Njelemiya 8:13 - Livulu lya Shukulu Kalunga

¹³ “Njashakele kukungulula vanu vange, ngwe munu akungulula vimbuto vyendi, oloni vanafu ngwe mukolovozi wa vushuka vwa vinyu wa vushuka, nambe ngwe muti wa mukuyu wakujeneka mikuyu, na maputa awo anajujwama. Ngecivene, njinatavesa vanu veka kutambula lifuti.”

Njelemiya 8:13 Iomraidhean Croise

Isaya 5:10

Ku makasha-kasha a vinyu aje alinakumena mu lihya lya mahekita likumi, kukatunda lika malita atanu na atatu a vinyu. Co ku malita makumi atanu na atatu a vimbuto kukatunda lika malita likumi na atanu na atatu a vimbuto.”

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Njelemiya 14:15

Yange Kalunga njikuleka vije vinjikalinga kuli vaka-kwimanena vaje kunjatumine, vakevo valinakwendeka mu lizina lyange, vendeka ngwavo nzita na njala ya lyangengela kuvikakalamo mu lifuti lyavo, oloni njikavatsiila mu nzita nakuvalandwisa ku njala.

Njelemiya 17:8

Munu wa cifwa eci nafu ngwe muti ulinakukula ku ngenge ya kana ka ndonga, co mizi yawo ishalavela ku mema. Kuwesi kuziva ntwima a simbu ya nyangao omwo maputa awo apwa akutonola nakuzivuluka simbu yoshe, kuwesi kujujwama a simbu ya lilanga ukemi vushuka simbu yoshe.

Njelemiya 5:17

Vakalya vimbuto vyeni na vyakulya vyeni, co vakatsiya vana veni va vanalume na ava va vanakazi. Vakatsiya matanga a vimanga veni nakunyongesa mikolovozi ya vushuka vwa vinyu, na miti ya mikuyu. Vinganda vyeni vya mu vimpaka vije mwakulaela vakavisiwula kuli mashwalale vavo.

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Ezekiyele 22:31

Ngecivene, vukalu vwange vukakala ali vakevo omwo vije vivanalingi, co njikavanyongesa ngwe muje mutukanyongesa tuhya.” Shukulu Kalunga wa Akamwa ya Vyoshe nendekamo.

Hoziya 2:12

Njikanyongesa mikolovozi yendi ya vushuka vwa vinyu na miti yendi ya mikuyu, vije vyendekele ngwendi vaka-cizemo cendi vamwanenevyo kupwa fweto yendi omo walingile navo vupangala. Co njikatengulula vitungu vyendi vya mikolovozi ya vushuka vwa vinyu na vitungu vya miti ya vushuka kupwa mambo, co tusitu vakaviviisa.

Njwele 1:7

Vananyongesa mikolovozi yetu ya vushuka vwa vinyu, nakulenda miti yetu ya mikuyu yoshe njwa. Yoshe vanaikovonona vyula, nakuseza minango mwangoco too.

VaLevi 26:20

Co vipangi vyeni vyoshe vya nzili kuvikamikwasa, omwo livu lyeni kulikamenesa vimbuto, co na miti lalo kuyikemi vushuka vwai.

Hambakuke 3:17

Nameme miti ya mikuyu kuyemine vushuka, co kukwesi vushuka vwima a mikolovozi ya vushuka vwa vinyu, nameme vimbuto vya olive vyai, na vimbuto kuvikemi mu mahya, nameme vimanga voshe vakatsa, co mu macakana a vingombe mwoshe mwangoco,

Hangai 1:11

Njinanene lilanga mu lifuti na a malundu, na mu mahya a vimbuto, na mu vitungu vya mikolovozi ya vushuka vwa vinyu, na mu mahya a miti ya olive, na a vimbuto vyoshe vije vikamene asi, na a vanu na a tusitu, na a vyuma vyoshe vimukuna.”

Hangai 2:17

Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile.

Malakiya 3:11

Njikavindika vimbimba kulya vimbuto vyeni, co mikolovozi yeni ya vushuka vwa vinyu ikaima vushuka vwavungi.

Mateo 21:19

Wamwene muti wa mukuyu kumukulo wa ngila, co waileko, oloni kawaneneko vushuka kuvanga maputa lika. Ngecivene, wendekele ku muti uje ngwendi, “Tunde ano kesi ukaime lalo vushuka!” Co aje vene uje muti womine cau.

Yakomba 1:11

Omo litangwa lituuka na misha yalyo ya ntwima nakujujwamesa mwila, co vishani vyakwo vitotomoka na vuvwa vwavyo vunyonga. Ngecivene, mu cifwa cimo vene muka-kufuka akanyonga omwo acitwalelelao mu vilinga vyendi.