali yeni a litangwa lije? Kuli yeni likapwa litangwa lya lisusulungu, kesi litangwa lya ceke embwe.

Amose 8:2

Shukulu Kalunga wanjihwile ngwendi, “Amose, vika unamono?” Co njamukumbulwile ngwange, “Njamono mutonga wa vushuka.” Co Shukulu Kalunga wendekele kuli yange ngwendi, “Kukotoka kwa vanu vange va Isalele kunete. Kunjikatengulula lalo viyongola vyange vyakuvanyanyamesa.

Ovandiya 1:15

“Litangwa lili muyehi omo yange Kalunga, njikasompa miyati yoshe. Muje muunalingi yove Endome, mukemwo lalo muvakakulinga nove. Vilinga vyove vikakwilukila yove vavenya.

Zefaniya 1:14

Litangwa lije omo Shukulu Kalunga akasompa vanu lili muyehi-yehi, lilinakwija vwasi-vwasi! Litangwa lije likapwa lya vusiwa manene, nameme mashwalale vakusimpa vakalila nakutendeka cinyangavili cakutambula vukwasi!

Zefaniya 1:16

litangwa lya muyoyo wa malupembo a nzita na mutambi wa mashwalale vaje valwisa vimpaka vya vinganda na tuposhi twatulaja.

Zefaniya 1:7

Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Zakaliya 14:1

Kengeni, litangwa lya Shukulu Kalunga lyakusompa lili muyehi. Co Yelusalema vakaipukula, co vije vyakupukula vakavipangela akati keni.

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Kulava 10:2

“Fula malupembo avali akupameyeya na siliva akewo akusanesa mbunga amolika nakujalwisa cilombo.

Kulava 10:3

Omo vakaimba malupembo simbu yakama manene, co mbunga yoshe vakakungulukile kuli yove ku cikolo ca Mbalaka Mwakuliwanena.

1 Kolinte 14:8

Co nga munu kasa kwimba mwamuvwa lupembo lwakusana, iyajo alivwaesela kulwa nzita?

Filipu 2:12

Ngecivene, vasamba vange, ngwe simbu yoshe mwanjononokele omo njakele neni amo, mukemwo vene cuma cakama munapande kunjononoka nambe yange njiwaiko. Kakateyeni mu vipangi na lyova nakujaja ngeci mumanese kwovoka kweni,

1 Tesalonika 5:2

Omwo yeni vavenya mwazivuka ngweni Litangwa lya Mwene likaija ngwe mwizi omo akaija a simbu ya vutsiki.

Yakomba 5:8

Neni lalo pweni vaka-kusimpa! Nyungeni cinyangavili ceni ngeci ciye kulutwe, omwo litangwa lyakwija kwa Mwene lili kuyehi.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

Kujombolola 6:17

Omwo litangwa lyakama lya vukalu vwavo linete, co iyajo asa kwimana?”