Njelemiya 9:10 - Livulu lya Shukulu Kalunga

¹⁰ Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Njelemiya 9:10 Iomraidhean Croise

Isaya 41:15

Njikamipwisa ngwe likina lyakujungwisa, lije lili na mayo amaha akuvambuka. Mukajungula minkinda ngwe muvakajungula tiliku nakuyishalamesa, co malundu akatsenoka kupwa likungu.

Isaya 49:19

“Lifuti lyove lyaviile, co lyapwile ngundu, oloni ololo likashula manene na vanu vaje valinakwija nakutungamo. Na vitozi vove voshe vakakala kulyala nove.

Njelemiya 12:10

Vaka-kushwana vavangi vanaviisa lifuti lyange ngwe lihya lya mikolovozi ya vushuka vwa vinyu, vanalyatangela mahya ange, vanatengulula lifuti lyange lyalivwa kulipwisa mambo.

Njelemiya 12:11

Vanalipwisa ngundu, linasala lyangoco ku mesho ange ngwe ngundu. Lifuti lyoshe linapu mambo ku mesho ange, co naumo wai nombuko mbunge.

Njelemiya 12:4

Visimbu vingai lifuti lyetu likauma, na mwila wa mu mahya oshe ukajujwama? Tusitu na tuzila valinakutsa omwo vuvi vwa vanu vetu, vanu ava valyalesa nakwendeka ngwavo, “Njambi kamono evi tulinakulinga.”

Njelemiya 14:6

Vingolo vanemana akamwa ya malundu vaekela ngwe vimbanje, mesho avo anatsitsivala omwo mwila wai.

Njelemiya 2:15

Valinakumwanena ngwe vindumba, lifuti lyendi vanalipwisa mambo, co vinganda vyendi vinapu vyamupulungwa, naumo wai wakalamo.

Njelemiya 2:6

Vakukulwila veni kuvanjumbile mbunge, nameme njavamenene kuvatundisa mu Ingito nakuvatwamenena mu mambo, mu lifuti lyakuma na lishen̄avu, lifuti lyakuma lya vushonde muje naumo wai wakelemo, nambe kwendamo.

Njelemiya 23:10

Lifuti lyashulu na vanu vakujeneka kulongwa kuli Shukulu Kalunga vapangesa nzili yavo mukulinga vyuma vyavivi. Omwo ya cisingo ca Shukulu Kalunga lifuti lilinakulila, co mu vyana vyakulila vimuna munomu cau.

Njelemiya 50:3

“Muyati wa vanu vakutunda ku kunto vanaija nakulwisa Mbambilone, nakuyipwisa mambo. Vanu na tusitu vakatewela kulyala, co naumo wai akakalamo.”

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Njelemiya 8:18

Naumo wai asa kunjizembeleka ku vusiwa vwange, vulinakunjivinjisa mu mbunge.

Mbimbi 1:16

“Omwo vyuma evi mukemwo njilila misozi. Naumo wai anjizembeleka, nambe kunjitakamesa. Vitozi vananjifungulula, co vanu vange kuvesi na cuma cimo cije civanasala naco.

Mbimbi 2:11

Mesho ange avenga ngengu nakulila, mwonyo wange uli mu vukalu. Njinazeye na vusiwa akunyonga kwa vanu vange. Vanike na vimbututu valinakulezumukila mu vitapalo vya mu nganda.

Mbimbi 5:18

Omwo Munkinda wa Siyone uli mwawo lika mu ngundu, co vimbanje lika valinakwendelamo.

Ezekiyele 14:15

“Nambe nga njituma tusitu mukutsiya vanu, co lifuti likale mu vushonde, ngeci munu naumo wai ase kwitamo,

Ezekiyele 27:2

“Muna munu, imbila Tile mwaso wa vusiwa,

Ezekiyele 29:11

Kukwesi munu nambe kasitu akaitamo. A myaka makumi awana, nacimo cai cikakalamo.

Ezekiyele 33:28

Co lifuti njikalipwisa vingundu vyangoco, co nzili ije vakele nakulyalesela nayo ikahwa. Minkinda ya Isalele ikapwa mambo yangoco, co naumo wai akasa kwita mukati kayo.

Ezekiyele 6:6

Vinganda vyoshe vya Isalele vikanyonga, ngecivene, mitula yavo yoshe na tumponya twavo vikasanyozoka vimbazuvwila-mbazuvwila, co mitula yavo ya insense ikasanyozoka, vyoshe vije vivalingile vikanyonga.

Hoziya 4:3

Ngecivene, lifuti likauma cau, co vyuma vyoshe vije vyakalamo vikatsa. Tusitu na tuzila voshe nameme visi vakatsa.”

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Njwele 1:19

Njitambeka kuli yove Shukulu Kalunga, omwo mwila na miti yoshe vinomu cau, ngwe vije vivanenyeka na tuhya.

Amose 5:1

Tolilileni, yeni vanu va Isalele, ku mwaso wa vusiwa ou njimimbila.

Amose 5:16

Ngecivene, Shukulu Kalunga wa Akamwa ya Vyoshe Muka-nzili yoshe alinakwendeka ngwendi, “Kukakala kulila mbimbi-mitwe mu vitapalo vya mu nganda. Na vandimi navo vakavaleka ngeci valile na vaje voshe vavakafwete vimbongo ngeci valile.

Mika 2:4

Omo ije simbu iketa, vanu vakendeka majwi amavi ali yeni kupwa cimweso ca tuyando twakama, co vakaimba mwaso uje wa vusiwa ali yeni ngwavo, ‘Tunanyongo njwa! Shukulu Kalunga natutambula lifuti lyetu nakulyana kuli vaje vatukwatele vunzinda.’ ”

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.