Njelemiya 9:20 - Livulu lya Shukulu Kalunga

²⁰ Njelemiya wendekele ngwendi, “Yeni vanakazi tolilileni lijwi lya Shukulu Kalunga. Longeseni vana veni va vanakazi kulila, nakulongesa vasamba veni kwimba myaso ya vusiwa.

Njelemiya 9:20 Iomraidhean Croise

Yombi 22:22

Tambula vilongesa vitunda mu kanwa kendi, co nyunga majwi endi mu mbunge yove.

Isaya 3:16

Shukulu Kalunga nendeka ngwendi, “Kengeni kulyalesa kwa vanakazi va mu Yelusalema! Venda nakukezima na tumanambo twatundondo, oku makai a ku mendi avo oya ca, ca.

Isaya 3:4

Shukulu Kalunga akatava vanu ngeci vavashwane ku vanike.

Njelemiya 14:16

Vanu vaje vavanakala nakuleka vyuma evi, navo lalo njikavatsiya mu cifwa cimolika. Mivila yavo vakayumbila mu vitapalo vya Yelusalema, naumo wai akavatsinda nameme vanakazi vavo, nambe vana vavo va vanalume, nambe vana vavo va vanakazi. Omwo njikavelwisila vuvi vwavo.”

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Njelemiya 6:11

Shukulu Kalunga vukalu vwove ali vakevo nange lalo vulinakunjenyeka mu mbunge kunjasa kututumana.” Asinoni Shukulu Kalunga wendekele kuli yange ngwendi, “Itila vukalu vwange ali vanike vali mu vitapalo na ali vakwenje vaje vanalikungulula, na ali vanalume vakwambata, na ali vanakazi vakushomboka, naa tukulukazi voshe.

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Njelemiya 8:2

Kuvakavikungulula nakuvitsinda, oloni vitsiya vyavo vikafwa ngwe vwilo. Vakavishanda a litanya, na ngonde, na vingongonosi, vije vivazemene nakuvipangela, nakuvilemesa.

Njelemiya 9:12

Njelemiya wehwile Shukulu Kalunga ngwendi, “Omwo vikajo lifuti lili mupulungwa nakuma cau ngwe mu mambo, ngeci naumo wai alinakwitamo? Iyajo muka-mana asa kuzivisisa evi? Kuli iyajo unavinungulwila ngeci alekeko vakwavo?”

Mbimbi 2:19

Induka-induka vutsiki vwoshe ngeci ulombele kuli Shukulu Kalunga, ngeci ecele mbunge yove nakumulomba ngeci akuzivileko mema ku mbunge a vana vove vaje valinakulanduka ku njala mu vimbango vyoshe vya vitapalo!

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.