Njelemiya 8:3 - Livulu lya Shukulu Kalunga

³ Co vanu va muyati ou wa vuvi vaje vanasalao njikavatwala ku mafuti eka, vakaangula kutsa kutuvakana kuyoya. Yange Kalunga Muka-nzili yoshe, njinendekamo.”

Njelemiya 8:3 Iomraidhean Croise

1 Vimyene 19:4

wendele litangwa lyoshe lyamutunu mu mambo. Co watumbamene asi mu munzinze wa muti, ikeye washakele ngeci atse. Co walombelele ngwendi, “Njayanda manene Shukulu Kalunga, tundisa mwonyo wange, ngeci njitse!”

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 23:8

Oloni vakalisinga a lizina lyange kupwa Njambi wakuyoya uje watundisile vanu va Isalele ku lifuti lya ku kunto na ku mafuti oshe eka lalo kuje kunjavashandwelelele. Asinoni vakakala mu lifuti lyavo.”

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 29:28

Napande kulikela omwo walekele vanu mu Mbambilone ngwendi vakapwa vinzinda muje simbu yakama, co vanapande kutunga vinjuvo, nakutumbama, nakukuna vyakulya mu mahya nakuvilya.”

Njelemiya 40:12

Ngecivene, vatundile ku mitambela kuje kuvashandokelele, co velukile ku Yunda. Vezile kuli Ngendaliya ku Mizipa, vakungulwile vinyu vyavingi manene na vushuka.

Njelemiya 44:2

Shukulu Kalunga Muka-nzili yoshe, Njambi ya Isalele, wendekele ngwendi, “Yeni voshe mwamwene vukalu vwoshe vuje njanenele a Yelusalema, na ku vinganda vyoshe mu Yunda. Nameme ololo anga vinapu vingundu, naumo wai wakalamo,

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Njelemiya 6:9

Shukulu Kalunga Muka-nzili yoshe wendekele kuli yange ngwendi, “Isalele vakavakambula ngwe muvakakambula citungu ca mikolovozi ya vushuka vwa vinyu kuje kuvanapotola vushuka vwoshe. Ngecivene, unapande kwamena munu woshe omo kucili simbu.”

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Amose 3:1

Yeni vanu va Isalele, tolilileni majwi awa anendeka Shukulu Kalunga kuli yeni, muyati woshe vaje vaatundisile ku Ingito,

Yona 4:3

Ngecivene, ololo, Shukulu Kalunga, tambula mwonyo wange. Mwamuvwa kuli yange kutsa kutuvakana kuyoya.”

Mika 2:3

Ngecivene, Shukulu Kalunga alinakwendeka ngwendi, “Njilinakuyongola kunena tuyando twakama ali yeni, co kumukasa kuvanda embwe. Mukakala mu vukalu, co kumukende na kulyalesa lalo.

Kwituluka mu Mashiko 30:1

“Co yange njinamyana kulyangwila akati ka vivezikiso na visingo. Omo vyuma vyoshe vije vanalingi kuli yeni, co yeni mulinakukala akati ka miyati muje mwanamishandwela Shukulu Kalunga Njambi yeni, co mukanuka majwi ange oshe.

Kwituluka mu Mashiko 30:4

Nameme nga yeni mwashandokelele ku mafuti a kulyala, Shukulu Kalunga Njambi yeni akamikungulwila amolika nakumiilwisa lalo,

Kujombolola 6:16

Co vasanene minkinda na mamanya ngwavo, “Ijeni mutuwile nakutufwika kutunda ku mesho a uje natumbama a litanda na ku vukalu vwa Muna Manga!

Kujombolola 9:6

Co mu vingonde vije vitanu vanu ava vakashaka kutsa oloni kuvakaciwana, vakashaka ngeci vatse, oloni kutsa cikavatewa.