Njelemiya 8:2 - Livulu lya Shukulu Kalunga

² Kuvakavikungulula nakuvitsinda, oloni vitsiya vyavo vikafwa ngwe vwilo. Vakavishanda a litanya, na ngonde, na vingongonosi, vije vivazemene nakuvipangela, nakuvilemesa.

Njelemiya 8:2 Iomraidhean Croise

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 21:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya, watungile mitula yakulemesela Mbale, co walingile cifwa ca Ashela njambi wa munakazi, ngwe mwalingile Mwene Ahave wa mu Isalele. Co lalo walemesele vingongonosi.

2 Vimyene 21:5

Mu vimbanja vivali vya mu Njuvo ya Shukulu Kalunga watungililemo mitula yakulemesela vingongonosi.

2 Vimyene 23:5

Co watundisile vaka-kukombelela vaje vavemikile vimyene va mu Yunda kukombelela vin̄ombelo a mitula ya vaka-kujeneka kukulaela mu vinganda vya Yunda na mitambela kuyehi na Yelusalema, na vaka-kukombelela voshe vaje vakombelelele vin̄ombelo kuli Mbale na ku litangwa na ku ngonde na ku vimbunga vya mwilu, na ku vingongonosi.

Myaso 53:5

Oloni vakaziva lyova lyakama, lyova lije kulyakeleko lalo, omwo Njambi akashandola vitsiya vya vitozi va vanu vendi. Mukavazivisa shwamwa omwo Njambi navavyana.

Myaso 83:10

Wavanyongesele ku Endole, co mivila yavo yavolelele asi.

Myaso 83:11

Linga ku vantwama vavo ngwe muwalingile kuli Olemba na kuli Zeve, fungulula vaka-kushwana vavo voshe ngwe muwalingile na Zeva na Zelumuna.

Muka-kwambulula 6:3

Nga munu akita vana 100 nakuyoya myaka yaingi, co myaka yendi ituma, oloni kesi kuvwaelela nambe kumutsinda mwamuvwa, co njendeka ngwange, mwana wakujombwesa limbo ali na seo kutuvakana uje munu.

Njelemiya 14:16

Vanu vaje vavanakala nakuleka vyuma evi, navo lalo njikavatsiya mu cifwa cimolika. Mivila yavo vakayumbila mu vitapalo vya Yelusalema, naumo wai akavatsinda nameme vanakazi vavo, nambe vana vavo va vanalume, nambe vana vavo va vanakazi. Omwo njikavelwisila vuvi vwavo.”

Njelemiya 16:11

Asinoni ukavaleka ngwove Shukulu Kalunga nendeka ngwendi, ‘Omwo vakukulwila veni vanjikengesele nima, valemesele nakupangela vinjambi veka. Vanjisezele kuvononokele vilongesa vyange.

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 19:13

Vinjuvo vya mu Yelusalema na vinjuvo vya vimyene va mu Yunda, na a viluli vya vinjuvo vyoshe aje vakele nakwenyekela insense ku vingongonosi, na kuje vakele nakwitilila vinyu kupwa mulambu ku vinjambi veka, vyoshe vikapwa vya mazilo ngwe ku Tofete.”

Njelemiya 22:19

Vakamutsinda ngwe cimulu, vakamukoka nakumumbila anja ya vikolo vya Yelusalema.”

Njelemiya 25:33

A litangwa lije, mivila ya vaje vaatsiile Shukulu Kalunga ikakala nakushandozoka kutunda ku shongo imo ya kaye nakweta ku shongo ikwavo. Naumo wai akavalila, nambe kuvatsinda. Vakalala asi ngwe mitumbo ya vwilo.

Njelemiya 31:40

Mu cimbongo muje vakatsindi vivimbi, nakumbila vishwashwa, na mahya oshe a vulamatelo a kandonga ka Kindelone kuketa na ku Cikolo ca Tuvalu mu ngangela, kuli yange ikapwa mitambela yakujela. Nalumo lwai lalo vakasiwula Yelusalema nambe kuyinyongesa.”

Njelemiya 36:30

Ngecivene, ololo, yange Kalunga, njendeka kuli yove, Mwene Yehoyakime, ngwange naumo mutekulwila wove akashwana mu vumwene vwa Ndaviti wai. Muvila wove vakaumbila anja kuje ukominina na litanya a simbu ya mutanya, nakushinuka ku lisika a simbu ya vutsiki.

Njelemiya 9:20

Njelemiya wendekele ngwendi, “Yeni vanakazi tolilileni lijwi lya Shukulu Kalunga. Longeseni vana veni va vanakazi kulila, nakulongesa vasamba veni kwimba myaso ya vusiwa.

Njelemiya 9:21

Kutsa kunatukovelela mu vinjanena vyetu, co kunakovela na mu vinjuvo vyetu, nakutsiya vanike mu vitapalo, na vakwenje mu mitambela ya vulandeselo.

Njelemiya 9:22

Vivimbi vinashandokela kwoshe-ikwoshe, ngwe vinumbo vya vwilo vwa mu mahya, nambe ngwe tiliku ivanateje, oloni vaka-kuteja vanaiseze, naumo wai asa kuyikungulula. Evi vikevyo vyananjileke Shukulu Kalunga ngeci njivyendeke.”

Ezekiyele 29:5

Njikakumbila mu mambo amolika na visi va mu ndonga. Muvila wove ukalala asi kuvakakutsindi. Njikana muvila wove ku tuzila na tusitu kupwa vyakulya vyavo.

Ezekiyele 39:5

Vakevo vakatsila mushandangala yangoco. Munjinendeka yange Kalunga wa Akamwa ya Vyoshe.

Ezekiyele 6:5

Njikashandola mivila ya vanu va Isalele, nakushandwela vitsiya vyavo ku mitula yoshe.

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Zefaniya 1:17

Shukulu Kalunga alinakwendeka ngwendi, “Njikanena tuyando twakama ngeci vanu voshe vakapuputiya ngwe tupuputwa. Vanalingi vuvi ku mesho ange, co ololo maninga avo vakawetila ngwe muvaketila mema, co mivila yavo ikalala asi nakuvolelao.”

Zefaniya 1:5

Njikanyongesa vanu voshe vaje vakalondo akamwa ya njuvo nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki.

Vilinga vya Miluwa 7:42

Oloni Njambi wavakengesele nima, co wavecelele ngeci valemese vingongonosi vya mwilu, ngwe muvanasoneka mu livulu lya vaka-kwimanena ngwavo, ‘Vanu va Isalele! Kesi kuli yange mwatsiilile nakukombelela tusitu a myaka makumi awana mu mambo, embwe.

Kwituluka mu Mashiko 17:3

akulemesa nakupangela vinjambi veka, nambe kulemesa litangwa, nambe ngonde, nambe vingongonosi, vije vyanavindika Shukulu Kalunga,

Kwituluka mu Mashiko 4:19

Linyungeni kutewa mukawila mu ceseko cakulemesa nakupangesa vije mumona mwilu, litangwa, na ngonde, na vingongonosi. Shukulu Kalunga Njambi yeni navyaana vanu voshe veka vali ano asi ngeci vavilemese.