Njelemiya 9:15 - Livulu lya Shukulu Kalunga

¹⁵ Ngecivene, tolilileni cinjikalinga yange Kalunga Muka-nzili yoshe, Njambi ya Isalele, njikalisa vanu vange vyakulya vyakulula nakuvanwisa mwaze.

Njelemiya 9:15 Iomraidhean Croise

Myaso 60:3

Unayandesesa manene vanu vove, unatunwisa vwala vwakutupelyangesa.

Myaso 69:21

Omo njakele na njala, vanjanene nyanga, omo njakele na lihwila, co vanjanene vinyu vyakulula.

Myaso 75:8

Mu livoko lya Shukulu Kalunga muli nganja inashulu na vinyu vya vukalu vwendi, akavitila asi, co vaka-vuvi voshe vakavinwa nakuvimanesa.

Myaso 80:5

Tuyando twetu tunapu ngwe vyakulya vyetu, vusiwa vwetu vunapu ngwe mema akunwa.

Isaya 2:17

Kulyaka ku vukama na kulyalesa kwa vanu kukahwa,

Isaya 2:22

Kesi mukulaele vanu, omwo simbu ilinakwija omo vakatsa, co vasa kumikwasa vatijo?

Njelemiya 23:15

“Ngecivene, evi vikevyo vinjendeka yange Kalunga Muka-nzili yoshe ali vaka-kwimanena va mu Yelusalema. Njikavalisa vimena vyakulula, nakuvanwisa mwaze omwo vanashandola vuvi mu lifuti mwoshe.”

Njelemiya 24:10

Njikatuma nzita, na njala ya lyangengela, na mushongo ali vakevo ngeci naumo wai akasalao mu lifuti lije linjanene kuli vakevo na kuli vakukulwila vavo.”

Njelemiya 25:15

Shukulu Kalunga, Njambi ya Isalele, wendekele kuli yange ngwendi, “Nganja ya vinyu eyi inashulu na vukalu vwange. Itwale kuli voshe vaje kesi vaYunda kuje njikakutuma, co vanwiseyo.

Njelemiya 44:27

Kunjikamivezikisa embwe, oloni njikaminyongesa. Muvavoshe mukatsa ku nzita, nambe ku mushongo, naumo wai wa ali yeni akasalao.

Njelemiya 49:37

Njikazivisa vanu va Elame lyova lyakutewa vitozi vavo, vaje vashaka kuvatsiya. Akuluvala kwange kwakama njikanyongesa vanu va Elame, nakutuma mbunga ya mashwalale vakuvalwisa noo njinavamanesa voshe.

Njelemiya 8:14

Vanu va mu Yunda vehwile ngwavo, “Omwo vikajo twatumbamene kuluu? Tuteweleni ku vinganda vya vimpaka vyakukola tukatsileko. Shukulu Kalunga Njambi yetu natuhisa natwana mwaze tunwe ngeci tutse, omwo tunalingi vuvi ku mesho endi.

Mbimbi 3:15

Wanjisindiiye kunwa vyakulula nakunjilisa vyakulya na vyakunwa vyakulula.

Mbimbi 3:19

Viyongola vyakukemanga kwange, na vulika vwange vilula ngwe mwaze.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 5:2

Enyekela mutambela wamucitatu wa vin̄ambu mu nganda omo nzita inahu. Co nona mutambela ukwavo wamucitatu nakuutetanga na mukwale wove omo ulinakulizenga ku nganda. Umbila mutambela uje wanasalao wamucitatu mu lihunzi, co njikavakava na mukwale wange.

Kwituluka mu Mashiko 28:36

“Shukulu Kalunga akamitwala, na mwene yeni uje mukaangula ku lifuti lya vungenzi, lije kumwazivukile yeni nambe vakukulwila veni. Kuje mukapangela vinjambi vakushonga va viti na mamanya.

Kwituluka mu Mashiko 29:18

Mwa vushunga vene kesi kukakale munalume, nambe munakazi, nambe naanga, nambe muyati akati keni munemana kuno ku litangwa lya lelo akatenguluka nakutunda kuli Shukulu Kalunga Njambi yetu nakulemesa vinjambi va miyati ije embwe. Cuma eci cinalifu ngwe muzi ulinakukula kupwa muti wakulula na vushungu vwa kutsa.

Kujombolola 8:11

(Lizina lya ije ngongonosi likelyo “Mwaze”.) Co litambelo lyamucitatu lya mema lyemukile kupwa mwaze, co vanu vavangi vatsile mukunwa ku mema aje, omwo akewo atengulukile kupwa mwaze.