Njelemiya 8:9 - Livulu lya Shukulu Kalunga

⁹ Vanu veni vaka-mana vali mu citanga, co vakavakwata nakuvazivisa shwamwa. Vanavyana majwi ange, mana akajo valinawo?

Njelemiya 8:9 Iomraidhean Croise

2 Vimyene 17:15

Kuvononokele mashiko endi, kuvanyungile cikumiiyo cije calikumiiye na vakukulwila vavo, nakwononoka kunangula kwendi. Vapwile vanu vakujeneka seo omwo valemesele tumponya twakujeneka seo, nakukavangeya futisi ya miyati ije yavazengelekele, ije yatumbwile Shukulu Kalunga ngwendi kesi vakavatembunwine.

Yombi 5:12

Ikeye muka-kutanganesa matumbe a vaka-kunyanyama, ngeci kukwesi cuma civalinga civezike.

Yombi 5:13

Vaka-kunyanyama vatsa mu myeto na kutsa mu matumbe avo vavenya,

Myaso 19:7

Mashiko a Shukulu Kalunga apwa akulumbunuka, akewo akolesa mwonyo. Mashiko a Shukulu Kalunga apwa amavwa kuwakulaela, aana mana kuli vaje vanawajeneka.

Isaya 19:11

Vantwama va mu nganda ya Zoane vanapu vilema! Vanalume vakamana va mu Ingito vakanangula vya vukolokomba! Vatijo valeka mwene wa Ingito ngwavo, vakevo vapwa vanu va mana manene, co naanga yavo yapwa naanga ya vimyene va ku san̄ulu?

Isaya 29:14

Ngecivene, kengeni, njikalinga lalo vyuma vyakukomokesa a vanu ava, co njikanyongesa mana a vaje valiyongola ngwavo vali na mana nakuzivuka.”

Isaya 43:27

Kukulwila yeni wakulivanga walingile vuvi, vantwama veni valingile vuvi vwakunjilwisa,

Isaya 8:20

Co yeni vakumbululeni ngweni, “Tolilileni ku vije vyamilongesa Shukulu Kalunga! Kesi mutolilile kuli vaka-kwendeka na vakulu mbwe, vije vivamileka kuvyasa kumikwasa.”

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Njelemiya 49:7

Evi vikevyo vyendekele Shukulu Kalunga Muka-nzili yoshe ali Endome ngwendi, “Kuma vaka-Endome vanazimbalesa kusompa kwavo kwakuvwa ndi? Kuma vaka-kuvanangula vavo kuvasa kuvaleka vije vivanapande kulinga ndi? Kuma mana avo oshe anahu ndi?

Njelemiya 6:15

Kuma vazivile shwamwa omwo valingile vyuma vya vunyengwe ndi? Embwe, kuvazivile shwamwa omwo kuvesi kuziva shwamwa. Omo njikavanyanyamesa, co vakawa ngwe muvanau vakwavo, co vakanyonga. Yange Kalunga, njinendekamo.”

Njelemiya 6:19

Tolilileni yeni vaka-asi! Njikanena cihiso ali vanu ava, omwo vanavyana vilongesa vyange, co kuvononokele majwi ange.

Ezekiyele 7:26

Tuyando twakama tukalikavasana, co muzimbu wauvi ukakavasana ukwavo. Mukalomba vaka-kwimanena ngeci vamijombolwela vya kulutwe. Vaka-kakukombelela cuma nacimo cai civakalongesa vanu, co vakulunu cuma nacimo cai civakanangula.

Amose 2:4

Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo.

Zakaliya 13:4

A litangwa lije, naumo wai muka-kwimanena akalyalesa na vimona vyendi, nambe kupwa ngwe muka-kwimanena, nambe kuzala vuzalo vwa muka-kwimanena vwa vulaja ngeci akwise vanu.

Kwituluka mu Mashiko 4:6

Ngecivene, ononokeni mashiko, co eci cikamwesa vanu va miyati yeka mana eni. Omo vakaziva mashiko oshe awa, co vakendeka ngwavo, ‘Mwa vushunga muyati ou vali na mana nakuzivisisa kwakuvwa!’

2 Timateo 3:15

co wazivuka ngwove tunde ku vwanike vwove, unazivuka Visoneka Vyakujela, vije vyasa kukwana mana mukukutwamenena kukwovoka kwakukulaela muli Kilistu Yesu.