Njelemiya 9:24 - Livulu lya Shukulu Kalunga

²⁴ oloni uje alyalesa, napande kulyalesa ngeci anjizivuke nakunjizivisisa, omwo cizemo cange capwa ca myaka yoshe, co njikalingi vya vushunga nakushungama. Evi vikevyo vyuma vikanjivwaelelesa. Yange Kalunga, njinendekamo.”

Njelemiya 9:24 Iomraidhean Croise

Myaso 20:7

Vamo vanakulaela mu matemba avo a nzita, co vakwavo lalo vanakulaela ku tuvalu twavo, oloni yetu tunakulaela nzili ya Shukulu Kalunga Njambi yetu!

Myaso 34:2

Njikamushangazala a vije vyanalingi, voshe vaje vaka-kulikeesa vazive nakujolela!

Myaso 34:3

Tsimaneseni vukama vwa Shukulu Kalunga amo nange, tushangazaleni lizina lyendi!

Myaso 44:8

Simbu yoshe tukalyalesela muli yove, co tukakandelela lizina lyove ku myaka yoshe.

Myaso 44:9

Oloni ololo unatuvyana nakutwecelela ku vitozi vetu ngeci vatufungulule, co kuwesi nakwenda lalo amo na mashwalale vetu.

Myaso 51:1

Njizivileko mema ku mbunge yove Njambi, omwo a cizemo cove cije kucesi kutenguluka, omwo mema ku mbunge ove apwa akama, zimangana vivi vyange!

Myaso 91:14

Njambi nendeka ngwendi, “Njikamena vaje voshe vanjizema, nakunyunga vaje vanjizivuka ngeci yange nji Kalunga.

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Isaya 20:5

Vaje vakulaelele Sundane nakulishashela Ingito vakapwa vaka-kupaya, cinyangavili cavo cikahwa.

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Isaya 61:8

Shukulu Kalunga alinakwendeka ngwendi, “Njazema vushunga, co njizinda vaka-kuyandesa na muuka. Njikana cikandelela vanu vange cakulikumiiya navo, cikumiiyo ca myaka yoshe.

Njelemiya 22:16

Ikeye waamenene vaka-kuutwa, vyuma vyoshe kuli ikeye vyendele mwamuvwa. Omu mukemwo mucalumbunukila kuzivuka Shukulu Kalunga.

Njelemiya 4:2

cikapwa ca vushunga kulisinga mu lizina lyange. Asinoni miyati ya vanu voshe vakanjilomba ngeci njivavezikise, co vakanjishangazala.”

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Luka 10:22

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vaashaka Mwana kuvasholwelaye.”

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Loma 5:11

Oloni kesi evi lika embwe, tujolela omwo a vije vyanalingi Njambi ali Mwene yetu Yesu Kilistu, uje ololo natupwisa vasamba va Njambi.

1 Kolinte 1:31

Ngecivene, ngwe muvyendeka visoneka ngwavyo, “Woshe uje ashaka kulishasha napande kulishashela a vije vyanalingi Mwene.”

2 Kolinte 10:17

Oloni ngwe muje muvyendeka visoneka ngwavyo, “Woshe uje ashaka kulyalesa, napande kulyalesa kuli vije vyanalingi Mwene.”

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.