Njelemiya 9:19 - Livulu lya Shukulu Kalunga

¹⁹ Tolilileni mutambi wakulila mu Siyone ngwawo, “Twaviya! Cili vene tuli na shwamwa yakama! Tunapande kutunda mu lifuti lyetu, membo etu vanawasiwula.”

Njelemiya 9:19 Iomraidhean Croise

Isaya 32:9

Yeni vanakazi vaje valinakuyoya mwamuvwa, kumwesi nevi vyakulishoshomwena, tolilileni ku vije njilinakwendeka.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 2:14

“Isalele kapwile ndungo, kuvamukitilile mu vundungo. Cooni omwo vikajo vitozi vendi valinakumuyomba?

Njelemiya 4:13

Kengeni, citozi alinakwija ngwe mashelwa. Matemba endi a nzita anapu ngwe kankumba, co tuvalu twendi vashatuka manene kutuvakana vingonga. Ngongo yetu! Tunanyongo!

Njelemiya 4:20

Tuyando tulinakulikavasana, lifuti lyoshe lyasala mupulungwa. Ololo vimbalaka vyetu vinanyongo, mavamba avyo anatavozoka tavu-tavu.

Njelemiya 7:15

Yeni vanu va mu Yunda, njikamisheka mu lifuti lyange ngwe munjashekele vavushoko vweni vanu va Isalele. Yange Kalunga, njinendekamo.”

Njelemiya 7:19

Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Mbimbi 4:15

Vanu vatambekele ngwavo, “Tundeni kuli yetu! Munalijwalesa kesi mutukwate!” Ngecivene, vakele nakwendangana kutunda ku lifuti limo, nakuya ku lifuti likwavo, oloni naumo wai wavatambwile.

Mbimbi 5:2

Vufuko vwetu vuli mu mavoko a vangenzi, co vaka-kwija valinakuyoyela mu vinjuvo vyetu.

Ezekiyele 27:2

“Muna munu, imbila Tile mwaso wa vusiwa,

VaLevi 18:25

Vilinga vyavo vinaviisa lifuti, ngecivene, Shukulu Kalunga alinakunyanyamesa lije lifuti. Co lifuti linavyana vaje vanu valimo.

VaLevi 18:28

Asinoni lifuti kulikasa kumivyana ngwe muje linavyana vaka-kujeneka kukulaela, vaje vanakalamo simbu kanda mwijemo.

VaLevi 20:22

Ngecivene, mukanyunge mashiko ange oshe, nakushika kwange kwoshe nakuwalinga, ngeci kesi vakamivyane mu lifuti muje munjilinakumitwala.

Mika 2:10

Katukeni muye, kukwesi mwamuvwa lalo kuno embwe. Vuvi vweni vunaviisa uno mutambela nakuunyongesa woshe njwa.

Mika 2:4

Omo ije simbu iketa, vanu vakendeka majwi amavi ali yeni kupwa cimweso ca tuyando twakama, co vakaimba mwaso uje wa vusiwa ali yeni ngwavo, ‘Tunanyongo njwa! Shukulu Kalunga natutambula lifuti lyetu nakulyana kuli vaje vatukwatele vunzinda.’ ”

Kwituluka mu Mashiko 28:29

Mukambumbangela mutanya mwelu ngwe kapuputwa, kumukamono ngila. Kumukasa kupanga mwamuvwa mu vyuma vyoshe vimukalinga. Vakamiyandesa nakumivila, co naumo wai akamyamena.