Njelemiya 8:14 - Livulu lya Shukulu Kalunga

¹⁴ Vanu va mu Yunda vehwile ngwavo, “Omwo vikajo twatumbamene kuluu? Tuteweleni ku vinganda vya vimpaka vyakukola tukatsileko. Shukulu Kalunga Njambi yetu natuhisa natwana mwaze tunwe ngeci tutse, omwo tunalingi vuvi ku mesho endi.

Njelemiya 8:14 Iomraidhean Croise

2 Samwele 20:6

Ngecivene, mwene wendekele kuli Avishai ngwendi, “Shemba akatunenela vukalu kutuvakana Avisalome. Ya na vanu vange muye nakumukava, kutewa akakovela mu vinganda vya vivumbe, co akatuvomboloka.”

Myaso 39:2

Njolokele kuluu, kunjendekele lijwi limo, nameme kwendeka a cuma cimo cacivwa! Oloni nameme ngoco tuyando twange twatumine manene,

Myaso 69:21

Omo njakele na njala, vanjanene nyanga, omo njakele na lihwila, co vanjanene vinyu vyakulula.

Isaya 47:5

Shukulu Kalunga nendeka ku Mbambilone ngwendi, “Tumbama kuluu mu lisusulungu, nalumo lwai lalo vakakutumbula vamwene wa mafuti!

Njelemiya 14:20

Shukulu Kalunga, tunalingi vuvi ku mesho ove, tulitavela vuvi vwetu, na vuvi vwa vakukulwila vetu.

Njelemiya 14:7

Vanu vange vanjililila ngwavo, ‘Nameme vuvi vwetu vutuhisa, oloni Shukulu Kalunga tukwase ngwe omo watukulaesele. Tunakukengesa nima visimbu vyavingi, tunalingi vuvi ku mesho ove.

Njelemiya 23:15

“Ngecivene, evi vikevyo vinjendeka yange Kalunga Muka-nzili yoshe ali vaka-kwimanena va mu Yelusalema. Njikavalisa vimena vyakulula, nakuvanwisa mwaze omwo vanashandola vuvi mu lifuti mwoshe.”

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 35:11

Oloni omo Mwene Nevukaneza wakovelele mu lifuti nakulwisa vanu, twayongwele kwija ku Yelusalema ngeci tutunde kuli vaMbambilone na kuli vaSilya. Evi vikevyo vyatunene muno mu Yelusalema.”

Njelemiya 9:14

Oloni vanakaluwisa vimbunge vyavo nakulemesa kamponya Mbale ngeci muvalingile vakukulwila vavo.

Njelemiya 9:15

Ngecivene, tolilileni cinjikalinga yange Kalunga Muka-nzili yoshe, Njambi ya Isalele, njikalisa vanu vange vyakulya vyakulula nakuvanwisa mwaze.

Mbimbi 3:19

Viyongola vyakukemanga kwange, na vulika vwange vilula ngwe mwaze.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

Amose 6:10

Asinoni kavushoko ka munu uje natsi akatuwisa civimbi ca mutsi mu njuvo, co akasana woshe uje nasala muje mu njuvo ngwendi, “Muli weka lalo omo mu njuvo ndi?” Co akamukumbulula ngwendi, “Waimo!” Ngecivene, uje kavushoko akendeka ngwendi, “Oloka kuluu! Tunapande kunyanyama kesi tutumbule lizina lya Shukulu Kalunga.”

Hambakuke 2:20

Shukulu Kalunga ali mu Njuvo yendi yakujela, ngecivene, munu woshe ali ano asi oloke kuluu ku mesho endi.

Zakaliya 2:13

Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.

Mateo 27:34

Vaanene Yesu vinyu vyakukumbasana na nyanga ngeci anwe, oloni omo wavimakelele, wavyanene kuvinwa.

Kwituluka mu Mashiko 29:18

Mwa vushunga vene kesi kukakale munalume, nambe munakazi, nambe naanga, nambe muyati akati keni munemana kuno ku litangwa lya lelo akatenguluka nakutunda kuli Shukulu Kalunga Njambi yetu nakulemesa vinjambi va miyati ije embwe. Cuma eci cinalifu ngwe muzi ulinakukula kupwa muti wakulula na vushungu vwa kutsa.

Kwituluka mu Mashiko 32:32

Vitozi vavo vapwa vavavi manene ngwe Sondoma na Ngomola, vapwa ngwe mikolovozi ya vushuka vwa vinyu ije ikemi vushuka vwakulula, na makasha-kasha avwo apwa akulula,