Njelemiya 9:21 - Livulu lya Shukulu Kalunga

²¹ Kutsa kunatukovelela mu vinjanena vyetu, co kunakovela na mu vinjuvo vyetu, nakutsiya vanike mu vitapalo, na vakwenje mu mitambela ya vulandeselo.

Njelemiya 9:21 Iomraidhean Croise

2 Mizimbu 36:17

Ngecivene, Shukulu Kalunga wavanenelele mwene wa Mbambilone kwakuvalwisa. Co mwene watsiile vakwenje va mu Yunda nameme vene vaje vakele mu Njuvo ya Shukulu Kalunga. Ikeye katetelele munu embwe, mukwenje nambe mukulunu, munalume nambe munakazi, muka-kuvinja nambe mukangule. Njambi wavakundikile voshe kuli ikeye.

Isaya 40:30

Nameme vakwenje vakazeye, vatanuka, co vawa.

Njelemiya 15:7

Njikamishandola kutunda mu vinganda vyoshe vya mu lifuti ngwe lihunzi lipekumuna vishati. Njikaminyongesa yeni vanu vange, njatsiile vana veni, omwo kumwatundile ku vingila vyeni vya vuvi.

Njelemiya 18:21

Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 44:7

“Ngecivene, yange Kalunga Muka-nzili yoshe, Njambi ya Isalele, njimihula ngwange, omwo vikajo mulinakulinga vuvi vwa cifwa cangacije? Kuma yeni mushaka kunena vukalu ali vanalume, na vanakazi, na vanike, na vimbututu, ngeci naumo wai wa ali vanu veni akasaleo?

Njelemiya 50:30

Ngecivene, vakwenje vamwo vakavatsiila mu vitapalo vya mu nganda, na mashwalale vamwo voshe vakavanyongesa a litangwa lije. Yange Kalunga, njinendekamo.

Njelemiya 6:11

Shukulu Kalunga vukalu vwove ali vakevo nange lalo vulinakunjenyeka mu mbunge kunjasa kututumana.” Asinoni Shukulu Kalunga wendekele kuli yange ngwendi, “Itila vukalu vwange ali vanike vali mu vitapalo na ali vakwenje vaje vanalikungulula, na ali vanalume vakwambata, na ali vanakazi vakushomboka, naa tukulukazi voshe.

Njelemiya 6:21

Ngecivene, njikatanukisa vanu ava ngeci vawe. Vaishavo na vana vavo vakatsa, vasamba na vandambo vakatsa lalo.”

Njelemiya 7:33

Co tuzila na tusitu vakalya mivila yavo, co naumo wai akavashekao.

Njelemiya 8:2

Kuvakavikungulula nakuvitsinda, oloni vitsiya vyavo vikafwa ngwe vwilo. Vakavishanda a litanya, na ngonde, na vingongonosi, vije vivazemene nakuvipangela, nakuvilemesa.

Njwele 2:9

Vakashandokela mu nganda, co vakalonda a vivumbe, vakakovela mu vinjuvo, vakakovelela mu vinjanena ngwe vezi.

Amose 5:2

Mumbanda wa Isalele nau, kakendukamo lalo. Nasala nalala mu livu, naumo wai amukwasa ngeci endukemo.

Amose 6:9

Nga ku naanga imo kukasala vanalume likumi, co voshe vakatsa.

Zefaniya 1:17

Shukulu Kalunga alinakwendeka ngwendi, “Njikanena tuyando twakama ngeci vanu voshe vakapuputiya ngwe tupuputwa. Vanalingi vuvi ku mesho ange, co ololo maninga avo vakawetila ngwe muvaketila mema, co mivila yavo ikalala asi nakuvolelao.”