Njelemiya 9:4 - Livulu lya Shukulu Kalunga

⁴ Munu na munu napande kunyunga mukwavo, naumo wai akulaela ndolome yendi, omwo ndolome woshe napu muka-kukwisa ngwe Yakomba, co munu woshe ashaka kufweya musamba wendi.

Njelemiya 9:4 Iomraidhean Croise

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

Myaso 101:5

Njikolwesa munu woshe uje afweya mukwavo, kunjikatava munu wa kulyalesa, na mbunge yendi lalo yakulyaka ku vukama, kupwa musamba wange.

Myaso 15:3

uje kesi kwendeka makuli. Kesi kulinga mwamuvi kuli musamba wendi, nambe kesi kupopolola mukwavo.

Visimo 10:18

Munu muka-kushweka cizindo cendi wapwa muka-makuli, co munu woshe uje afweya napu cilema.

Visimo 25:18

Vukaleo vwa makuli ali musamba wove, vunapu ngwe kumulwisa na moko ya mukwale, nambe na mbweti, nambe na mukili wakuvambuka.

Visimo 4:16

Omwo vaka-vuvi kuvesi kulala tulo kuvanga vanalingi cuma cimo cacivi, vakalala cilavu-lavu noo vanavulumuna munu.

Visimo 4:17

Vakali kupenga-penga ngwe likende, vakanu muuka ngwe vinyu.

Visimo 6:16

Kuli vyuma vitanu na vivali vije Shukulu Kalunga vyazinda, vikevyo vyapwa vya vunyengwe kuli ikeye.

Visimo 6:19

vukaleo vwa makuli ali mukwavo, na munu uje muka-kushangumuna vukalu akati ka vakwavo.

Isaya 59:13

Twakutengulukila, nakuvyana kukukava. Twayandesele vakwetu nakutunda kuli yove. Viyongola vyetu vinapu vya makuli, na majwi etu anapu a makuli.

Isaya 9:16

Vaje vatwamenena vanu ava valinakuvongumuna nakuvazimbalesa.

Njelemiya 12:6

Nameme naanga yove vanakutengulukila, vanalipandakana na vaje vaka-kukulwisa. Kesi uvakulaele embwe, nameme vendeka majwi akuseveleka.”

Njelemiya 6:28

Voshe vanapu vakukaluwa vimbunge nakutengulukila, vakukaluwa ngwe vunengu na cikuvo. Voshe vanaviya, vanapu vaka-lufwe.

Njelemiya 9:8

Majwi avo anafu ngwe mikili yakutsiisa, visimbu vyoshe vendeka makuli. Munu na munu endeka majwi amavwa, kuli mundambo wendi, oloni mu mbunge namulalela vushonge.

Ezekiyele 22:9

Vanu veni vamo valinakuvangela vakwavo vya makuli ngeci vavatsiye. Vamo valinakulya vin̄ombelo vyakukombelela ku tumponya. Vamo valinakukutisa mashungu avo.

VaLevi 19:16

Kesi mukashandole n̄anda ya makuli ali munu woshe-iwoshe. Co nga munu vanamusompela kutsa, endeka mwamuvwa, amo vukaleo vwove vwasa kumukwasa ikeye. Yange Kalunga.

Malakiya 2:10

Kuma yetu voshe tatetu kesi umolika ndi? Kuma kesi Njambi umolika watutangele ndi? Omwo vikajo tulitengulukila yetu vavenya, nakushawisa cikumiiyo ca vakukulwila vetu?

Mateo 10:17

Toneni, omwo kukakala vanu vaje vakamikuta nakumitwala ku vimbanja mukumisompa, co vakamipupa makote mu masinangonge avo.

Mateo 10:21

“Vanu vakatwala vasamba vavo ku kutsa, co vaishavo vakalinga kuli vana vavo cifwa eci lalo, co vana vakatengulukila visemi vavo nakuvatwala ku kutsa.

Luka 21:16

Oloni visemi veni, na vandolome veni, na vavushoko vweni, na vasamba veni vakevo vakamisholola, co vamo akati keni vakavatsiya.

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.