Njelemiya 9:12 - Livulu lya Shukulu Kalunga

¹² Njelemiya wehwile Shukulu Kalunga ngwendi, “Omwo vikajo lifuti lili mupulungwa nakuma cau ngwe mu mambo, ngeci naumo wai alinakwitamo? Iyajo muka-mana asa kuzivisisa evi? Kuli iyajo unavinungulwila ngeci alekeko vakwavo?”

Njelemiya 9:12 Iomraidhean Croise

Myaso 107:34

Watengulwile livu lya vwilo kupwa mambo ya mwongwa, omwo vuvi vwa vaje vakele muje.

Myaso 107:43

Voshe vaje vaka-mana vayongole a vyuma evi, vayongole cizemo ca Shukulu Kalunga cije kucesi kutenguluka.

Isaya 42:23

Iyajo umo wa ali yeni akatolilila vyuma evi? Kutunda ololo nakutwalao? Kuma mukatolilila nakunyanyama?

Njelemiya 23:10

Lifuti lyashulu na vanu vakujeneka kulongwa kuli Shukulu Kalunga vapangesa nzili yavo mukulinga vyuma vyavivi. Omwo ya cisingo ca Shukulu Kalunga lifuti lilinakulila, co mu vyana vyakulila vimuna munomu cau.

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Njelemiya 23:22

Nga vazivukile viyongola vyange vya mu vushweke, nga vambulwile majwi ange ku vanu vange nakuvatundisa ku vingila vyavo vya vuvi, na ku vilinga vyavo vya kupenga-penga.

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Njelemiya 9:20

Njelemiya wendekele ngwendi, “Yeni vanakazi tolilileni lijwi lya Shukulu Kalunga. Longeseni vana veni va vanakazi kulila, nakulongesa vasamba veni kwimba myaso ya vusiwa.

Ezekiyele 14:23

asinoni mukazivuke ngeci kuma cihiso cange ali vakevo capwile ca vushunga.” Mwanendeka Shukulu Kalunga wa Akamwa ya Vyoshe.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Hoziya 4:10

Mukalya litambelo lyeni lya vin̄ombelo, oloni kumukakuta, mukalemesa njambi wa lusemo, oloni anga kumukakala na vana, omwo munanjikengesa nima nakukava vinjambi veka.”

Njwele 1:11

Linyengeni, yeni vandimi, lileni mbimbi-mitwe, yeni vaka-kunyunga vitungu vya mikolovozi ya vushuka vwa vinyu, omwo tiliku na mbale ya maumwa na vimbuto vyoshe vinanyongo.

Zefaniya 3:6

Shukulu Kalunga alinakwendeka ngwendi, “Njamanesele miyati yoshe ya vanu njwa, njanyongesa vinganda vyavo, nakuseza vivumbe vyavo na tuposhi twavo mitumbo. Co vinganda vinapu vingundu vyangoco, naumo wai alinakwenda mu vitapalo, vanu voshe vanai.

Mateo 24:15

“Ngecivene, mukamona Cimweso ca Vunyengwe cije cendekele Ndanyele cinemana mu mwela wakujela.” (Yove ulinakulava zivisisa muvinalumbunukila!)

Kwituluka mu Mashiko 32:29

Nga vakele na mana ngwe vazivukile vije vyalingiwile, oloni kuvayongwele kuhwa kwavo.

Kujombolola 1:3

Kuvwaelela kuli uje alinakulava eli livulu, co lalo kuvwaelela kuli vaje vatolilila ku majwi a muzimbu wa vuka-kwimanena nakwononoka vije vivanasoneka mu livulu eli! Omwo simbu ili muyehi omo vyoshe evi vikalingiwa.