Njelemiya 9:22 - Livulu lya Shukulu Kalunga

²² Vivimbi vinashandokela kwoshe-ikwoshe, ngwe vinumbo vya vwilo vwa mu mahya, nambe ngwe tiliku ivanateje, oloni vaka-kuteja vanaiseze, naumo wai asa kuyikungulula. Evi vikevyo vyananjileke Shukulu Kalunga ngeci njivyendeke.”

Njelemiya 9:22 Iomraidhean Croise

2 Vimyene 20:13

Hezekiya watambwile mwamuvwa vaje miluwa, co wavamwesele vufuko vwendi, siliva na ngolinde na n̄undu na mazi akunika lwengo lwaluvwa na vitwa vyoshe vya mashwalale vendi. Wavamwesele vyuma vyoshe vyakele mu milili yendi yakutulikila na mu vumwene vwendi.

2 Vimyene 20:15

“Vikajo vanamono mu lipela?” Hezekiya wamukumbulwile ngwendi, “Vanamono vyuma vyoshe. Njavamwesa vyuma vyoshe vya mu milili yakutulikila.”

2 Vimyene 9:37

Vilyo vyendi vije vikasalao vakavikuva mu lihya ngwe vwilo, co naumo wai akazivuka ngeci vinapu vya Njezevele.’ ”

Yombi 5:13

Vaka-kunyanyama vatsa mu myeto na kutsa mu matumbe avo vavenya,

Myaso 49:7

Munu kasa kulikula ikeye vavenya, ikeye kasa kufweta Njambi ndando ya mwonyo wendi,

Myaso 83:10

Wavanyongesele ku Endole, co mivila yavo yavolelele asi.

Visimo 18:11

Vaka-kufuka vakayongola ngeci, vufuko vwavo vwasa kuvanyunga ngwe civumbe cacilaja cakukola cakuzengeleka nganda.

Visimo 23:4

Pangesa mana ove vavenya kesi ulipese ngoco kushakezeka vufuko.

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 25:33

A litangwa lije, mivila ya vaje vaatsiile Shukulu Kalunga ikakala nakushandozoka kutunda ku shongo imo ya kaye nakweta ku shongo ikwavo. Naumo wai akavalila, nambe kuvatsinda. Vakalala asi ngwe mitumbo ya vwilo.

Njelemiya 6:21

Ngecivene, njikatanukisa vanu ava ngeci vawe. Vaishavo na vana vavo vakatsa, vasamba na vandambo vakatsa lalo.”

Njelemiya 7:33

Co tuzila na tusitu vakalya mivila yavo, co naumo wai akavashekao.

Njelemiya 8:2

Kuvakavikungulula nakuvitsinda, oloni vitsiya vyavo vikafwa ngwe vwilo. Vakavishanda a litanya, na ngonde, na vingongonosi, vije vivazemene nakuvipangela, nakuvilemesa.

Hambakuke 1:11

Asinoni vaita ngwe lihunzi, co vanai, vanu ava vakalemesa nzili yavo kuyipwisa ngwe njambi yavo.”

Zefaniya 1:17

Shukulu Kalunga alinakwendeka ngwendi, “Njikanena tuyando twakama ngeci vanu voshe vakapuputiya ngwe tupuputwa. Vanalingi vuvi ku mesho ange, co ololo maninga avo vakawetila ngwe muvaketila mema, co mivila yavo ikalala asi nakuvolelao.”

Kwituluka mu Mashiko 8:17

Ngecivene, nyanyameni kutewa mukendeka mu vimbunge vyeni ngweni, ‘Yetu vavenya twalifukisa na nzili yetu na vukama vwetu.’