Njwele 1:3 - Livulu lya Shukulu Kalunga

³ Lekeniko vana veni cuma eci, na vakevo vakalekeko lalo vana vavo, co vana vavo lalo vakalekeko cisemwa cije cikaija kulutwe.

Njwele 1:3 Iomraidhean Croise

Myaso 145:4

Cisemwa na cisemwa cikashangazala vyuma vije viwunalingi, vakambulula vipangi vyove vya nzili.

Myaso 44:1

Yove Njambi, tunazivi laja na matwi etu, vakukulwila vetu vatulekele laja, vyuma vyakama vije viwalingile a simbu yavo, ku matangwa a ku san̄ulu.

Myaso 71:18

Ngecivene, nameme njinakuluvala manene na vwele vuli ku mutwe wange, yove Njambi kesi unjiseze, noo njikambulula vilinga vyove ku visemwa vyoshe vije vikaija kulutwe.

Kutuuka 13:14

Kulutwe, omo munove wa munalume akakwihula a lishiko eli ngwendi linanunguluka vatijo, co ukamukumbulula ngwove, ‘Shukulu Kalunga watutundisile mu Ingito na livoko lyendi lya nzili, muje twakele mu lifuti lya vunzinda.

Isaya 38:19

Kuvanga vaka-kuyoya lika vakevo vakushangazala, ngwe munjili nakukushangazala yange ololo. Visemi valeka vana vavo mukwafwa kulongwa kwove.

Kwituluka mu Mashiko 6:7

Alongeseni kuli vana veni nakuwasimutwiya omo muli mu vinjuvo vyeni, nambe mulinakwenda mu ngila, nambe simbu ya kulala, nambe omo mupanga.